¹ Hanyuma Yoabu gusambilwe, Lingamina, oolo gulihumlilila Absalomu na ubiila malilo. ² Na uhima wabo wa ubita ugalulwe uba malilo u batu bose; yulu btu bahuliche luya lusugu ugana, Oolo gubele na manyongotela yulu ya mwanage. ³ Batu babisanine luya lusugu, bagingile m mbuga nahi biya batu balihumona abule, byabasubisama, haya habasusina u bita. ⁴ Oolo guliwilile yenyu; na oolo gulilile wa liidi lyata, Mwananyi Absalomu! Absalomu mwananyi, mwananyi! ⁵ Bibyo Yoabu gugingile mndu gya oolo, guganine, Gogwe lino wadambya mmee byenyi ba bagichi bobe bose, bene bahogonona lino luhuda lobe, na luhuda lwa bawalubaga bobe, na bwamisiha gyobe, nabluhuda la baachai bobe, na luhuda lwa bacha bene bagaluwe uba baachi bobe; ⁶ yulu uli hubaunda bene bali huuonywa, na ulihuonywa bene bali huunda. Bululi lino wamonya baata ba basolokoto na bagichi bobe bashi atu u meeso mobe; yulu lino naamana; nambo Absalomu gwabahaama, na beswe boswe twabawa lino, byisuba bisoga u meeso mobe. ⁷ Bino hano, gimana, utobowe hambuga, udogome na bagichi bobe binywa bya ubahocha luhuda lwabo; yulu nene nuulahila pa wa Mlume, usahutobowa, hashishigala ata mtu gumwechi hamwechi nobe buno busugu; na bino bikoko bibi bigugichu oli uhima bikoko byose byine byolihitile utula u buwalubaga bobe ndaa na bino. ⁸ Haho oolo guchuwile, na ushama ha mchango. Lingamina, oolo gwahushama ha mchngo; baatu bose bagile uya u mbele wa oolo. Haho Isilaeli yose babele basine mtu ge gese u hema lwage. ⁹ Bahimanine batu bose u bilongo byose bya Isilaeli, baganine, Oolo gwatuhunya mnda maboo ma tumangu twetu, gutuhogonone na maboo ma Bafilisti; nage gwagisina gino sii yulu ya Absalomu. ¹⁰ Na gugo Absalomu, gwatushininye mauta yulu gabe hegulu hetu, gwaawa u bita. Bino hano yulu yai benywe mushihudogoma inywa yo yose ya umgiwicha oolo iyaka? ¹¹ Nage oolo Daudi gutumine wa Sadoki na wa Abiathali, bibuli, ugana, Dogomwe na miungu gya Yuda, mwagane, Yulu yai benywe musili ba isula ya umgiwicha oolo u ndu gyage? Bululi binywa byose bya Isilaeli bose bimyile oolo, yulu ya umlusha u ndu gyage. ¹² Benywe muli bashiwetu, benywe muli uda lyanyi na nyama chanyi; yulu yai benywe musili ba isula wa umgiwicha iyaka oolo. ¹³ Hanyuma mwamsambile Amasa, Wi wii! Gushi gogwe uliuda lyanyi, na nyama chanyi? Abetcha angitile bibyo, wa uhima, usahuba gogwe mmata gwa basolokoto u mbele wanyi masugu mose ha ihana ya Yoabu. ¹⁴ Gubaginaminyi mitima batu bose ba Yuda, nahi mtu gumwechi; bibyo bahilile wa oolo, Giwilagogwe na bagichi bobe bose. ¹⁵ Bibyo oolo gugiwile, guhiile Yolodani, Hanyuma Yuda bachwile Gilgali ugya umgaa oolo, na umdabula oolo Yolodani. ¹⁶ Guitil abilo abisa Shimei, mwaana gwa Gela, M'benyamini, gwa Bahulimu guundumuwe hamwechi na batu ba Yuda yulu ya umgaa oolo Daudi. ¹⁷ Na batu uki ba Benyamini babele hamwechi nage, nagugo Siba mcha, ndu gya Sauli, na babo baana bage umi na batano, na bacha bage maumi mabili hamechi nage; badabwileYolodani hambele ha oolo. ¹⁸ Iyaka budabwile bwatu yulu ya udabula ilongo ya oolo, na uita byalimonina uba bisoga. Bibyo Shimei, mwaana gwa Gela, gumgwilile oolohelibele hudabuwa Yolodani. ¹⁹ Shilei gumsambile oolo mlumyanyi ushimbalile usona, na ushiengeleche biya byandigilile nene mcha gobe bya bihugi luya lusugu lwelihumine Yelusalemu mlumyanyi oolo, yulu oolo gubibiile mnda mtima gwage. ²⁰ Yulu nene mcha gobe nigidi ugana nilubile; wa bibyo, loola, naachwa lino, gwa mtangi gwa ndu gyose gya Yusufu, usala yulu ya umgaa mlumyanyi oolo. ²¹ Alakini Abishai, mwaana gwa Seluya, gugaile, na ugana, Wi wii! Shimei gushihagwa yulu ya ino, yulu gumlogile mshinyiwa mauta gwa Mlume? ²² Alakini Daudi guganine, Nene nili nai na