¹ Mwechi gwa butatu hanyuma ha baana ba Isilaeliuhuma mnda sii gya Misili,lusugu loka lulo bahiile mlwanaganywa lwa Sinai. ² Nabo hababele huhuma Lefidimu na uhiya lwanaganywa lwa Sinai, nashsmine hambele ha luya lwanaganywa; Isilaeli bashamine uya balushenene loono. ³ Musa gugile uli Abetcha, na MLUME gumgishile uhumina uluya loono, guganine, Wibasambila ndu gya Yakobo, na ubadogomya baana ba Isilaeli, bino binywa. ⁴ Mmwene byandibagilile Bamisili, na byandim'beile benywe hegulu ha bihwa hwa bya loochi, nimchwishiche bwnywe wandi nene. ⁵ Hano bino nambo mwinyemya liidi lyanyi chigilwe chigilwe,na uwasha alago anyi, haho noo hamubi wandi mmaso gwanyi uhima mioga gyose gya batu; bululi sii gyose nagyo ii bumona bwanyi, ⁶ benywe mubi wandi buoolo bwa bibuli, na mmoga guhaha. Bibyo noo binywa byolibasambila baana ba Isilaeli. ⁷ Musa gugile na ubagita bauulu ba batu, gubaununine binywa byose, byine MLUME byelimlagile. ⁸ Batu bose bagitabuwe hamwechi baganine, Bibyo byose byadogoma MLUME twibigila. Nage Musa gumsambie MLUME binywa bya babo batu. ⁹ MLUME gumsambile Musa, Loola, nene nahwa oli mnda timba lya linyemu bululibano batu baahuliche handidogoma nobe, nabo baoshe uwasha na gogwe ndaa na milumbu. Musa gumsambile MLUME biya binywa bya batu. ¹⁰ MLUME gumsambile Musa, Ugye u babo batu, wabahahache lino na mmeshi, basuwe bichwalaganywa byabo, ¹¹ babe tayali ha lusugu lwa matatu; bululi lusugu lwa matatu MLUME gwisala u loono Sinai u meeso ma babo batu bose. ¹² Gogwe wibwbiila lugumba bano batu ngubi chose, wigana, M'be lwenge lulume, nangu usela luno loono, na namgu uluuda, ata mibamba mwage, mtu gegese mine gwiuda luno loono, chigilwe gwiiwa. ¹³ Na uboo wa mtu gegese gashimmude guya mtu, ata bibyo gugo nime gwimmuda chigilwe gyage gwitewa mawe, ao utewa wa sumo; na uba ii mtu nauba ii nyama chigilwe bishibi na mwego, Haho hene hihulishiwa liidi lya ugililila haho noo habiluhyila lulo loono. ¹⁴ Musa gusalile loono gubagilile batu na ubahahacha, nabo bafulile buchwalaganywa byabo. ¹⁵ Gubasambile batu; Mube tayali lusugu lwa matatu; nangu ubashenena baachi benyu. ¹⁶ haho haluhiile lusugu lwa matatu, mengo ma lwelo, habele na miukulo na tuhenyu henyu, na timba lya linyemu hegulu ha loono, na liidi lya asibe libele huduga abisa. Batu bose bene babele ha bushamo badandile. ¹⁷ Musa gubahuminye babo batu haho a bushamo, gubaleshile bululi bamonane na Abetcha; bagimene lubi lwa hasi ha luya loono. ¹⁸ Loono lose lwa Sinai lutobowile mii, yulu MLUME gusalile mnda aahya; na guya mii gwalo guselile hegulu nahi mii gwa mabibi, loono ludandile na ludigile. lose ¹⁹ Na haya liidi lya asiba haligililile uduga abisa Musa guganine, nage Abetcha gumgitabwile wa liidi. ²⁰ MLUME gulusalile loono, hegulu u songo gya loono; MLUME gumgitile Musa gagye nage u songo gya loono; Musa guchinine u loono. ²¹ Haho MLUME gumsambile Musa, Sala hasi, ubalangulule batu bashichwe useba ndila bachwe uli MLUME ulingamina, hanyuma bamwe babo beengi boo nudigwa. ²² Bibuli byabo, byine bisumshenena MLUME bilihahache, MLUME gashichwe ubahulila. ²³ Musa gumsambile MLUME, Bano batu bashinaosha uluhyila loono lwa Sinai; bululi gogwe utubindile, uganine, Biiwe ng'umba mibamba mwa loono, na ulubagula. ²⁴ MLUME gumsambile, Ubegya, gogwe usale; na gogwe wisala, gogwe na Haluni hamwechi nobe; bibyo babo ba bibuli na batu bashilihengye umyila MLUME, gee gashichwe uliguda wabali. ²⁵ Haho Musa gubasalile babo batu na ubasambila. bibyo byose.