¹ Mua gugaile, gugaine, Biino,loola, bashumbwasha, na bashihulicha liidi lyanyi; bululi bigana, MLUME gusutobwela. ² MLUMEgumsambike, Iyii iyoyoli nayo mmuboo obe? Gugaine, Ii lubango, Mlume gumsambile Musa, Lutele hasi; Gulutelile hasi, nalo nuuchwa ndowa; Musa gusinine Musa gusinine uhuma waluli. ⁴ MLUME gumsambile Musa, Golola uboo obe, ugiwate u mmila; (gugololile uoo wage gee nuugiwata, nagyo gigaluwile uba lubango mmuboo wage;) ⁵ bululi baoshe uwasha, ugana MLUME, Abetcha a Iblahimu, Abetcha a Isaka, Abetcha a Yakobo, gwutobwela. ⁶ Mlume gumsambile iyaka, Biino, ubebiya uboo obe u yaali ypbe. Gubiile uboo wage u yaali yage ; nage hali uhuminye, mndi! Uboo wage ubele na bushondo, usili uhaha nahi imundimundi. ⁷ Guganine, Biya iyakauboo obe u yaali yobe; Gubiile uboo wage u yaali yage iyaka, na heliuhuminye u yaali yage, Mndi! wagiwila nahi bisishama m'bili gwage masugu mose. ⁸ Bibyo, bibi basahuwasha, na basahuhulicha liidi lya isaga ya itangi, bihulicha liidi lyaisaga ya bubili. ⁹ Hanyuma nambo basahuwasha ata bibyo bisga bibili, na nangu uhulicha liidi lyobe, bibyo, waguhe maadi ma mluudi wamagese ubitete bya bigumu, na mayamaadi mene molitaha mluudi mabi maashi u bitete bya bugumu. ¹⁰ Musa gumsambile MLUME, nene nishi ndogomi, utulabulela bwanyi, na ata haya hene holidogomine na mgichi gobe; bululi nenenishi mmuhu gwa udogoma, na lulimi lwanyi ilunyemu. ¹¹ MLUME gumsambile Musa, Mnanyi guiitile anywa a mtu? Na mnanyi gusuita mtuuba ameme na uba ihuli, naubamtu guumona, na ata uba ihobu? Ati m nene MLUME? ¹² Bino hano, ubegya, nene nibi hamwechi na anywa obe,na uugigya byolidogoma. ¹³ Musa haho guganine, Ee MLUME, uhuusaba, uhile wa uhitila oboo wage guya golihila. ¹⁴ Sungu cha MLUME chichwile yuluya Musa, guganine, Wi wii! gushiho, mshiwenyu Haluni, Mlawi? Nigidi ugana gee gugidi udogoma bisoga. Hamwechi na bibyo, loola, gwichwa uugaa; nage heliumona, gwiseelela mnda mtimagwage. ¹⁵ Gogwe widogoma nage, na wibiya binywa mnda anywa age; nene nibi hamwechi na anywa obe, na hamwechi na anywa a Haluni, naumgigya byamwigila. ¹⁶ Nage gubi ndogomi gyobe u batu, ata gee gubi mlingilisho gwa anywa obe, nagogwe ubi mlingilisho gwa Abetcha age. ¹⁷ Na gogwe wiguha lubango lulu mmuboo obe, bibyo wigila biya bisaga byose. ¹⁸ Haho Musa gugile na ugiwila wa Yethlo sage buo, na umsambila, Peeluhusa nagye, nuutendelela, nagiwile u bashiwetu bali uya Misili, nagye ubamona nambo bili poo na mano mengo, Yethlo gumsambile Musa, Biino, ubegya na talala. ¹⁹ MLUME gumsambile Musa uya Midiani, Biini, ubegya, ubegiwila Misili; wa bululi baya batu bose bene babele huguenga mwego bahwile uuwa. ²⁰ haho, Musa guguhile mmachage na baana bage n aubachinya wigulu punda, nage gugiwile ndaa na sii gya Misili; na Musa guguhile luya lubngo lwa Abetcha mmuboo wage. ²¹ MLUME gumsambile Musa, Haya hene holigiwila Misili, lingamina, wabigile biya bisaga byose u mbele wa meeso ma Falao byine byandibiile mnda uboo obe; ata bibyo nigulita mtima gwage uba gugumu, nage gushibaha babo batu luhusa bagye lwabo. ²² Gogwe wamsambile ugana MLUME gwagana bino, Isilaeli mmwananyi nene, m'buswa gwanyi gwa mtangi; ²³ nene nuusambila, Mme mwananyi luhusa gagye, yulu gaoshe ungilila, na gogwe wahanya umma luhusa gagye; lingamina, bino, nene nihaga mwanobe, bubele bobe. ²⁴ Helibele mndila na ihana ya bulalo, MLUME gusambene nage guengile ummaga. ²⁵ haho Sipola guguhile liwe lya memba na umgeda ihuli ya mwanage, na wiitela hamagulu mage na guganine. Chigilwe gogwe uli mlume gwa buya bwa maashi wandi nene. ²⁶ Haho gumleile. Guya mmachage guganine, Uli mlumyanyigwa buya gwa maashi gogwe, wa yulu ya ugya kumbi. ²⁷ MLUME gumsambile Haluni, Ugye mlwanaganywa umonane na Musa. Haluni gugile, gum'bangile u loono lwa Abetcha, gummumbatile. ²⁸ Haho Musa gumsambile Haluni biya binywa byose bya MLUME byelimmilile gagye nabyo, na bisaga biya byose byelimsambile. ²⁹ Musa na Haluni bagile, basumbiche baulu bose babatu ba Isilaeli. ³⁰ Haluni gubasambile bunywa byose bya MLUME byelidogomine na Musa gugilile biya bisaga u meeso mabatu. ³¹ Batu bawashiche, na habahuliche ugana MLUME gwabachwila baana ba Isilaeli, na ugana gwamona masusu mabo, baginyiye miswe gyabo na ubunga machwii.