¹ Gino noo mihaa gya Musa, gugo mtu gwa Abetcha, gyelibahalile baana ba Isilaeli hambele ha uuwa wage. ² Guganine, Mlume guhumine Sinai, Gumtobwele uhuma Seili; Gugemine u loono lwa Palani, Guchwile Melibath- kadeshi. Luubi lwa uboo wage wa ulume, Habele na m'bindo gwa tuhenyu-henyu. ³ Chigilwe gwabaunda bibyo bilongo bya batu; Bahaha bage bose bene bali mnda uboo wage; Nabo bene bashamine ha magulu mobe; Bigaa ge geseulamana na binywa byobe. ⁴ Musa gutulagile m'bindo, M buhyana bwa sumbilo lya Yakobo. ⁵ Gubele oolo uya Yeshuluni, Wabasumbile baulu ba batu, Bilongo byose bya Isilaeli hamwechi. ⁶ Leubeni gaahame, gashiwe; Alakini batu bage baabe bacho. ⁷ Na mihaa gya Yuda noo gino; guganine, Hulicha, Ee Mlume, liidi lya Yuda, Umlushe mnda hawingi ha batu bage; Gulidogomene wa maboo mage; Gogwe ubi mbwatiicho yulu ya tumangu twage. ⁸ Gumganine Lawi, Thumimu gyobe (Ehe) na Ulimu gyobe (Nangu) bili na mmaha gobe, Gulitonjile uya Masa; Ugumene nage u maadi ma Meliba. ⁹ Gulumbule sobe n mnobe, Nene nishibammonine; Na ata bashiwabo gushibagitabiche; Na gushibamanine baana bage gee mine; Bululi bailolile inywa yobe, Bawashiche malagano mobe. ¹⁰ Bimgigya Yakobo uonona obe, Na Isileli m'bindo gobe, Bibiya buswenge u mbele obe, Na lutangi lugima lwa uchiya u butambikilo bobe. ¹¹ Ee Mlume, uhalile mihaa bitundu byage, Wihalila mihaa mgilo bwa maboo mage; Ubanoge-noge munda chabo bene bichwa pinda piswa gyobe, Na bene bali hummonywa, bashiginyuwe iyaka. ¹² Guganine yulu ya Benyamini, Kunjwa gya Mlume gwisha kolongecho wage; Gwim'bwila chuba lyose, Nage gwishama hawingi ha maombe mage. ¹³ Na Yusufu gumganine, Sii gyage na gihalilwe mihaa na Mlume; Wa bitundu bya bisoga bya gulu, wa iyo iime, ¹⁴ Na wa bibya bya bisoga bya biguma bya chuba, Na wa bibya bya bisoga bya bisolaganywa bya myechi, ¹⁵ Na wa bibya bya bisobolwe by koono cha aala, Na wa bibya bya bosoga bya tubandagulo twa milumbu. ¹⁶ Na wa bibya bya bisoga bya sii, na ugilula wage, Na ugitabichiwa wage wine ubeleushame mnda iya ilindi ya aahya; Na gichwe mihaa hwguluha mswe gwage Yusufu, Hegulu ha lubombo lwa mswe gage mine gubagulwe na bashiwabo. ¹⁷ M'buswa gwage gwa mtangi gwa ng'ombe gya mlume, buolo m bwage; Na meega mage m meega ma mbogo; Na mamo meega gwilunga namo mioga gyose, ndaa na u masunga ma sii; Namo m mauki ma Eflaimu, Namo m maui ma Manase. ¹⁸ Na wa Zabuloni guganine, Seelela Zabuloni, mnda uyata obe; Na Isakali mnda bitula byobe. ¹⁹ Bigigita mioga gichwe u loono; Baatangile uya lutangi lwa kiine; Bululi bikoka bwingi bwa bahali, Na mbuto byagibisamu mnda isee. ²⁰ Na Gadi gumganine, Na gahalilwe mihaa mine guli hum'bucha Gadi; Gee gusushama nahi tambwe gya ota, Gususambula uboo, ehe, na lubombo lwa mswe. ²¹ Gulisobwele ibaa ya itangi, Noo wine ubiilwe ihuchi ya mmananyi gwa m'bindo; Guchwile hamwechi na baulu ba batu, Guitile kiine gya Mlume Na uonona wa Isilaeli. ²² Na Dani gumganine, Dani m mwaana tambwe, Guuguluwa uhuma Bashani. ²³ Na Naftali gumganine, Ee Naftali, ugyutile yano, Ugilule na mihaa gya Mlume; Uhyilile luubi lwa igolo na luubi lwa uboo ulume. ²⁴ Na Asheli gumganine, Na gahalilwe mihaa Asheli u baana; Na gagitabichiwe na bashiwabo, Na gachunde ugulu wage mnda mauta. ²⁵ Maikwa mage mabi ma bigela na mmubo; Na nahi masugu mobe noo bibi na uoma ube. ²⁶ Hashi guhwanana na Abetcha, Ee Yeshuluni, Mine gwichwa gwisela hegulu ha gulu yulu guwatiliche. Na hegulu ha matimba mnda ugengeda wage. ²⁷ Abetcha a milumbu noo bushamo bobe, Na maboo ma milumbu mali hasi hobe. Na umbele obe gwamlunga koo amangu obe, Guganine, Chiimya. ²⁸ Na Isilaeli yashama kolongecho, Misula gya Yakobo gee buchima bwage, Mnda sii gyose gya ngano na ibuu; Ehe, Gulu lyage lyahuluwa na iime. ²⁹ Luhanga lusoga, Isilaeli. M nyanyi guli nahi gogwe, mmoga gwine guhogononywe na Mlume! Noo ngabo na bwatilicho gyobe, N ahilu a ugengeda obe; Na tumangu tobe twilisacha hasi hobe, Gogwe wigyatila bihana byabo bya hegulu.