¹ Liuse uguluobe holigingila mndu gya Abetcha, Bululi m bisoga yulu uhuliche, Uhima utangila lutangi lwa bahugi; Bene bashihumana ugana bali hugila bisone. ² Ushidogomi binywa gya buhoso mnda anywa obe, na ata mtima gobe gushibe na abilo udogoma u mbele wa Abetcha; yulu Abetcha ali ha gulu, nagogwe uli hasi, wa bibyo binywa byobe na bibe bicho. ³ Bululi malo masuchwa wa yulu ya malanga meengi; naliidi lya mmugi wa ndila gya binywa biingi. ⁴ Gogwe ubem'biila Abetcha ulibindila, ushisinge uuhunya; yulu gee gushibabenja bahugi; bino, uihunye iya yolibii ulibindila. ⁵ Bilingye ushibiye ulibindila, Uli uubiya na nangu uuhunya. ⁶ Ushiluleye lulimi lobe ulubya m'bili gobe; na ushidogomi u mbele wa guya malaika ugana wahiswa; yulu Abetcha achigililwe yulu ya liidi lyobe, na ugugicha mgilo gwa maboo mobe? ⁷ Noo byabili yulu ya bwingi bwa malo, na bunene, na binywa biingi; alakini gogwe umnyemye Abetcha. ⁸ Inangwa unamona mbuchu umonenywa, na uonona, na kiine uhunyiwa wa buhulihuli yulu ya ikoko, ushigagilwe yulu ya iyo ikoko; Minegulu hrgulu uhima bene bali hegulu guli hulingamiona; Iyaka baliho bene bali hegulu uhima babo. ⁹ Alakini, hamwechi na bibyo, bisoganywa bya sii wa madila mose m y'Oolo gusuliha yulu ya lubala. ¹⁰ Gusuunda lusuu gushigyuta lusuu, Na mine gusuunda biingi gushibagyuta kongecho. Bibyo nabyo m bunene. ¹¹ Bitundu bibebula, nabo baya buubiya basubula na mine nabyo gwina alambwe nai, alakini ubilola wa meeso mage ka. ¹² Tuulo twage mgichi gwa mgilo gwa lusugu lumwechi tuli saa, ugana gwaaya icho, ao gwaaya biingi; alakini ugyuta wage mbona ushibamma ulala tuulo. ¹⁴ na bitundu bibyo wa mwando gubi, nage nuuba gubutile mwaana, mnda uboo wage mushiatu. ¹⁵ Byelitobwile mnda mwa mnage, gwigya iyaka hululu-hululu nahi byelichwile; gashisole itu yo yose wa yulu ya mgilo gwage, nagaiguhe m muboo wage. ¹⁶ Gugo noo mchibo guubi abisa, ugana nahi biya byelichwile, byoka bibyo noo byeligya lwage; nage gwina alambwe nai mine guli sulisusula wa yulu ya mnaga? ¹⁷ Masugu mage mose gusuuya mnaga, guli na inyokolo iinei, gwina isumi na mtima usuma. ¹⁸ Loola,nene byandimonine ugana noo bisoga na byine bilibye, m mtu uuya na uunywa na ulitucha wa bisoga bya migilo gyage gyose gyelihugila hasi ha chuba, masugu mose ma mwego gwage melihelwe na Abetcha; bululi iyo noo ihichi yage. ¹⁹ Iyaka, wa yulu ya mwano gwa mtu ge gese, mine guhelwe bitundu na uosha uba mbona, gabemmusha uuya u bibyo, na ugaa ibaa yage, na useelela bitundu byage, bubo boo bumana bwa Abetcha. ²⁰ Bululi mtu gushimaengelecha abisa masugu ma mwego gwage; wa ibalo Abetcha asumgitabicha nda saso lya mtima gwage.