¹ Hanyuma Daudi gubalile batu bene babele hamwechi nage, gubiile baata ba basolokoto uki uki, na baata ba basolokoto sambi sambi hegulu habo. ² Daudi gubahilile babo batu u bita, imwechi ya bitatu hasi ha uboo wa Yoabu, na imwechi ya butatu hasi ha uboo wa Abishai, mwaana gwa Seluya mshiwabo na Yoabu, na imwechi ya butatu hasi ha uboo wa Itai, Mgiti. Oolo gubasambile batu nishi na adugwa nene mine nigya hamwechi nenyu. ³ Alakini batu baganine, Gogwe ushitobowa hambuga; bululi tubesina, bashitumona beswe uba atu; nambo tubewa bamwe betu, bashitumona uba atu; alakini gogwe uli msoga uhima batu uki umi hawingi hetu beswe; wa bibyo bino bilingye ushame lumima yulu ya utuwatilicha uhuma u mbuga. ⁴ Oolo gubasambile byine bili bisoga uhuma u meeso menyu noo byandigila. Haho oolo gugimanine mibamba mwa limbwa, na babo batu bagile uhuma u ma uki mabo na u ma sambi mabo. ⁵ Oolo gubasambile ba Yoabu na Abishai na Itai, ugana, Mmitilwe guya mmwalubaga, Absalomu, wa uhola na wa yulu yanyi. Nabo batu bose bahauliche, oolo helibalagile baata ba basolokoto bose mwano gwa Absalomu. ⁶ Bibyo batu bagile mgalayulu ya ulwa na Isilaeli; na bita bichwilile mnda isowa ya Eflaimu. ⁷ Batu ba Isilaeli balwilwe, uya u mbele wa bagichi ba Daudi, ubele na buhaganyi bwata uya luya lusugu, lwa batu uki maumi mopi. ⁸ Bululi bita bidagalele uya hegulu ha yenyi yose ya sii; na luya lusugu iya isowa lile batu beengi uhima baya bene balilwe na ahilu. ⁹ Na wa mwando Absalomu gusambanine na bagichi ba Daudi. Nage Absalomu gubele mchine nyumbu (nyama gyubuswa na falasi napunda chibeundana) guhitile ha matabi ma mata ma misese gwa gwata, na mswe gwage guhegamanine mnda gugo msee, gudandulwe hawingi ha gulu na sii; nagiya nyumbu gyelibele mchine gigile u mbele. ¹⁰ Bibyo gumwe mtu gumonine biya, gugile umsambila Yoabu, guganine, Loola, nene nammona Absalomu gwasundiwa u msese. ¹¹ Nage Yoabu gumsambile guya mtu mine gummele mwano, Wi wii! Gogwe wamona bibyo; Yulu yao, haho, umsamchuba ata songo hokahaho? Nene nabauha lusuu umi na mchingo. ¹² Guya mtu gumsambile Yoabu, ata nambo nabahewa lusuu uki mmuboo wanyi, ata bibyo nisaba golola uboo wanyi ubahegulu ha mwaana gwa oolo; yulu oolo mmatu mwetu guulagile gogwe, na Abishai na Itai, ugana Lingaminywe abisa mtu ge gese gashimmude guya mmwalubaga, Absalomu. ¹³ Na iyaka, nambo nabaitila mtima gwage wa buhulihuli; (hashi inywa yo yose inaoshiwa ubiswau mbele wa oolo); bibyo gogwe mine wabalibagula manyi. ¹⁴ Haho Yoabuguganine, Nishinaosha udogoma nobe bino. Guguhile tulumbungela tutatu mmuboo wage, gumsosile to Absalomu u mtima, gwilibele gwili na mwego m bwingi mwa maya matabi ma msese. ¹⁵ Hanyuma bawalubaga umi, bene bamswalile Yoabu tulumegela twage bamchunguluwe, bammulile Absalomu na ummage. ¹⁶ Hanyuma Yoabu gugilileasiba, bagiwile batu bose uhuma ubalaminina Baisilaeli; yulu Yoabu gubachibilebatu. ¹⁷ Nabo bamguhile Absalomu na umtela mnda iina ya yaata m'ya mmisowa, babiile mtala gwata gwa mawe hegulu hage; hanyuma Isilaeli yose basininemtu ge gese witula yage. ¹⁸ Gugo