¹ Haho Moldekai helimanine bihisho byose byine bigiliye, gugulile bichwalaganywa byage, guchwalile madagala hamwechi na mtoo, Gugile nauhiya mbwingi na mbuga, gulilile wa liidi lyata na lya usumwa. ² Na guhiile u mbele wa mchango gwa oolo; bululi hashi gunaosha ugingila mnda mchngo gwa oolo na guli mchwale madagala. ³ Na mnda kila mkoba, wine alago a oolo na mtambila gwage gwahuhiya, habele alugi aata u Bayahudi, na uhamba nangu uya iliwa,na malilo, ata beengi balalile hegulu ha madagala na mtoo. ⁴ Haho bagichi ba baachana ba Ishitele,na bagimaninyi bage ba ndu, bamchwilile, bammele mwano; nage mmaoolo guchigililwe abisa; gummilile Moldekai bichwalaganywa, yulu ya umchwiya, na umchula madagala, ata bibyo gee gushioleye. ⁵ Hanyuma Ishitele gumgishile Hathaki, mgimaninyi gwa ndu gumwegwa oolo, guhigilwa gamgilile Ishitele, gumtumine uli Moldekai, bululi gamane biya bihisho, bilihubenja ugana ii. ⁶ Haho guya Hathaki gutobowile hambuga nuugya uli Moldekai u lagala lya mbuga lili umbele wa mchango gwa oolo. ⁷ Nage Moldekai gumsambile byose byine byelibele mwa bili, nalubalolose lwa bumona bwa Hamani gweliganine bwelihana naubiya mndalindolyaoolo, BululiBayahudi bachimiwe. ⁸ Iyaka gummelena na gomwe mgolo gwa mkanda na gwa mtambila gwa ubahaga, gwine gutelwe Shushani ngomeni, yulu gamonye Ishitele, na umsambila; iyaka gamlage gagingile uli oolo, umtendelela na ubasabila batu bage. ⁹ Bobyo Hathki guchwile, gumsambile Ishitele binywa bya Moldekai. ¹⁰ Haho Ishitele gudogomine na Hathaki, gumtumine iyaka wa Moldekai, ugana, ¹¹ Bacha bose ba oolo bagidi abisa, ndaa nabatu ba mikoba gya oolo, ugana mtu gegese gabeba mlumyana ata mmachana, gwimgingilila oolo mnda lagala lya mnda, na gusagiswa na oolo, uli m'bindo gumwechi weli, iyugana gahagwe; iwa guya mine oolo gweligolwela lubango lwa nolo gubina mwego; ata nene nisagiswa nagingile uli oolo mpaga habe masugu maumi matatu. ¹² Biino wamsambile Moldekai binywa bya Ishitele . ¹³ Nage Moldekai gubalagile bamme Ishitele mwano gwa ugana, Gogwe ushililangile ugana wihogonowa mmo mndu gya oolo, uhima Bayahudi bose. ¹⁴ Bululi gogwe ubeshama pii abisa mano mengo, haho hibachwila Bayahudi bwatilicho uhogononywa wa ginge ndila; bibyo gogwe widigwa hamwechi na ndu gyose gya sobe; ata bibyo mnanyi gunamana ugana gogwe ushigingile u buoolo yulu ya mengo nahi mano? ¹⁵ Haho Ishitele gutumine batu yulu ga mgae Moldekai, Ugye ubsumbicha Bayahudi bose bene bali haya Shushani, muhambe iliwa yuluyanyi; mushiye na mushinywe mengo mamasugu matatu, busugu na mchuba, nene na bagichi banyi ba baachana twihamaba byoka biya; hanyuma nigingila wa oolo pinda piswa gya m'bindo; nene nambo niiwa nawe. ¹⁷ Haho Moldekai guligilile lwage, gugilile byose nahi bimsambile Ishitele.