¹ Hawingi henyu habeginyuwa mbuwa, ao mloshi gwa malo, gabeumonya isaba ao igagicha. ² ibawilila iyo igagicha yeliusambile ugana, Na tubelama tunge tubetcha twine toshigidi, tutugilile tuto; ³ gogwe ushihuliche binywa bya gugo mbuwa ao bya gugo mloshi gwa malo, bululi Mlume, Abetcha enyu, gulihumtonda, yulu gamane ugana nambo mulihummunda Mlume, Abetcha enyu, wa mitima gyenyu gyose na luhuda lwenyu lose. ⁴ Gyaswe wa ummlana Mlume, Abetcha enyu; mmnyemiwe na uusa malagano mage na uhulicha liidi lyage, benywe mumgilile na uhulichanya nage. ⁵ Na gugo mbuwa, ao guya mloshi gwa malo, na gahagwe, bululi gwadogoma bya bihubagane yulu ya Mlume, Abetcha enyu, mine gummunyinye mnda sii gy6a Misili, guuhogonone mnda ndu gya bucha, guya mbuwa guli hubenja uuhubaganya ndila giya gyine gyusambikle Mlume, Abetcha obe, ugyate mwagili. Bibyo noo byelihunya usona uhume hawingi hobe. ⁶ Mshiwenyu heliubicha wa lubisagulu, mwaana mnobe, ao mmwalubaga gobe, ao msiha gobe, ao mmachi gwa uyaali yobe, ao genda lyobe lyine lili nahi mtima gobe, gabeusambika, Tugye utambikila tunge tubetcha toshigidi gogwe ata na sobe nage. ⁷ u tubetcha twa mioga gyine gili mibamba nenyu hoka nobe ao koo nobe, utula sunga limwechi lya ibaloo ndaa na sunga lya bubili lya ibaloo. ⁸ ushimgitabiche na ushimmuliche; na liiso lyobe lishimmonene misa, na ushimshige, na ushim'bise; ⁹ chigilwe ummage; uboo obe na ube wa utangi hegulu hage ummaga, na hanyuma noo maboo ma bange batu bose. ¹⁰ Gogwe mtelele mawe ndaa na byeliwa; bululi gusimbile ummugicha Mlume, Abetcha obe mine guuhuminye gogwe mnda sii gya Misili, mnda ndu gya bucha. ¹¹ Na Isilaeli yose bihulicha na umona booba, bashiita usona nahi ubo hawingi hobe. ¹² Ubehulicha halihuganywa mwano gwa mbuga gimwe gya mabuga mobe, mene miuha Mlume, Abetcha obe, washame mo, ubesambilwa, ¹³ Hawingi henyu hachwa bamwe bahugi, babahugicha bamwe bashami ba gimwe mbuga gyabo, balihugana, Tugye utambikila tunge tubetcha twamushigidi; ¹⁴ haho na gogwe wabushe na uenga, wahubucha wa chigilwe; gogwe lingamina, uba m winene, na iya ikoko ishi na adugwa, ugana uchigilicha wa nahi bibyo byine bilihugiliya hawuingi hobe. ¹⁵ chigilwe gyobe ubalwe bashami ba giya mbuga wa bwigi bwa ahilu, wa ubachimya abisa, hamwechi na bibya byose byine bilimo, na nyama chine chilimo, wa bwigi bwa ahilu. ¹⁶ na kole chibe chose wachongwele hawibgi ha ndila gyage; na mabuga wamachigye na aahya, na kole chobe chose chabe lutangi lwa luwilile lwa uchigya wa Mluyme, Abetcha obe; nagyo gibi bibunduguchu milumbu; gishigubawe iyaka. ¹⁷ Ishiwaswe ibya yo yose na uboo obe u biya bibya byine bigugichiwe; yulu gagaluwe Mlume na buhuchi bwa sungu chage guleelele, gumonene misa, nahi byelibalahile pa bamasobe; ¹⁸ holihulicha liidi lya Mlume, Abetcha obe wa uusa malagano mage mose mene mendihuulaga lino, wagile byabisoga u meeso ma Mlume, Abetcha obe.