¹ Tela ilwa yobe hegulu ha maadi, yulu wiimona hamyuma hasugu meengo. ² Ubagabulile bibaa batu njwii, ata inana; bululi ushigidi m mchibo nai gwine gwiubaga hegulu ha gino sii. ³ Matimbe mabeba magiluchu mbula. Migihongolola hegulu ha sii; Na Na mti gubegwa ulola luubi lwa uboo ulume, ao luubi lwa uboo wa uachi, Huugwa wa guya mti, hoka haya noo hagwilala. ⁴ Mine gulihuola mnaga gushiuna; Na mine gulihulingamina matimba gushisola. ⁵ Nambo gogwe ushigidi dila gya mnaga m gihi, byoka biya mauda byamasulaha mnda mwa mmachana mine gwina bushito; byoka biya ushigidi mgilo gwa Abetcha, mine gulihuita bibyo bikoko byose. ⁶ Lweelo uune matete byobe, Na mengo ma igolo ushubunge uboo obe. Bululi gogwe ushgidi m mahi mene mimena, nambo m mano nambo m maya, aoa nambo mose mimena bosoga. ⁷ Winene lwenge m lusoga, iyaka m yihisho isoga u meeso waulola chuba. ⁸ Ehe, mtu gabehaama masugu meengo, haho gseelele byose, alakini gaengeleche masugu ma mdoo mene michwa, bululi mabi meengi. Bikoko byose byine byichwa m bunene. ⁹ Gogwe mmwalubaga, useelele yulu ya buwalubaga bobe, na mtima gobe guusanguluye masugu ma buwalubaga bobe, wagyate mnda ndila gya mtima gobe, na mnda malo ma mtima ma meeso mobe, alakini gogwe umane ugana wa yulu ya bibyo byose Abetcha iuchisha u uonona. ¹⁰ W bibyo uhunye byosochi mnda mtima gobe, na gogwe uhunye ugugila mnda m'bili gobe; yulu buwa lubaga m bunene na mtu gwa mmomu nage byoka biya.