¹ Bigida bya biube busunyukya malashi na ugucha gwa malashi; Byoka biya buhugi bucho mmchigouhima lwengu na bunyemyu. ² Mitma gage mine gwina lwengu guli luubi lwa uboo ulume; Alakin mtima gwa mmugi guli luubi lwa uboo uachi. ³ Ehe, gugo mmugi iyaka, hesugyata mndila, gusuhungwilwa na malanaga mage; na umsambile mtu ge gese ugana gee m mmugi. ⁴ Luhuda lwage mmyilichi lusuginyuwa pinda piswa gyage; Nangu uchuwa ha ihana yine yooliho; Bululi luhuda lwa luhochu lusuhocha uchigililwa wa wata. ⁵ Hali mchibo gwandimonine hasi ha chuba, nago guli nahi uluba wage guya mine gulihuhyilila; ⁶ wa ugana buhugi busubiwa ha ihana ya hegulu abisa, nabo ba mbona basushama ha ihana ya hasi. ⁷ Nene nimonine baacha bali bachine falasi, na baata ba ibaloo balihugyta na magulu hegulu ha bitete na hi baacha. ⁸ Mine guli hudaba iina gwihulubila mwaiili gee mine; na mine gulihubela mgumbo, ndowa gyimchiga. ⁹ Mine guli hubada mawe gwibongolwa namo; Nage mine gulihusanda miti gusumona tuhunago wagili. ¹⁰ Inangwa igele ishi na bwigi, na ntu gushihunonya; Haho gulingye uita uoma wage abisa. Alakini halingye ii yulu ya uita lwengu, na uitilwa. ¹¹ Ndowa gigechigana nambo gishi natela mihenge, Bibyo, hashi na alambwe a gusumuna. ¹² Binywa bya aanywa age mine gwina lwengu bili na keene; Bibyo milomo gya mmugi gyimmina ichuli-chuli yge ya mwego. ¹³ Butulilo bwa binywa bya aanywa age m buhuli-huli; na isula ya udogoma wage m miishi gwa bibii. ¹⁴ Iyaka buhugi busulibiya binywa; alakini mtu gushigidi yine ibiho; nayo yine ibi hanyuma hage, mnanyi gunaosha umsambila? ¹⁵ Migilo gyabo bahugi gisubaimya ge gese gwabo, Bululi bashigidi ndila gyuugya u mbuga. ¹⁶ Luhanga luubi lobe,sii, ugana oolo lyobe gwili gwa mlongo, na miungu gyobe gisuya halwelo pee! ¹⁷ Luhanga lusoga, sii, oolo lyobe gabeba mwaana gwa batu, Na bahela babe basuuya mengo mali ma malingilile, yulu baoshe uba na uoma, naushi wa yulu ya uolwa. ¹⁸ Wa yulu ya bilema xxxxxx;bisuhulubila Na wa yulu ya bugongolebwa maboo ndu gisusuwa. ¹⁹ Uuya na unywa bisuiswa yulu ya uba na mimwemwe, Na divai lisuseelecha mwego; Na lusuu lusulusha alambwe a bikoko byose. ²⁰ Ushimloge oolo, pande, ata mnada malanga mobe; na ushibaloge ba mbona mnda yumbayobe; bululi anonyi a ha hululu iguha liidi, nabeme bali na bihwahwa bihanana mwano.