¹ Ihulichiwe ino ninywa idogomine Mlume yulu yenyu, benywe baana ba Isilaeli, yulu ya ibishi yose yandihuminye msii gya ba Misili, niganine, ² M' benywe ka bandimanine m'bibushi byose bya gino sii; wa yulu ya bibyo nimmuminya buubi bwenyu bose. ³ Wi wii! Batu babili banaosha ugyata hamwechi basi bahulichane? Wi wii! tambwe gibaduga mgala, nambo gishi na buhibi? Mwana gwa tambwe gwilila mmisugwe, uba guhulwa ya uyaa? ⁵ Hali wii! Anonyi anagwa hasi ha bitete , hene haasatelwa gochi? Gochi linahyuwa hegulu ha bitete, nangu uwasha itu yoyose. ⁶ Hali wii! Asiba igilwa m'buga batu bashimine booba? M'buga mubi na alugi, esachwisha Mlume? ⁷ Winene Mlume Abetcha gushigilainywa yoyose , wa nangu ubasambila bagichi bage bambuwa lubisagulu lwage. ⁸ Tambwe gyahuhwa utuga, mnanyi gushibasina? Mlume Abetcha gwagana,mnanyi gunaosha inywa nambo ushi wa ubuwa? ⁹ Tewe mbila gya mwano mmadu ma ba Ashidodu, na mmadu ma ba Misili, mwagane, Lisumbichiwe hegulu ha koono cha Samaliya, mubahanye, ii kindo cha chata cha mmoga nai chili mmo, na buubi bwingi nahi ii buli mnda mwage. ¹⁰ Bululi bashigidi ugila kiine, Mlume gwagana, babo balihubiya mluhinda buhulihuli na ubichanya mndamadu mabo. ¹¹ Bibyo, bino noo bilihugana Mlume Abetcha; Abe hoo amangu, ugichunguluwa siingubi chose, nage gwiusacha uoma hqsi hobe uuhume; na madu mobe miwaswa kole. ¹² Mndibino noo bili hudogana Mlume; Nhibiya bisuhogononya mmushi wanywa a tambwe mqgulu mabili, ao ihindi ya litu; noo biya byihogononywa baana ba Isilaeli, bashami ba Samaliya u sunga lya Semadali, na hegulu ha msego gwa alili a ingoo. ¹³ Hulichiwe,mubangisiye yulu ya ndu gya Yakobo, Mlume gwagana, ABETCHA ilume pambwa, ¹⁴ Bululi liya chuba nimleelela buubi bwago bose mwaana gwa Isilaeli, nileelela ubutambikilo bwa Betheli, na masunga ma butambikilo milungwa koo, na ugwa hasi. ¹⁵ Nanene nigihula nduu mengo ma budogo na mengo ma kamo; na maya masunga ma ndu mibeleya,na madu mamata mabi naisula, Mlume gwagana.