² ugana mushigagichiwe abilo na uleya malanga menyu, na mushibabulwe, mitima, na wa inywa, na wa mkanda gulihulangwa ugana ii gwetu, na wa ugana lusugu lwa Mlume lwahuhwa uba. ³ Mtu gegese gashibabiche wa ndila gyogyose; yulu lushichwa, uba ushinachwa uya udoga; gaununywe guya mtu gwa uhingana, mwana gwa pilwa; ⁴ guya guhingana, gwa uliginuna ichuli chuli yage ya mwego hegulu hayoyose ilihugiswa Abetcha na utangilwa; na gee mine ushama mnda mwa ihwilo ya Abetcha, na ulimonya ichuli chuli yage ya mwego ugana gee noo Abetcha ⁵ Wii! mushihuengelesha mengo mamndibele hamwechi nenyu niimsambile bibyo? ⁶ Bino yine ilihuchibila mwigidi, mengo mage guya maununywe. ⁷ Bululi yula lubisagulu lwa udoga bino lusili hugila mgilo; hali mine gwilihuchibila hano, ndaa na byeliguhwa. ⁸ Haho noo heli ununywa guya guliginina, guya mine Mlume Yesu gwimmaga waluhuda lwa anywa age, na uumchimyaa heliununywa helichwa; ⁹ guya mine uchwa wage ii wa mlingilisho gwa ugila wage Ihingili, wa uosha ose, na bisaga na biloya bya lulimi; ¹⁰ na wa lulimi lose lwa bubii wa babo ba uchimina; wa yulu bashibagitabiche na ubenja giya kiine, bahogononywe. ¹¹ Wa bibyo Abetcha abaha uoma wa uchimina, bagitabiche lulimi; ¹² yulu baononywe bose bene bashibawashe liine, bululi babele huliseelela mnda mwa bubii. ¹³ Wa bino tulingye umtonaAbetcha masugu mose wa yulu yenyu, babuswa mubendichiwe na Mlume, wa yulu Abetcha amsobolile utula ubutulilo muhewe uhogononywa, wa uhahachiwa na Mtima, na wa ugitabicha kiine; ¹⁴ byelimgitili wa mwano gwa mwego gwetu, wa yulu ya uhewa bugengeda bwa Mlume Yesu Keleshito. ¹⁵ Bino, bashiwetu, mugimane boo, mubiwate biya byamuhwile ugigiwa, uba wa binywa uba wa mkanda gwetu. ¹⁶ Na Mlumyetu Yesu Keleshitogee mine, na Abetcha Setu, mine gutubendiche gutuhele mmungyo gwa milumbu na maudagilo mabenju. mnda mwa keene ¹⁷ gammungye mitima gyenyu, na umiita uba bagimanyu mnda mwa binywa byose na bigilanywa bisoga.