¹ Nage Daudi gusumbiche iyaka Isilaeli yose, batu uki maumi matatu. ² Gugimanine Daudi gugile hamwechi na batu bose bene belibele hamwechi nage, ndaa na Baala gya Yuda, yulu uabulisecha lindo lya Abetcha ligitilwe wa china lya Mlume gwa bilume pambwa gulimshamehegulu ha makelubi. ³ Balibiilelindo lya Abetcha heguluha abilibili aahya, balihuminye mnda ndu gya Abinadabu, gibele u loono; Uza na Ahio baana ba Abinadabu babele huagolwelaaya bilibili aahya, ⁴ Baahuminye mnda ndu gya Abinadabu gyina gili u loono, hamwechi na lindo lya Mlume; na gugo Ahio gulombole hambele ha lindo. ⁵ Daudi na ndu gyose gya Isilaeli bainine u mbele wa Mlume wa uoma wabo ose, wa ng'imbo na wa ligimbi na wa milimbalimba, na wa michegele na wa bigomba ganywa. ⁶ Nahabahiile ha sunga lya Nakoni, Uza guligololele lindo lya Abetcha guliwatile bululi chiya ng'ombe hachihyatalile. ⁷ Haho sungu cha Mlume chilamine hegulu ha Uza; nage Abetcha gummulile yulu ya uluba wage; nage nuuwa hoka haya hene hali lindo lya Abetcha. ⁸ Daudi guchigililwe bululi bwa Mlume gwammula Uza; guigitile iya ihana Peles-uza ndaa na lino. ⁹ Nage Daudi gummonine Mlume booba luya lusugu, guganine, Lyihiya wi wandi lindo lya Mlume? ¹⁰ Bibyo Daudi gushibenjiche ulilusha lindo lya Mlume mnda mbuga gyage; alakini Daudi gulibulwile mnda ndu gya Obed-edomu, Mmiti. ¹¹ Lindo lya Mlume gulibiile mnda ndu gya Obed-edomu, Mmiti, mengo ma myechi gitatu; nage Mlume gummalileObed-edomo mihaa, na ndu gyage gyose. ¹² Hanyuma Daudi gusambilwe ugana Mlume gwahalila mihaa ndu gya Obed-edomu, na bitundu byose byine byeli nabyo wa yulu ya lindo lya Abetcha. Daudi gugile, ulilusha lindo lya Abetcha uhuma wa Obed-edomu mndaa na mmbuga gya Daudi, wa useelela. ¹³ Na habibele, batu babaliswale lindo lya Mlume basibele bahugya matamba mtuba, gushinjiche inonywe ya ng'ombe. ¹⁴ Daudi guinine u mbele wa Mlume wa uoma wage ose; na Daudi gubele mchwale (efoto) ichibabo ya ahwaba u yaali. ¹⁵ Haho daudi na ndu gyose gya Isilaeli balilushiche lindo lya Mlume wa useelela, na wa madi matusiba. ¹⁶ Habele, lindo lya Mlumehaligingile mnda mbuga gya Daudi Mikali, msiha gwa Sauli, gulingamine u dilisha, gummonine oolo Daudi guli hudunduwa dunduwa na uina u mbele wa Mlume; gumnenune mnda mtima gwage. ¹⁷ Baligingiche lindo lya Mlume, na ulibiya ha ihana yalyo, m'bwingi mwa hema lyeligimiile Daudi yulu yage, Nage Daudi gutangile lutangi lwa uchigya na lutangi lwa talala u mbele wa Mlume. ¹⁸ Hanyuma Daudi helihwile utangila lutangi lwa uchigya na lutangi lwa talala gubahalile batu mihaa wa chinalya Mlume gwa bilume pambwa. ¹⁹ Gubagabulile batu bose, sumbilo lyose lya Isilaeli, balumyana na baachana, mtu ge gese mkati gwa ngano, na hi msanyu hya nyama, na mkati gwa mtama. Haho batu bose bagile wabo, u mdu mabo. ²⁰ Haho Daudi gugiwile yulu ya ubahalila mihaa batu ba u ndu gyage. Mikali, msiha gwa Sauli, gutobowile hambuga yulu ya ugya umgaa Daudi, nage guganine, Oolo lya Isilaeli gwaba mmaha lino nahi ii, ulibulula m'bili gwge u mbele wa baachi ba bagichi bage, mlingilisho gwa gumwe mmugi, gwalibulula m'bili gwage u mbele wa batu, gusaba na abule. ²¹ Daudi gumsambile Mikali, Naba u belewa Mlume mine gusobole nene u ndu gya tata, na yulu ya ndu gyage, yulu ya umbiya nabe mmata heguluha batu ba Mlume, na hegulu ha Isilaeli; na wa bibyo nene niina u mbele wa Mlume. ²² hanyuma nibi mmimu abisa, na nene nibi alema abisa u meeso manyi nene mine; alakini u baya baachana bene bawagana, wabo ninyemiwa. ²³ Bibyo Mikali, msiha gwa Sauli, gushibele na mwaana ndaa na lusugu lwage lwa uuwa.