¹ Benywe musili baana ba Mlume, Abetcha enyu; mushilihale mibili gyenyu, namushilibiye ibanda hawingi ha meeso menyu wa yulu mine guwile. ² Bululi uli mmoga guhaha gwa Mlume, Abetcha obe, na Mlume gumsobole mube batu bage, uhima mioga gyose gyine gili hegulu ha bitete bya gino sii. ³ Ushiye ibya yo yose ya igugichu. ⁴ Nyama chamwiya noo chino; ng'ombe, mmoo, nanmbuchi, ⁵ kulungu, na m'bale, konju, na mangala, na tolwe, na sunyu, na pende; ⁶ na nyama gyo gyose gya tubidi, gyugaduwa tubidi twagyo nuuba topi, nagyo nuuba m nyna gwa utiula na utauna iyaka, u nyama chose noo nyama chine chamwiya. ⁷ Alakini, chino mushichiya inangwa chili hutiula, na chiya chine chili na tubidi; ngamiya, na bungula, nawwww, yulu gisutiula, alakini gishi na tubidi, m cha bunyenye wenyu; ⁸ na ngulube, yulu gili na tubidi alakini gishigatiula, gino gili na bunyenye mushigiye nyama chagyo, na ata bitumba byacho mushibiude. ⁹ Mwiya u chino chose chili m maadi; yo yose yine ili na myachu na magamba mwiya; ¹⁰ na yo yose yine ishi na myachu na magamba mushyiye; m bunyenye wenyu. ¹¹ Mwiiya binonyi byose bya bisoga. ¹² Alakini bino mushibiye; loochi, na swiswi, na ihungwe; ¹³ na abemba, ubi, iubauba, na bya bihwanane namo; ¹⁴ na bimombomombo byose; ¹⁵ na mbuni, na abutu, na mmuwe, na aochi-ochi na mioga gyao. ¹⁶ abugubugu, na yugulu, na abugubugu aata; ¹⁷ na gomba, na mmasa, na igomagoma; ¹⁸ na membe, na awewe, na na mioga gyage; na adumbaluba, na achuguchugu; ¹⁹ Na bichimu gyose byine bisugela byine byina bihwahwa m bunyenye wenyu; mushibiye. ²⁰ Mwiya binonyi byose bya bispoga. ²¹ Mushiye byaamo byo byose; unamma mgenyi guli ha mchango gobe, yulu gaaye; ao ulisha batu ba mioga; bululi gogwe uli mmoga gwa guhaha gwa Mlume, Abetcha obe, ushihiye mwaana-mmoo mine gwili hukoka, ²² Ushiiswe utangila imwechi ya umi ya matete ma biliwa byobe byose, bisuhuma mlubala mwaa wa mwaa. ²³ Gogwe wiiya u mbele wa Mlume, Abetcha obe, ihana yelisobola galishamye china lyage, imwechi ya umi ya biliwa byobe, na ibugu yobe, na mauta mobe, na babuswa ba batangi ba migoma gyobe gya ng'ombe na gya myoo; yulu waoshe unyemya Mlume, Abetcha obe, masugu mose. ²⁴ Nambo ndila gibi na lwendo lulahu abisa oli, ushihuosha uswala uhyiicha wiiya ihana yulu mko nobe wine welisobola Mlume, Abetcha obe, galishamye china lyage, mengo maliuhalila mihaa Mlume, Abetcha obe; ²⁵ haho noo holigalulanya bibe lusuu, na uhamba luya lusuu na ugya nalo m muboo obe, ndaa na ihananyine yeliomonya Mlume, Abetcha obe; ²⁶ na luya lusuu ugile nalo wa yo yose yine yisimba luhuda lobe, ngombe, ao mmoo, ao ibugu, ao malwa, ao luhuda lobe yalwisimba yo yose; gogwe wiilyavuyavu mbele wa Mlume, Abetcha obe; iyaka seelela, gogwe na ndu gyobe; ²⁷ na Mlawi mine guli ha mchango gobe ushimgime yulu gushi na mtala ao buhyaha hamwechi nobe. ²⁸ Mwaa go gose gwa butatu, wisula yago, utamgile imwechi ya umi ya biliwa byobe bya gugo mwaa, wabibiya ha mchango gobe; ²⁹ na Mlawi bululi gushi na mtala ao buhyana hamwechi nobe, na mgenyi, na shige, na m'bwile mine guwililwe na mlumyage, bose bene bali ba mchango gobe, baachwe nuuya na ugyuta; yulu yavugana Mlume, Abetcha obe, guhalile mihaa u migilo gyose gya uboo obe gwine gyoligila.