¹ Iyaka babiilwe malilo baulu ba Isilaeli, ² ugane, mnobe gubele ii? Tambwe gya ota; gulalile hawingi ha matambwe, hawingi ha baana ba matambe gubalishiche baana bage. ³ Gubeile mwana gumwechi hawingi ha baana bage, gee nuba mwana tambwe, guligigiche uhiba buhibi, gee nuuya batu. ⁴ Mioga nagyo gihuliche mwano gwage, guwashilwe mnda bwamba byabo, bamswalile na bugela ndaa na Misili. ⁵ Haho mnage helimonine ugana gwammemba, na maudagilo mage machimina, guguhilegunge mwaana hawingi ha baana bage, numita uba mwana tambwe. ⁶ Nage nuugya uya na uya hawingi ha matambwe, gee nuba mwana tambwe, guligigiche uhiba buhibi, gee nuuya batu. ⁷ Gumamanine madu mabo, gumadogoche mabuga mabo; sii gyo nuba mauwa, nabyo bitundu bubele bigigiluche, wa ibalo ya lwindo lwa uhugumba wage. ⁸ Haho noo mioga gilibiile hamwechi yulu yage ngubi chose uhuma bibaloo byose; baluwile bwila bwabo yulu yage; gugwile mnda bwamba bwabo. ⁹ Bam'biile mnda hundu na bugela, bammilile wa oolo lya Babeli bam'biile mnda mawe ma maata, liidi lyage lishihulichiwe iyaka hegulu ha koono cha Isilaeli. ¹⁰ Mnage gubele nahi mzabibu, mnda maashi mobe, gwine guuninywe hoka ma maadi; guhele abisa na ugilula matabi bululi gubele hoka na maadi meengi. ¹¹ Nago gubele na tuhindi twa miti twa tuomu, wa mango cha buoolo chabo bene bali huhyilila, na bichulibyabo biginyuwe hawingi ha matabi ma mahangu, bamoneye yulu ya ulaha wabo, hamwechi na bwiingi bwa matabi mabo. ¹² Ata bibyo guchulilwe wa uchigililwa, gugwishiwe hasi, mnaga gwa mlugulu guguminye biguma byage; mitabi gyage gya giomu ginogeye, magumine; aahya amachigiche. ¹³ Na bino waunywa mlwanaganywa, u bitete bya bigumu, na hashi mbula gyigunyena. ¹⁴ Na aahya ahuma hawingi ha tuhindi twa miti twa matabi mage, achigya bigumabyage, na gushi iyaka na ahindi a mti ene ali na uoma ene anaba na mgilo gwa uba lubangolwa buoolo yuluya uhyilila. Na mamo noo malilo, namo mabi malilo.