Absalomu hagwilibele na mwego gubele mmiguhe na uliginunina iyaihandayine ibele mmihongelela ya oolo, yulu guganine, Nene nishi na mwaana gwa kengelecho gya china lyanyi; guigitile iya ihanda wa china lyage gee mine nayo nuugiswa kengelecho gya isungaa ya Absalomu ndaa na lino m chuba. ¹⁹ Haho Ahimaasi, mwaana gwa Sadoki, guganine, Nagye abilo abisa, nagyumma oolo mwano, byaita Mlume umgiwidicha buubiwa buubi yulu ya amangu age. ²⁰ Yoabu gumsambile, Gogwe ushibi mlisambi gwa mwano lino, lunge lusugu wihila mwano; alakini lino ushihila mwano, yulu ya mwaana oolo gwaawa. ²¹ Haho Yoabu gumsambile gumwe Mkushi, Ugye umsambila oolo biya byawaona. Na guya Mkushi gugimanine u mbele wa Yoabu, na ugya abilo. ²² Haho Ahimaasi, mwaana gwa Sadoki, gumsambile Yoabu lwendo lwa bubili, Undeye, ibumbu ino, upe luhusa, nahinge abilo na nene unyuma wa guya Mkushi, Bibyo Yoabu guganine, Yulu yai gogwe ulihubenja uhinga abilo, mwananyi, yulu ushihewa ibya yulu ya gugo mwano gwine golihila? ²³ Guganine, Nangu uhoda, nihinga abilo ka. Gumsambile, Bino hingaga abilo. Haho Ahimaasi guhingile abilo, gugile ndila gya ibandabanda, gummitile guya Mkushi. ²⁴ Bibyo Daudi gubele mshame hawingi ha michango gibili; mlochi guchinine hegulu ha butato bwa guya mchango ndaa na wibambacha, guginunine meeso mage, gulolile, na ulola, mtu guli huchwa abilo gee buchima. ²⁵ Mlochi gulilile, gumsambile oolo. Nage oologuganine, Nambo guli gee buchima, guli na mwano mnda anywa age.Guchwile abilo, guhiile. ²⁶ Hanyuma guya mlochi gumonine gunge mtu guluhuhinga abilo; mlochi gugitile mtu guugimana umchango, guganine, Lingamina, gunge mtu gulihuchwa abilo gee buchima. Oolo guganine, gugo nage gulihulusha mwano. ²⁷ Na guya mlochi guganine, Byandihumona nene, uhinga abilo wa guya gwamtangi m hyuhinga abilo a Ahimaasi, mwaana gwa Sadoki. Nage oolo guganine, Gugo m mtu misa, gulihuchwa na mwano gwa gusoga. ²⁸ Ahimaasi guginune liidi lyage, gumsambile oolo, Talala. Guginamine u mbele wa oolo yenyi hasi, guganine,Gatonywe Mlume, Abetcha obe, mine guhuminye batu baya bene baginune maboo mabo hegulu ha mlumyanyi, oolo. ²⁹ Oolo gubudiche, Wi wii! guya mmwalubaga, Absalomu, guli kolongecho? Ahimaasi gugaile, Yoabu helipilile nene mgichi gwa oolo, nene mgichi gobe, nimonine lwindo lwata, alakini nishimanine ibalo yalo. ³⁰ Nage oolo guganine, Galuwa, ugimane hano. Haho Ahimaasi Gugaluwile, gugimanine. ³¹ Na loola, guya Mkushi guhiile, Mkushi guganine, Nina mwano gwa mlumyanyi oolo; yulu Mlume lino gwugiwidicha buubi wa buubi hegulu ha babo bose bene baginuwile ulwa nobe. ³² Nage oolo gumsmbile guya Mushi, Guya mwalubaga, Absalomu, Wi wii! Guli kolongecho? Guya Mkushi gugaile, Tumangu twa mlumyanyi oolo, na bose bene baliginune yulu ya uususula, na baabe nahi bili guya mmwalubaga. ³³ Nage oolo gususuwe abisa, guselile hegulu, gugingile iya yumba yineibele hegulu ha mchango, gulilile; na na hugyata wage guganine bino, Mwananyi Absalomu! Ee mwananyi! Mwananyi Absalomu! Byisuba lingye nene uuwa ha ihana yobe, Absalomu, mwananyi! mwananyi!