¹ Inywa ya MLUME injwilile , ugana, ² Mwana gwa mtu, uhugulule yenyi yobe luubi lwa Yelusalemu, wadogome inywa yobe luubi lwa ihana ya ihaha, wabuwe tulu ya sii gya Isilaeli; ³ wagisambile sii gya Isilaeli, MLUME gwagana bino; Loola, nene nilihegulu hobe, nene nihulula ahilu anyi mihala, nene nimchinga koo nobe mtu gwa kiine na mtu m'bii. ⁴ Bino, bululi nimchinga koo nobe mtu gwa kiine na mtu m'bii, ahilu anyiihululwa mnda hala lyao, ahe hegulu ha batu bose bene bali na mibili uhuma luubi lwa uboo ulume ndaa na lubi lwa uboo wa uachi, ⁵ na bato bose bene bali na mibili bimana ugana nene, MLUME, nihulula ahilu mihala mwao; ashigiwila iyaka. ⁶ Usumwe, bino, Ee mwana gwa mtu; wa yulu ya unogeya bilumbu byage, wa unyogwa, wisumwa u mbele wa meeso mabo. ⁷ Na hahabi, habiusambila, Yuluyai ulihusumwa? Haho noo holidogoma, Wa yulu ya gigyo myano, bululi ilihuchwa; na mtima gogose gwisumbuluwa, na maboo mose mabi na bugongole, na mitima gyose gyichiminya malanga, na machwi mose milebela nahi maadi; loola, ilihuchwa, nayo yigiliya, Mlume ABETCHA gwagana. ⁸ Inywa ya MLUME injwilile, ugana, ⁹ Mwana gwa mtu, ubuwe, ugane, MLUME gwagana bino; Dogoma, Ahilu, ahilu, anonyiwa na uolwa. ¹⁰ aninyiwa bululi agile mgilo gwa ushinja; aololwa yulu abe nahi ahenyu-henyu, bino wi wii! Tuseelele? Ahilu anenuna lubango lwa mwana gwa mtu, nahi byasunenune kila mti. ¹¹ Nao anonyiwa na uololwa, bululi awaswe mmuboo; ahilu anonyiwa, ehe, aololwa na koololo,bului abiwe mmuboo wage guya mmaganyi. ¹² Ita mdodo, gabuwa liidi lya unyogwa, Ee mwana gwa mtu, bululi ahilu ali hegulu ha batu banyi, alihegulu ha baulu bose ba Isilaeli; bahananywa bululi bahagwe wa ahilu hamwechi nabatu banyi, bino lihule wilimbago. ¹³ Bululihali utonjwa; ubi wii, bino, uba ahilu anenuna lulo lubango? Ashibi ho iyaka; Mlume ABETCHA gwagana. ¹⁴ Biino, gogwe mwanagwa mtu, ubuwe, wahule kwasa; ao ahilu aalibiwe nyendo chopi, ata nyendo chitatu; ahilu abo bene babiilwe malase alibu na uuwa; iyahilu a mmata mine gubiilwe malase alibu na uuwa; ali abachunguluwe ngubi chose. ¹⁵ Nabiya songo gya ao ahilu hegulu ha michango gyabo byose, bululi mitima gyabo gisumbuluwe, bululi byaabule bya ulihyatala byabo; Aha! Aiswa uba nahi ahenyu-henyu, anonyiwa yulu ashinje. ¹⁶ Ulibiya ube mgimanyu, ugye luubi lwa uboo wa ulume; waliluliye, ugye luubi lwa uboo wa uachi; ihana yo yose yiine yilola yenyi yobe. ¹⁷ Na nene nihula kwasa, nanene nigyusha uchigililwa wanyi; nene MLUME nadogoma iyo inywa. ¹⁸ Inywa ya MLUME, injwilile iyaka, ugana, ¹⁹ Iyaka, mwana gwa mtu, ulibiile madila mabili, ahilu a oolo lya Babeli hawichwa; mamomadila mabili mihuma mnda sii gimwechi; wagole ihana, wahaagole ha mswe gwa masango na ndila gyine gilihugya mmbuga. ²⁰ Wilaga ndila, ahilu aoshe aagya Laba gwa baana ba Amoni, na ugya Yuda na Yelusalemu, gyina migumbo. ²¹ Bululi oolo lya Babeli gugimene u masango na ndila, ha mswe gwa madila mamo mabili, bululi gaite buganga; gutele migwii ubo na ubo, gubudiche luubi wa ugila, gulolile biinyi. ²² Mnda uboo wage wa ulume gubele na ibya ya umsungila Yelusalemu iyiuhi, ubibiya bitundu bya ubela nabyo, bugadule anywa yulu ya ushinja, gutundule liidi nauita mdodo gwiingi, gubiile bitundu bya ubele nabyo michango, uita migumbo, na ugubaa mawe ma mata. ²³ Ino ihisho wabali ibi nahi buganga bwa bunene, u mbele wa meeso mabo bene babalahile paa ata bibyo gwiita buubi bwengelechiwe, yulu baawaswe. ²⁴ Biino Mlume ABETCHA gwagana bino; Bululi mwauita usona wenyu uengelechiwe, bululi uluba wenyu waununywa, ata ba buubi bwenyu bwamoneya yulu ya bigilanywa byenyu; wa ibalo mwaengelechiwa, mwiwaswa na maboo. ²⁵ Na gogwe, Gogwe mtu m'bii, utelwe malase alibu na uuwa, mmata gwa Isilaeli, gogwe mine lusugu lobe lulihuchwa, mengo ma usona wa isula. ²⁶ Mlume ABETCHA gwagana bino; Uihunye isanjwa ya uliwila umswe, uchule sala; bino bishibi iyaka nahi byabili; uginune yine ili hasi, uisache yine ili iginyubu. ²⁷ Niisululanya, niisululanya, niisululanya, ino nayo ishibi ho iyaka, ndaa na byeliche guya mine noo kiine gyage; nene nimma. ²⁸ Gogwe, mwana gwa mtu, ubuwe udogome, Mlume ABETCHA gwagana bino; yulu ya mwano gwa baana ba Amoni, na yulu ya mwano gwa abule abo; Dogoma, Ahilu, ahilu, ahuhululwa; ahuololwa, yulu ya uhaga, bululi aiswe ahage abisa, yulu aabe nahi ahenyu-henyu; ²⁹ mengo miumonena bunene, mengo mabiuitila maganga na lulimi, bululi bwa uubiya u maoshi mabo baya bene babongolwe malase alubu nauuwa, boo bene masugu mabo mahuhiya, mnda mengo ma usona wa isula. ³⁰ Uagiwiche mnda hala lyage. Ha ihana yage haibumbilwe, mnda sii gyaabutilwe; niuonona gogwe. ³¹ Nene nihongolola uchigililwa wanyi hegulu hobe; niuhulila aahya anyi a sungu chanyi; nene niubiya mnda maboo ma batu bali nahi byiila, bene bagidi abisa uchimyaa. ³² Ubi kunyi cha ubiwa waahya; maashi mobe mabi hawingi ha sii; ushiengelechiwa iyaka; bululi nene, MLUME nadogomo iyo inywa.