¹ Bibele ugana hamoneye mtu gushilingye, chinalyage Sheba, mwaana gwa Bikli, M'benyamini; nage gugilileasiba, guganine, Beswe tushi na lubalo wa Daudi, na tushi na buhyana u baana ba Yese; giwe mtu ge gese witula yage, benywe ba Isilaeli. ² Haho batu bose ba Isilaeli baselile uhuma wa Daudi na umlama Sheba, mwaana gwa Bikli; alakini batu ba Yuda ba balamanine na oolo lyabo, utula Yolodani ndaa na Yelusalemu. ³ Haho Daudi gugile Yelusalemu u ndu gyage; hanyuma oolo gubaguhile baya baachana umi, baachi bage ba bacha, bene belishigile uusa ndu, gubabiile mnda ndu gya uuswa, gubalishiche, yulu gashigingile wabali. Bibyo baambilwe ndaa na lusugu lwa uuwa wabo, babele bashame mshaminyi gwa buwile. ⁴ Bibyo oolo gumsambile Amasa, Ubasumbiche hamwechi u masugu matatu batu ba Yuda, na gogwe wabeho hano. ⁵ Amasa gugile ubasumbicha ba Yuda; alakini gusingile abisa uhima maya mengo mene melihelwe. ⁶ Haho oolo gumsambile Abishai, Bino Sheba, mwaana gwa Bikli, gwitususula, uhima Absalomu; gogwe guha bagichi ba mlumyobe, wamlame, gashigingile mnda mabuga mene mali na migumbo, na ulihonya na meeso metu. ⁷ Haho bagiilehanyumahetu batu ba Yoabu, na Bakelethi na Bapelethi, na bilume pambwa byose; bahumine Yelusalemu, yulu na umlama Sheba, mwaana gwa Bikli. ⁸ Bibyo hababele ha liya liwe lya lyata liliho Gibeoni, Amasa guchwile ubagaa. Nage Yoabu gubele mlihambe bichwalaganywa byage bya bita byelibele mchwale, na hegulu habyo habele na mchingo, na ahilu ali abiwe mlubunda mwage ali mnda hala lyao; nage helibele hugililila, ahuluwe nuugwa. ⁹ Nage Yoabu gumsambile Amasa, Talala oli, mshiwetu. Hanyuma Yoabu gum'bwatile Amasa waalembe nauboo wage wa ulume yulu gammumbatile. ¹⁰ Na Amasa gushialolile aya ahilu ene alimo m muboo wa Yoabu; haho gumtele nao mgumo, guhongolole miila gwage hasi, gashimte lwendo lwa bubili; nage nuuwa. hanyuma Yoabu na Abishai, mshiwabo, bamlamine Sheba, mwaana gwa Bikli, ¹¹ Gugimanine hoka nage gumwe gwa bawalubaga ba Yoabu, gugo guganine, Minegulihuunda Yoabu, naguli gwa Daudi, gamlame Yoabu. ¹² Alakini Amasa gubele hulibulaganya mnda maashi mage m'bwingi mwa ndila gya gyata. Bibyo guya mmwalubaga gummuminye Amasa mnda ndila gya gyata na um'biya mlubala, gum'bwilile ichwalaganywa, mengo melimonine ugana mtu ge gese mine guhiile haya helibele mgimanyu. ¹³ Na helihuminyiwe m ndila, batu bose bahitile, balamanine na Yoabu yulu ya umlama Sheba mwaana gwa Bikli. ¹⁴ Nage Sheba guhitile hawingi ha bilongo byose bya Isilaeli ndaa na Abeli, na wa Bethmaaka na Babikli bose; nabo basumbile, bagile ulamana na Sheba. ¹⁵ Na bao bachwile ummumbatila uya Abeli gya Bethmaaka, nabo babiile iutu u mbele wa mbuga, nayo igimanine ulolela mahuo; nabato bose bene babele hamwechi na Yoabu babelile ibambacha, yulu baibele. ¹⁶ Hahohalilile gumwe mmachana mine gwila lwenyi utobowa m mbuga, Hulichiwe, hulichiwe; msambilwe Yoabu gachwe hano hoka nanyi, nadogome nage. ¹⁷ Haho gumshenene; naguya mmachana guganine, Noo gogwe Yoabu? Gumgaile, Noo nene. Gumsambile Hulicha binywa bya mcha gobe. Gugaile, Nene nihuhulicha. ¹⁸ Hanyuma gudogomine, guganine, Batu badogomone aala, baganine, Bashihulwe um'bucha gugu Abeli; noo byabahwile lango. ¹⁹ Nene nili gumwe gwa baya ba talala, bene bali ba bawilile mnda Isilaeli; gogwe ulihubenja ugigugicha mbuga, na mnage na Isilaeli; yulu yai ulihuunda umina buhyana bwa Mlume? ²⁰ Yoabu gugaile, guganine, Bishibe, bishibe wandi, nagimine, na ugigugicha. ²¹ Ini inywa ishi iyo; alakini gumwe mtu gwa tubandagulu twa Eflaimu, mwaana gwa Bikli, china lyage, Sheba, gwaginuna uboo wage heguluha oolo, ehe, Daudi, mndi bino mtobolwe gee buchima ka, guya mmachana gumsambile Yoabu, Loola, mswe gwage witelelwa gu hegulu ha ibambacha. ²² Bibyo guya mmachana gubagilile bato bose wa lwenyi lwage. Nabo bamgegile Shaba, mwaana gwa Bikli mswe, bamtelele go Yoabu haya hambuga. Yoabu gugilile asiba, nabo nuusaliya ugya m mbuga mtu ge gese witula yage. Nage Yoabu gugiwile Yelusalemu wa oolo. ²³ Haho Yoabu gubelehegulu ha basolokoto bose ba Isilaeli; na Benaya, mwaana gwa Yehiyada, gubele hegulu ha Bakelethi, na hagelu ha Bapelethi; ²⁴ na Adolamu gubele hegulu ha migilo gose gya giomu; na Yehoshafati, mwaana gwa Ahiludi, gubele gwengelecha bage; ²⁵ na Shausha mgochi; na Sadoki na Abiathali babele bibuli. ²⁶ Iyaka na Ila, Myaili, gubele ibuli wa Daudi.