¹ Ihulichiwe ino inywa, chenywe ng'ombe cha Bashani, mulihushama hegulu ya loono lwa Samaliya, muli hubamonena ba mbuchu, na ubaswaga beene bashi na atu; mulihubasambila balume babo; Aii , leswe tunywe. ² Mlume ABETCHA gwalahawa buhaha bwage, ugana, loola masugu mali huchwa, bimmuya wa umtagiya wa igela ya mahanda , na beene bishigala wa bugela ³ Na benywe mwihumina heene habelilwe, mmachana gomwechi gumwechi hambele hage; na benywe mwilitela Halmini, mlume gwagana. ⁴ Chuwe Batheli, mulube, chuwe Gigali na ubiya mtala gwa buubi; chuwe na lutangi lwenyu kila lwelo, na imwechi yenyu ya umi kila chuba lya matatu. ⁵ Mwachele lutangi lwa uhelelecha, wa itu iliibiwe na mshimi; mwate mbila gya lutangi lwamusuhana wa mtima na ulisamba mano gwage; bululi noo byamusubenja benywe, benywe baana ba Isilaeli, gwagana Mlume ABETCHA. ⁶ Na nene namma ulihahacha wa meno mabuga menyu mose; Na nene namma buganga bwa uhicha mikate buhana bye nyu byose; inangwa bibyo musangiwilila nene, gwagana Mlume. ⁷ Iyaka nachibila mbula gishimchwile, hagishigele myechi gitatu hambele ha usola na uesa; na nene nanyesha mbula hagulu ha mbuga gimwechi kaa, na ugichibila gishinye mginge mbuga; imwe ihana inyene mbula na inge ihana ishinyene mbula, gyalile. ⁸ Mndi uhuma mabuga mabili matatu babele husukitiana ugya naenga madi ma unywa mmanga mabuga, bashipashile ma ubahwa yuuma; inangwa bibyo mushingiwilile nene, gwagana Mlume. ⁹ Na nene mammula wa iyoo ya m'bili wa uhulwa madi; tumabala na mabala menyu ma mizabibu, na miti gyenyu gya mizeituni gyaliwa na baana ba njige; inangwa bibyo mushingiwilile nene, gwagana Mlume Mimmilile bisumi, nahi bisumi bya Misili, bawambaga benyi nabaghaga wa ahili, na falasi chenyu nachihila koo; na nene nausecha unyuka na ubola wa hene hamulibashama na uugingicha mmahundu ma mihyembe gyenyu; inangwa bibyo mushingiwilile nene, gwagana Mlume. ¹¹ Bamwe benyu nibadigile,nahi haya hene Abetcha helidigile Sodoma na Gomola, na benywe mubele nahi isisa yine ihumyiwe wa ahyaa; inangwa bibyo mushingiwilile nene, gwagana Mlume. ¹² Mndi niugila bino, ee Isilseli, na wa yulu niugila bino,ulibiye tayali umonana na Abetcha obe, Ee Isilseli. ¹³ Wa yulu, loola, gee mine gubumbile koono, na ugubumba mnaga, na umsambila mtu malanga mage, guitile lwelo nauba mdo, na uhahyilila ha ihana hene haliginywine; Mlume Abetcha a bilume pambwa, noo china lyage.