¹ Habele na ndala ha masugu ma Daudimengo ma myaa gitatu, mwaa wa mwaa; nage Daudi guengile yenyi ya Mlume. Mlume guganine,M wa yulu ya Sauli, na wa ndu gyage gyine gili na maashi, yulu gubahagile baya Bagibeoni. ² Bibyo oolo gubagitile Bagibeoni gubasambile; (bino Bagibeoni bashi baana ba Isilaeli, alakini m ba mihina gya Baamoli; na baana ba Isilaeli babele babalahile pa; alakini Sauli guengile ubahaga wa malanga mage yulu ya baana ba Isilaeli na Yuda;) ³ bibyo Daudi gubasambile babo Bagibeoni, Nammitile ii? Na wa igilanywa nai naite msambanyo, yulu muoshe ubuhalila mihaa buhyana bwa Mlume? ⁴ Na babo Bagibeoni bamsambile, Ishi ikoko ya lusuu ao ya nolo yineili hawingi hetu beswe na Sauli, ata ndu gyage; na ushi yulu yetu ummaga mtu ge gese mnda Isilaeli. Daudi guganine, Yamwigana noo yandimgilila benywe. ⁵ Bamsambile oolo, Guya mtu mine gutuchiminye, na utuitila lango lya utugugicha, tushishame mnda ng'umba chose cha Isilaeli, ⁶ bino, na tuhewe batu njwii u baana bage, na beswe twibasundiya u mbele wa Mlume uya Gibeoni, u loono lwa Mlume. Oolo guganine, Nibahana wamli. ⁷ Alakini oolo gumlediche Mifeboshethi, mwaana gwa Yonathani, mwaana gwa Sauli, wa yulu ya ulaha pa wa Mlume wine ubiilwe hawingi habo, noo hawingi ha Daudi na Yonathani, mwaana gwa Sauli. ⁸ Alakini oolo guguhile baya baana babili ba Lispa, msiha gwa Aya, belibutile na Sauli, Almoni na Mefiboshethi; na baana batano ba Melabu msiha gwa Sauli belum'butile Adlieli, mwaana gwa Balzilai, Mmehilathi; ⁹ gugabiile mmabo ma Bagibeoni, nabo babasundiye u loono lwa Mlume, nabo bachimine bose njwii hamwechi; bahagilwe masugu ma usola, ma matangi, ubutulilo bwa usola bisolaganywa. ¹⁰ Nage Lispa, msiha gwa Aya, gughile bichwalaganywa bya bisambulida nuuligandila u mahuo, utula ubutulilo bwa usola ndaa na byabanyenenywe na mbula uhuma ha gulu; na gushileile tunonyi twa ha hululu usala hegulu habo mchuba, na aya nyama cha mgala uchwa m'busugu. ¹¹ Hanyuma gusambilwe Daudi biya byeliitile Lispa msiha gwa Aya, mcha mmachi gwa Sauli. ¹² Daudu gugile, guguhile mauda ma Sauli na mauda na Yonathani mwanage m maboo ma batu ba Yebesh-gileadi; mabagilile m ndila gya Bethshani, haya hene habamgwilile Bafilisti, luya lusugu lwabammagile Sauli uya Gibeoni; ¹³ nage gumalushishe uhuma uya maya mauda ma Sauli n mauda ma Yonathani mwanage; nabo bamachiile mauda mabo baya bene basundiwe. ¹⁴ Hanyuma bachiile mauda ma Sauli na maud ma Yonathani mwanage mnda sii gya Benyamini, uya Zela, m sinda lya sage Kishi; baitile byose byine byeliganine oolo. Hanyuma Abetcha gugihyaninye giya sii. ¹⁵ Bibyo habele iyaka na bita hawingi ha Bafikisti na Isilaeli; Daudi gugili uhuma Gobu, nabagichi bage hamwechi nage, gulwile na Bafilisti; nage Daudi gubahimine na uoma. ¹⁶ Nage Ishi-benobu, gubele gumwe gwa Balefai, bushito bwa sumo lyage bubele bwa shekeli sambi chitatu cha mmubo wa bushito, nage gulihambile ahilu aahya, gutondile ummaga Daudi. ¹⁷ Alakini Abishai, mwaana gwa Seluya, gum'bwatiiche, gmmulile Mfilisti, gummagile. Bibyo batu ba Daudi bamlahile pa, baganine, Gogwe ushigya iyaka hamwechi netu u bita, ushichwe uchima yaa ya Isilaeli. ¹⁸ Bibele hanyuma ha bibyo, habele iyaka bita na Bafilisti uya Gobu; haho Sibekai, Mmushathi, gummagile Safu, ¹⁹ Habele iyaka na bita na Bafilisti uya Gobu; Elhanani, mwaana gwa Yaili, M'bethlehemi, gummagile Goliathi, Mgiti, mine gubele na mti gwa sumo lyage gubele nahi mti gwa mluwi gwa byaata. ²⁰ Habele iyaka na bita uya Gathi; wine ubele na mtu mlahu abisa, na gwina minywe mtuba u uboo o ose, na minywe mtuba u ugulu o ose, lubalo lwage m minywe maumi mabili na gina; gee nage gubutilwe wa Mlafai. ²¹ Nage gugo helibatuwile Baisilaeli, Haho Yonathani mwaana gwa Shama, mshiwabo na Daudi, gummagile. ²² Babo bana babutilwe wage gugo Mlafai gwa Gathi; bagwile mnda uboo wa Daudi, na mnda maboo ma bagichi bage.