¹ Bibyo noo bili hidogoma Mlume; Yulu ya buubi butatu bwa Moabu, ehe, ata wa buna, nishichibila uononywa wage ushimpote; bululi guchigiche mauda ma oolo lya Edomu mo noo uba pemba. ² wa bibyo nihila ahyaa hegulu ha Moabu, nao ichigya madu ma Keliothi; na Moabu gwiwa hamwechi na lwindo, na mdodo, na lidi lya asiba. ³ na nene nimmaninya mgechi gwa milando gahuma hawingi hage, na nene nibahaga baulu bagehamwechi nagegwagana Mlume. ⁴ Biino noo bili hodogoma Mlume; Yulu ya buubi butatu bwa Yuda, ehe, ata buna, nishichibila uononywa wage ushimpate; bululi bahanya m'bindo gwa ; na bashi bawashe alago age; na wa binywa bya bo bya lulimi babalubya , byine bilamina bamasabo; ⁵ mndi nihila ahyaa hegulu ha Yuda, nao ichigya madu ma Yelusalemu. ⁶ Bino noo bili hudogoma Mlume; Yulu ya vbuubi butatu bwa Isilaeli, ehe, ata buna, nishichuibila uononywa wage ushimyile; yulu baguche bene bina kiine na bumona, na mbuchu wa ugulu umwechi wa mikalabanda. ⁷ nabo balihuhemena luhuda lwine luli hegulu ha miswee gwa bambuchi, na ulubya madila ma batu ba chumba-chumba; mtu na sage balihugila mmachana gumwechi, na ata uliita china lyanyi lya lihaha uba liibi. ⁸ nabo basulala alibu na ubutangilo hegulu ha bichwalaganywa byine bibiilwe u mbwata ya maboo, na mnda ndu gya Abetcha abo unywa divai cha batu bene bagulilwe wa bumona. ⁹ Wa bibyo nibachiminye Baamoni mbele gyabo, ulaha wage ubele nahi ulaha wa miamba, iyaka gubele nauoma nahi luhangula; iyaka nigyukunime biguma byage utula hegulu, na mivhinga gya ge ndaana hasi. ¹⁰ Iyaka nimuminye bebwe uhuma sii gya Misili, nimlombele mlwanaganywa myaa maumi mana, bululi mushame na ugihyilila sii gya Baamoni. ¹¹ Na nene niginunine mmihichi ya baana benyubabe bambuwa, na hawingi ha bawambaga benyu babe bulihana wa Abetcha; wi wii! Bishi bibyo, bebywe baana ba Isilaeli? Mlume gwagana. ¹² Mndi mubahele babalihane wa Abetcha banywe byuolwa; mubasambile ba mbuwa, muganine, Mushibuwe. ¹³ Loolwe, nimnyemenya benywe, Nahi abili-bili aswachiwa michigo gya bushito gya mikanda. ¹⁴ Mine gwihinga abilo gwichiminyiwa na businino; na guya gulima uoma gushiongecha uoma wage ; Na ilume pambwa ishilihogononya ichuli-chuli yage ya mwego. ¹⁵ Na mine gulihulema buta gushigimana; Na guya guli mmuhu u magulu gushilihogonona , ata na mshinyi gwa falasi gushilihogonona ichuli-chuli yage ya mwego. ¹⁶ Na guya mine gwina mtima gwa gwata mmihichi yabilume pambwa gwisina buchi liya chba, Mlume gwagana.