¹ Ihulichiwe ino inywa ibe malilo yulu yenyu, benywe ndu gya Isilaeli. ² Inyundu ya Isilaeli igwile; ishiginyuwa iyaka; yagwishiwa mndasii gyage; hashimtu gwa uginuna. ³ Wa bibyo Mlume ABETCHA gwagana bino Mbuga gyine gihumine gyina batu uko, gyishigwa batu sambi,na mbuga gyine gihumine na batusambi , gyishigwa na batu umi, ba ndu gya Isilseli. ⁴ mndi mushiengeBetheli, na mushigingile Gilgali, na mushihite ugya Beer-sheba; yulu Gilgali winene wage gyigya ubucha, na Betheli gibi bunene, ⁵ yulu nishihuenga Betheli, na nishi hugingila Gilgali, na nishihuhita ugya Beel-sheba; Gigali winene wage gigya ubucha, na Betheli gibi bunene. ⁶ Engwe Mlume na benywe mubi na mwego; gashichwe ulama nahhi ahyaa mnda ndu gya Yusufu, nao nuuchigya,hashibe ata na mtu gwachimya ubo Betheli. ⁷ Nabenywe bene balihugalula uononywa usuma, na ugwisha kiine hasi, ⁸ mummenge gula guitile Kilimiya na Olioni, nauigalula uchuli-chuli ya lubu uba lwelo, na umaita mengo ma chuba uba mdo mengo ma busugu; guya mine gulihugita madi ma bahali, naumagesa hegulu ha sii, Mlume noo china lyage. ⁹ gee mine gulihuhyicha udoga wa abilo yulu yabi bene bali biluma pambwa, ata udogya uhewe businino. ¹⁰ Boo basumonywa guya gusubaambila ha mchango, nabo basumchila guya gusulisamba binywa bya kiine ¹¹ Bino, yulu benywe mulihumyilila mbuchu, na umlipisha ngano; benywe mwagubaa madu ma mawe ma mibachwa, na mushishama mnda mwamo; na benywe mwauna mmabala mabenju ma mizabibu, wa kiine mushinywa divai chage. ¹² Bululi nene nigidi bili upanya wenyu wingi, na biya bili buubi bwenyu bwata; benywe mulihumonena beene bina kiine, mulihugaa bugeda milomo, na ubagalula bene balihusaba bashihewe kiine gyabo. ¹³ Wa bibyo mine gwiga malango gwishama pii mengo nahi mamo; bululi ii mengo mabii. ¹⁴ Engwe busoga , na bushi buubi, mwabe na mwegi; bibyo Mlume, Abetcha mlume gwa bilume pambwa, gubi hamwechi neenyu nahi byeli hugana. ¹⁵ Muonywe buubi; mubenje busoga; mwagimiye kiine ha mchango; winene ugana Mlume, Abetcha mlume gwa bilume pambwa, gwibagilila keene bene beshigele ba Yusufu. ¹⁶ Wa yulu ya bibyo, gwagana Mlume, Abetcha a bilume pambwa, gee noo Mlume; Habi malilo mmadila mabo mose ma mata ; nabo bidogoma mmadila mose,Luhanga lubi !,Luhanga lubi! Nabo bigiya mlimi gachwe umalilo, na baya bene basuosha ulila bachwe umalilo, ¹⁷ Iyaka u mabala mose ma mizabibu ubi luhanga,bululi nene nihita hawingi habo, gwagana Mlume. ¹⁸ Luhanga lubi wenyu, Bebywe bene balihubenja chuba lya Mlume; Yuluyai ulubenja lusugu lwa Mlume? Ii mdo, na lushi lwenge. ¹⁹ Nahi biya mtu gulihusina tambwe, gee nusambana na byiila; nambo gabegingila mndu na ugegeya uboo wage wibambacha , ndowa noo umchiga. ²⁰ Wi wii! Chuba lya Mlume lishibi mdo na lishibi lwenge? Ehe, lubi mdo abisa, na lushibi ata lwenge. ²¹ Nene namahanya masugu menyu ma ulitucha, namabeda, na nene nishubenja sumbilo lyenyu lya dini. ²² Ehe, Inangwa mwatambikila wa lutangilwenyu lwa uchigya na lwa busu, nishilubenja; na nishi lulola lutangilqenyu lwa talala, na lwa nyama cha mauta, chachinonyu. ²³ Mupuminye mdodo gwa ng'imbo chenyu; yulu nishihubenja uhulicha madi ma bigombaganywa byenyu. ²⁴ Wa bbyo uononywa usale nahi madi, na kiine nahi madi meengi. ²⁵ Wi wii! Munjwilile na lutangi mlwanaganywa, giya miyaa maumi mana. benywe ndu gya Isilseli? ²⁶ Ehe, mwimguha Shikuthi, oolo lyenyu, Kiuni, mmishi gwenyu, ambala-mbala a abetcha enyu, amulilongeche benywe bene. ²⁷ Wa yulu ya bibyonim'bulula, muli bahambwe, mugye koo uhita Dameski, gwagana Mlume, gee mine china lyage ii Abetcha a bilume pambwa.