benywe? benywe baana ba Sluya, na musili tumangu twanyi lino? Wi wii! Gwihagwa mtu ge gese lino mnd Isilaeli? Bululi nishigidi nene lino wa ugana noo oolo lya Isilaeli? ²³ Hanyuma oolo gumsambile Shimei, Ushiwa. Oolo gumlahile pa. ²⁴ Hanyuma Mefiboshethi, mwaana gwa Sauli, gusalile yulu ya umgaa oolo; gushibele mgede mdaala chage cha magulu naugeda alembe age, na ufula bichwalaganywa byage, utula lusugu lwine lwehumine oolo, ndaa na lusugu lweligiwile oolo wa talala. ²⁵ Haho bibele, halihiile Yelusalemu umgaa oolo, oolo gumsambile, Yulu yai ushigile hamwechi nanyi, Mefiboshethi? ²⁶ Nage gumgaile, Mlumyanyi, Ee oolo, mcha gwanyi gumbichiche; yulu nene mch gobe niganine, Niligandila punda, yulu na ugichina, nuugya hamwechi na oolo; yulu nene mcha gobe nili itende. ²⁷ Nage gwanyinga nene mcha gobe wa mlumyanyi oolo; alakini mlumyanyi oolo guli nahi malaika ma Abetcha; uite byine bili bisoga u meeso mobe. ²⁸ Bululi ilongo yose ya tata babele nahi batu ba baube ka u mbele wa mlumyanyi oolo; alakini umbiile nene hawingi ha baya bene balihuya u mesa mobe. Bino n kiine nai gyandi nagyo, ata namlilile oolo wa uhima? ²⁹ Bibyo oolo gumsambile, Yulu yai ulihugililila bikoko byobe? Nene namona, Gogwe na Siba mugigabe gigyo sii. ³⁰ Nage Mifeboshethi gumsambile oolo, Ehe, ata gyose na gaguhe gee, bululi mlumyanyi gwachwa wa talala u ndu gyage. ³¹ Iyaka Balzilai, Mgileadi, gusalile uhuma Logelimu; gudabwile Yolodani hamwechi na oolo, gamdabule Yolodani. ³² Nage gugo Balzilai gusibele mmungu abisa, gusibele na myaa nahi maumi inana; nage gubele humlisha oolo haya helibele Mahanaimu; yulu gubele mtu mine gwina abega aata. ³³ Nage oolo gumsambile Balzilai, Udabuwe hamwechi nanyi; na nene niulisha uya wanyi Yelusalemu. ³⁴ Alakini Balzilai gumgaile oolo, M masugu manga ma mwego mwanyi; na nene nasele hamwechi na oolougya Yelusalemu? ³⁵ Nisili lino na myaa maumi inana; na nene wii! ninaosha ubagulanya bisoga na bisone? Nene mcha gobe, wi wii! Ninaosha utonda yandihuya na yandihunywa? Ninaosha uhulicha iyaka madi ma bagimbi ba balumyana na ma baachana? Yulu yai bino mcha gobe gabe mchigo gwata wa mlumyanyi? ³⁶ Mcha gobe gulihusimba udabuwa Yolodani ka hamwechi na oolo; iyaka oolo gaapa mmaso gwa gugo mmoga? ³⁷ Ibumbu ino undeye nagiwile ka, nene mcha gobe, yulu naawe mnda mbuga gyanyi, hoka na sinda lya tata nanlya mago. Alakini loola, mcha gobe Kimhamu; noo gadabuwe hamwechi na mlumyanyi oolo; nagogwe wamgilile gee bya misa byolimona. ³⁸ Oolo gugaile, Bino, Kimhamu na gadabuwe hamwechi nanyi, nene nimgilila bya misa u meeso mobe gogwe, na yo yose yine yolisimba wandi, nene niita yulu yobe gogwe. ³⁹ Bibyo batu bose badabwile Yoodani, nage oolo gudabwile; hanyuma oolo gummumbatile Balzilai, gummalile mihaa; nage gugiwile wihana yage. ⁴⁰ Bibyo oolo gudabwile, guhiile Gilgali; Kimhamu gudabwile hamwechi nage; na bato bose ba Yuda bamdabule oolo, na isunyi ya batu ba Isilaeli. ⁴¹ Iyaka, lingamina, batu bose ba Isilaeli bachwile wa oolo bamsambile oolo, Yulu yai bashiwetu, batu ba Yuda buugiba, na umdabula oolo Yolodani, na ilongo yage, na batu bose ba Daudi hamwechi nage? ⁴² Haho batu bose ba Yuda babagaile babo batu ba Isilaeli, M wa ibalo oolo m gwa ilongo yetu; Yulu yai bino benywe mwachigilwa yulu ya ino ikoko? Wi wii! Beswe twaya ibya ya oolo? Ao beswe twahewa mmaso go gose? ⁴³ Babo batu ba Isilaeli babagaile batu ba Yuda, baganine, Beswe tuli na beengi nyendo umi wa oolo, iyaka tuli na kiine gyetu wa Daudi uumima benywe;yulu yai benywe muli hutunenuna beswe, lishitulile uengwa lango watuli lya umgiwicha iyaka oolo lyetu? Na binywa bya batu ba Yuda bibele bigumu uhima binywa bya batu ba Isilaeli.