¹ Inywa ya MLUME injwilile, ugana, ² Mwana gwa mtu, mzabibu guli na punda nai uhima gunge mti, ata na mtabi gwine guli hawingi ha ginge miti gya mmisowa? ³ Wi wii! Mti gwage gunaoshiwa uguhwa, yulu gwagile mgilo gogose? Batu baosha uguita uba mapande ma gugo mti, yulu ya uhanyiya itu yoyose? ⁴ Loola, gunatelwa waahya nahi kunyi aahya asuguchigya masongo mage mose mopi, nago gwachiga hawingi, wi wii! gwagila mgilo gogose? ⁵ Loola, hagubele gugima, gushigilile mgilo gogose; ulingilisha gubehwa uliwa na aahya, na uchiga ubaaala; wi wii! Gunaosha ugila mgilo gogose iyaka? ⁶ Hano Mlume ABETCHA gwagana bino; Nambo mzabibu hawingi ha miti gya mmisowa, byandiahele aahya gube luunyi, noo byandibahana bashami ba Yelusalemu. ⁷ Nene nigumagacha yenyi yanyi yulu yabo; nabo bihuma mnda aahya, ata bibyo aahya ibachigya; benywe mwimana ugana nene noo MLUME, handigumagacha yenyi yanyi yulu yabo. ⁸ Nene niita gino sii uba mauwa, bululi baluba, Mlume ABETCHA gwagana.