¹ Bino, bashiwetu, mutusabile, yulu inywaya Mlume igililile, na uginunwa byoka biya nahi biliubo wenyu. ² tuhogononywe nabatu basi na kiine, babii, yulu bashi bosebali na uwasha. ³ Bibyo Mlume ii gwambwilile, gwimmita uba bagimanyu na ummusa na guya Ihingili. ⁴ Na beswe tulibamdagile Mlume wa bihisho byenyu, waugana milihugila byatumlagile, iyaka uganamwibigila. ⁵ Mlume gamgolwele mitima gyenyumuhewe luundo lwa Abetcha, na uhemba wa Keleshito ⁶ Bashiwetu, tulihumlaga mnda ma Mlume Yesu Keleshito, mulibagule bichuli chuli byenyu bya mwego na babuswa bose bene balihushama wa nango ulicheelecha, naushi wa ugaa mishamenyi gyamugaile watuli. ⁷ Mugidi benywe bene bilingye utulama; bululi tushigile wa nangu ulama ulicheelecha wa mlii ; ⁸ na tushilileiliwawa mtu gegese bunene; ii wa asusu na wa uima, busugu na chuba tugilile mgilo, bululi tushimmimye mtu gwa wenyu gegese. ⁹ Ushi wa ugana tushi na yugana, ii yulu ya uita bichuli chuli byetu bya mwego uba mlingilisho wemyu, mutulame. ¹⁰ Na ata mayamengo matubeleubo wenyu tumlagile ino inywa, ugana uba mtu gushihubenja ugila mgilo, mndi gashiye iliwa. ¹¹ Bululi tulihuhulicha ugana uli batu ubo wenyu balihugila nangu ulicheelecha, bashi na byugila byobyose boo beme, balihulola bilihuita bange. ¹² Bino tulihubalaga babo, na ubamonya mnda mwa Mlume Yesy Keleshito, bagile mgilo wa uhola na uya bililwa bwabo boo bene. ¹³ Nambee benywe bashiwetuu, mushialee maudagelo mueta bibenjuu. ¹⁴ Nambee ntuu gegese kushihuwata enywa yeenyu ya kuuno nkanda kaleheenge naa kuko ntuu ata udogoma nage, yuulu kamonee abule. ¹⁵ Bibyo, mushimpaale nehee amango ,mmusambelee nehee mnshiwetuu. ¹⁶ Bino Mlume gwa talala ge mine gabahe talala ugililila wa madila mose, Mlume gabe hamwechi nenyu benywe bose. ¹⁷ Salamwa chanyi nene Paolo, wa uboo wanyi nene mine. ino noo yaala yanyi uu mikanda gyose noo mgolo gwanyi. ¹⁸ Keene cha Mlume Yesu Keleshito na chibe hamwechi nenyu benywe bose.