¹ Guno noo m'bindo, na alago, na uonona, welihanene Mlume, Abetcha enyu, mugigiwe, mwagugile mnda giya sii gyamulihudabwila uguhyililka; ² waoshe umnyemya Mlume, Abetcha obe, uusa alago age ose, na m'bindo gwage, gwqandihusambila, gogwe na baana bobe, na bedulu bobe, masugu mose ma mwego gobe; iyaka masugu bobe mabuchiwe. ³ Bino hulicha, Ee Isilaeli; walingamine wabigile; yulu wagililwe, bululi wabule abisa,nahi Mlume, Abetcha a bamasobe, byeliulagile, mnda sii gyagigiluchu mabele na bui. ⁴ Hulicha, Ee Isilaeli; Mlume, Abetcha enyu, Mlume m gumwechi. ⁵ Na gogwe mmunde Mlume, Abetcha obe, wa mtima gobe gose, na wa luhuda lobe lose, na wa uoma obe ose. ⁶ Na bibyo binywa byanduhuusambila lino, bibi mnda mtima gobe. ⁷ na gogwe ubagigye baana bobe wa chigilwe, na ubidogoma holishama mnda ndu gyobe, na hobi hugyata mndila, na holi sendama, na holi gimana. ⁸ Ubihambe byabe ibala hegulu ha uboo obe, nabyo bibi nahi yaanyi mnda meeso mobe. ⁹ Iyaka ubigole hegulu ha bikwa bya mchango gobe, na hegulu ha mchango gobe. ¹⁰ Iyaka bibi helihwa Mlume, Abetcha obe, uuhyicha mnda sii gyelibalahile pa bamasenyu, Iblahimu, na Isaka, na Yakobo, wa ugana gwibaha; mabuga ma mata masoga moshogubaile gogwe, ¹¹ na madu ma magiluchu bitundu byose bya bisoga byoshigiluche gogwe, na bishima bya bidabwe byoshidabile gogwe, mabala ma mizabibu na mizeituni gyoshiunine gogwe, gogwe wiiya na ugyuta; ¹² haho waliuse, ushichwe umgibilila Mlume mine guuhuminye mnda sii gya Misili, mnda ndu gya bucha. ¹³ Mnyemye Mlume, Abetcha obe; noo goligilila, na ulaha pa wa china lyage. ¹⁴ Ushilame tunge tubetcha nahi tubetcha twa mioga gyagimchungulubu; ¹⁵ bululi Mlume, Abetcha obe, ali hawungi hobe m y' Abetcha ene ali na buwa; chishichwe ulama hegulu hobe sungu cha Mlume, Abetcha obe, gee nuuchimya uhume hegulu ya yenyi ya sii. ¹⁶ Mushimtonde Mlume, Abetcha enyu, nahi byamumtondile uya Masa. ¹⁷ Muuse wa chigilwe m'bindo gwa Mlume, Abetcha enyu, na ubangisiya wage, na alago age eli ulahile. ¹⁸ Gogwe wagile bya lingililo, na bisoga, u meeso ma Mlume; yulu waoshe ugililwa, na gogwe wagingile mnda sii gya gisoga na ugihyilia Mlume gyelibalahile pa bamasobe. ¹⁹ ugana gwibachinga hambuga tumango tobe tose u mbele obe, nahi byeliganine Mlume. ²⁰ Na mengo mene michwa heliubucha mwanobe, gabeusambila, M yii mangisiyo, na alago, na uonona, welilagile Mlume, Abetcjha etu? ²¹ Haho noo holimsaambile mwanobe, Tubele bacha ba Falao uya Misili; Mlume, gutuhuminye uhuma Misili wa ubo wage wa uoma; ²² Mlume gomoninye bisaga na bigagicha byata, binyemu, hegulu ha Misili, na hegulu ha Falao, na hegulu ha ndu gyage, u mbele wa meeso metu. ²³ gutuhuminye uya yulu ya utuchwisha uno, bululi gatuhe sii gyine gyililahila pa bamasetu ²⁴ Mlume gutusambile tuuse alago ano ose, tumnyemye Mlume, Abetcha etu, twamone busogamasugu mose yulu gatubise uba na mwego nahi bino lino. ²⁵ Iyaka gibi kiine gyenyu, tubeusa ugila malagano mamo mose u mbele wa Mlume, Abetcha etu, nahi byelitulagile .