¹ Mmengeleche M'bumbi gobe masugu ma buwalubaga bobe, Hambele ha mashinachwa masugu mene mali magugichu, Na gishi nachwa myaa gyoligana, Nene nishi na saso yulu ya bibyo. ² Hambele ha chuba, na lwenge, na mwechi, Na tumbala-mbala, bishinabiwa mdoo, Hambele ha ugiwila wa matimba hanyuma hambula. ³ Luya lusugu balichi ba ndu habidanda;Haho mine gwinauoma heliliginamya; Na buuhela buuhela usunga yulu ya basili bacho; Na baya bulingamina u madilisha bahubiwa mdoo; ⁴ Namichango ubugalwa mnda madila ma maata; Liidi lya isunyu halisibi liicho; Na mtu ubabuwa na liidi lya anonyi; Na misiha gya ugimba gyihungulwa; ⁵ Ehe, bimona boobayine iginunywe. Na udidibulwa ubi mnda ndila; na mlozi gwiha buluba; Na panji gibi mchigo gwa bushito; Na pilipili gwa alembe-lembe gwibeleya; Yulu mtu gulihugya u ndu gyage gya milumbu, Nabo ba malilo bachunguluwa mndila. ⁶ Hambele ha mgochi gwa lusuu gushinautuwa; Ao ubelwa ilego ya nolo; Ao mtundo ubeleya wishima; Au ichigi ya ubeleya u luudi; ⁷ Nayo ihwili ugiwilila sii nahi byaibele, Nalo luhuda umgiwilila Abetcha mine guluhanane. ⁸ Mlisambi gwagana, Bunene ka; bikoko byose m bunene! ⁹ Alakini, wa ibalo ya gugo Mlisambi gubele na lwengu, gugililile ugigya batu malango, ehe, gwengeleche, gweengile-engile, gusulule mihingu giingi. ¹⁰ Gugo Mlisambi gweengile-engile yulu gamone binywa bya bisoga, na biya byine bigolilwe uba bya mateamanya, noo, binywa bya winene. ¹¹ Binywa byabo bene bina lwengo uba nahi mlingilisho gwa ndala; na nahi pande cha chiokomewe abisa; bibyo noo byabili binywa byabo baya baosobu ba masumbilo, byine bilihuhuma uli mmushi gumwechi. ¹² Iyaka wa uhina bibyo, mwananyi, gitabicha ulangulwa, hashi isula yo yose wa usulula bitabo biingi; na ulangulwa abisa uswimya m'bili. ¹³ Luno noo lukomgwe lwa binywa; byose byahuhwa uhulichiwa; Mnyemye Abetcha, na gogwe uuse alago age, Yulu wa lukongwe noo lumlingye ntu. ¹⁴ Bululi Abetcha ichwisha migilo gyose uononywa, hamwechi na binywa byo bose bya lubisagulu, byahuba bisoga ao byahuba bidogu.