¹ Hulicha ee Isilaeli; bino lino usili hubenja udabuwa Yolodani ugingile na ugihyilila mioga gyine gili gyata, na gyina uoma uuhima gogwe, mabuga maulu magubailwe na migumbo gilahu uhiya ha gulu, ² batu ba bata, balahu, baana ba Baanaki, boligidi, bolihuliche bali hulumbulwa bino, M nanyi gunaosha ugimana u mbele wa baana ba Anaki? ³ Bino umane lusugu luno lwa lino ugananMluje, Abetcha obe, noo gusulombola udabuwa hambele hobe nahi aahya alihuchigya; gwibachimya u mbele obe; noo byolibachinga na ubachiminya abilo, nahi byusambile Mlume. ⁴ Ushidogome mnda mtima gobe, Mluje, abetcha obe, helihwa ubalungila hambuga u mbele obe, wagane, M kiine gyanyi byelimbiile Mlume ugihyilila gino sii; umane m yulu ya usona wa gino mioga Mlume gwabachinga hambuga u mbele obe. ⁵ Ushi wa kiine gyobe, na ushi wa uhola wa mtima gobe, bino holigingila ugihyilila sii gyabo; alakini m yulu ya usona wa gino mioga Mlume, Abetcha obe, gwabachinga u bele obe; iyaka m gaoshe uigimiya iya inywa Mlume yelibahalile pa bamasobe, Iblahimu, na Isaka, na Yakobo. ⁶ Bino umane uganaMlume, Abetcha obe, gusuha gino sii gya gisoga ugihyilile yulu ya kiine gyobe, yulu uli mmoga gwine guli na oshi lya ligumu. ⁷ Engelecha, ushigibilichi byolimsageche Mlume, Abetcha obe, sungu chage mlwanaganywa; utula lusugu lolihumine sii gya Misili ndaa nan byamuhiile ino ihana, mubele na lubengo yulu ya Mlume. ⁸ Iyaka mumchigiliche Mlume uya u loono Holebu, Mlume guchigililwe yulu yenyu na byelisimbile umchimya. ⁹ Na haya handiselile u loono ugya ugaa mibachwa gya mawe, nagyo m mibachwa gya malagano ma Mlume melilagene nenyu, haya nishamine mya mloono masugu maumi mana busugu na chuba; nishilile iliwa na nishinywine maadi. ¹⁰ Mlume gupele giya mibachwa gibili gya mawe gili gigolwe na mnywe gwa Abetcha; na hegulu hagyo bigolilwe binywa nahi byose byelidogomine nenyu Mlume mya m loono uhuma hawingi haahya lusugu lwa sumbilo. ¹¹ Haihiile isula ya masugu maumi mana busugu na chuba, Mlume gupele giya mibachwa gibili gyav mawe, nagyo m mibachwa gya malagano. ¹² Mlume gusambile, Huma hano, usale abilo; bululi batu bobe bene balihuminye Misili balibulaganya; baluhubaganya mnda ndila gyandibasambile, balilongecha mmishi gwa usumbulula. ¹³ Iyaka Mlume gudogomine nanyi abisa, gusambile, Magumona guno mmoga; na loola, m mmoga gwine guli na oshi lya ligumu; ¹⁴ undeye, naoshe ubachimya, na ulichima china lyabo hasi ha gulu; nene niuita gogwe uba mmoga gwata gwine guli na uoma ubahima boo. ¹⁵ Haho nigaluwile, nisalile mya m loono, loono lulamine aahya; na biya mibachwa gya mawe gibili gya malagano gibele m maboo manyi mabili. ¹⁶ Nilingamine, na loola, bubele hugila buubi uli Mlume, Abetcha enyu, mulongiche mwana ng'ombe gwa usumbulula; mugiteile mgongo abilo ndila gimsambile Mlume. ¹⁷ Nigiwatile giya mibchwa gibili, nigitelile uhuma mnda maboo manyi mabili; nigibelile u meeso menyu. ¹⁸ Nigwile hasi u mbele wa Mlume masugu maumi mana busugu na chuba, nahi haya hatangi; nisahilile iliwa na nishinywine maadi; bululi bwa bulibi bwenyu bose bwamulubile, wa ugila usona u meeso ma Mlumne, wa umchigilicha. ¹⁹ Bululi mumonine booba bwa sungu na uambilwa welimmambile Mlume ubenja umchimya. Alakini Mlume gupuliche moka mamo mengo namo. ²⁰ Mlume guchigililwe abisa yulu ya Haluni gusimbile umdiga; nimsabile Haluni nage mamo mengo. ²¹ hanyuma niguhile buya buubi bwenyu, guya mwana ng'ombe gyamulongiche, nimchigiche m maahya, nimswagile, nimnyuwile buusu ka, nage nuba nekuneku nahi ihwili; niitelile iya ihwili yage mnda hiludi hyine hibele huhuma u luya loono. ²² Iyaka uya Tabela, na Masa, na Kibloth-hataava mushigiliche iyaka Mlume. ²³ Na mengo melimtumine Mlume haya Kadesh-balnea, helimsambile, Selwe mgihyilile sii gyandamma; haho mubengile yulu ya malaganoma Mlume, Abetcha enyu, mushigitabidiche liidi lyage. ²⁴ Mubele na lubengo yulu ya Mlume utula lusugu lwandimmanine benywe. ²⁵ Haho nigwile hasi u mnbele wa Mlume masugu mana busugu na chuba noo mandibele mgube u mbele wa Mlume hasi; bululi Mlume guganine, gwimchimya. ²⁶ Nimsabile Mlume, niganine, Ee Mlume, Abetcha, ushibachimye batu bobe, bene bolihogonone wa bwata bobe, bene bolihuminye Misili wa uboo wa uoma obe. ²⁷ Ubaengeleche bacha bobe, Iblahimu, na Isaka, na Yakobo; ushilingamine uhugila wa bano batu, ata na usona wabo, ata na buubi bwabo; ²⁸ gishichwe sii gyolituhuminye gyagane, M yibalo Mlume gushioshiche ubahyicha mnda sii gyelibalagile ubaha, iyaka m wa ibalo gubaonywine, byeli batotole hambuga yulu gabahage mlwanaganywa. ²⁹ Nabo m batu bobe, buhyana bobe, bolihuminye wa uoma obe wata na wa uboo obe wa ugolobu.