¹ Hali mchibo gwandimonine nene hano hasi ha chuba, nago gwabanyemena batu wa bushito. ² Mtu mine guhelwe na Abetch bitundu, bu mbona, na bunyemu, na gashihungwilwe na ibya yo yose mnda ichui-chuli yage ya mwego, u byose byine byeli husimba alakini Abetcha ashi huuma uosha ubiya bibyo; alakini guubiya m mgenyi. Bubo noo bunene, nao noo usumwa wa ugugichu. ³ Mtu gabebuta baana sambi, gabehaama myaa giingi, namo masugu ma mwego gwage uba meengi, alakini ichuli-chuli yage ya mwego ishi igyusu bya bisoga, iyaka uba, wa uhima bibyo, gwahulwa uchiwa, nene nagana, M bisuga gumo lyine lihumine uli gugo mtu. ⁴ nuugana, iyo isuchwa u bunene, na ugya u mdoo, nalyo chinalyage lyawilwa mdoo; ⁵ iyaka, liya gumo lishimonine chuba na lishimanine; bino, lilyo lyina ulutucha ummima gee. ⁶ ehe, inangwa gwinahaama myaa uki nyendo chopi, gashiseelele yulu ya bisiha; Wi wii! boe bshibagya ihana imwechi? ⁷ Migilo gyose gya mtu gili waanywa age, Alakini ata bibyo ichuli-chuli yage ya mwego ishibagyuta. ⁸ Bululi mine gwina lwengu gusuba na alambwe nai uhima mmugi? Ao mbuchu guli nai hima guya minegugidiugyata u mble bene bali mwego? ⁹ M bisoga umona wa meeso, uhima ulugila-lugila wa itima ibii, Bibyo nabyo m bunene, na ulilisha mnaga. ¹⁰ Na ibe ibya yo yose, ihelwe china lyayoaala mganda, nage gumanyiye uba noo mtu; na gushinaosha abisa uhimana na guya mine gwina uosha uummima gee mine. ¹¹ Bino, bululi uli bikoko biingi bilihubucha bunene, mtu guli na alambwe nai? ¹² Bululi m nanyi gugidi byine bilibosiga bya mtu mnda mwego gwage, masugu mage mose ma bunene, melihuhaama nahi ihochu? Bululi m nanyi gunaosha umsambila mtu bikoko byine byiichwa hanyuma hage hano hasi ha chuba?