¹ Wa hima bibyo Ahithofeli gumsambile Absalomu, Ndeye nasobole batu uki umi na chibili, nene nigya namlanaDaudi buno busugu; ² Nene nimsumbilile mengo mebi meliima, na maboo mage hamilebela, nene nimsabutula; na batu baose bene bele nabo bisina; nene nilwa na oolo gee buchima. ³ na baya batu bose nibagiwicha oli; nababo batu bose nibagiwicha oli nahi mmachi walwa wa mlumyage; ndaa na byabigila bose; na bibto batu bose babi na talala. ⁴ Lilyo lango libele lisogo u meeso ma Absalomu, na u meeso ma miungu gyose gya Isilaeli. ⁵ Haho Absalomu giganine, Bino, mgiswe Hushai, Mwalki, nage, tummuliche byelidogoma gee nage. ⁶ Bibyo Hushai helihiileuli Absalomu, Absalomu gumsambile guganine, Ahithofeli gwagana bino; wi wii! Tuite nahi byagagana? Nambo bishi bibyo, dogoma inywa yobe. ⁷ Husahai gumsambile Absalomu, lili lango lyine lyagana Ahithofeli lishi lisoga meno mengo. ⁸ Hushai gugililile ugana, Umgidi sobe na batu bage, ugana m batu bilume pambwa babo, nabo bali na usuma mnda mtima gyabo, nahi lwili lwinenlusapilwe baana bage mgala; iyaka sobe m mtu gwa bita, gushilala hamwechi na batu bage. ⁹ Lingamina, bino gwabiswa mnda ina, ao hange ho hose; hanyuma bibi, habigwa bamwe babo utula ka, mtu ge gese helihulicha ugana, hali ushinja u batu bene bali bahulichanye na Absalomu. ¹⁰ Haho ata gee mine guli ilume pambwa, mine guli na mtima nahi mtima gwa tambwe, gubi nayuuda abisa; bululi Isilaeli yose bagidi ugana sobe m yilume pambwa, na wa uga a batu baya bele nabo hamwechi m bilume pambwa. ¹¹ Wa bibyo lango lyanyi m lino; Baisilaeli bose utula Danindaa na Beel-sheba basumbile oli, nahi isee ya bahali wa bwingi; na gogwe mine ugye u bita. ¹² Bibyo twihiya o ose wine welimoneya, na umgwila nahi biya iime byaisunowa hegulu ha bitete; na tushishiga ata gumwechi gwabo, gee na batu base bene beli hamwechi nage. ¹³ Iyaka, uba nambo gulimlibise mnd mbuga gyo gyose, Bino Isilaeli yose bilusha migichi, na ugigila giya mbuga, na beswe twigibula ndaa na u luudi, na lishimoneya uya liwe lya licho licho lya mawe mage. ¹⁴ Nage Absalomu nabatu boe ba Isilaeli baganine, Lango lya Hushai, Mwalki, m lisoga uhima lango lya Ahithofeli. Bululi Mlume gubele na malanga ma unoga lango lisoga lya Ahithofeli, yulu Mlume galushe bisone hegulu ha Absalomu. ¹⁵ Bibyo Hushai gumsambile Sadoki na Abiathali, bibuli, Ahithofeli gwamma Absalomu namiungu gya Isilaeli lango lya mioga giingi; na nene nahana lango lya mioga giingi. Bino hano m'behila mwano aboli uli Daudi ugana, Ushilachi buno busugu u byabu byose bya mgala; na ushihulwe udabuwa; oolo gashichwe uminywa, hamwechi na btu bose bene beli nabo. ¹⁷ Bibyo Yonathani na Ahimaasi bene bashame hoka na Enlogeli; na mgichi gwa mmachana mine gubele hugya ubaha mwano; nabo nuugya umsambile oolo Daudi; yulu bibele gigumu umoneya balihugingila m mbuga. ¹⁸ Alakini mmwalubaga gumwechigubaminine, gumsambile Absalomu; bibyo bagile bose babili wa abilo, bahiile Bahulimu, u ndu gya mtu mine gubele na mluba mnda mgumbu gwage; basalile mnda mwago. ¹⁹ Na mmachana guguhile yuwila nuuwila hundu lya guya mloba, guganyile ngano cha chisubwe hegulu hago; nahashimanyiye inywa yo yose. ²⁰ Nabo bagichi ba Absalomu bagileuli guya mmachana m'ya mndu; baganine, Bali uhi Yonathani na Ahimaasi? Guya mmachana gubsambile, Badabuwa luudi. Bibyo habahwile ubaenga bashibamonine, bagiwile Yelusalemu. ²¹ Hanyuma bibele, ha ugiwila wabo, baya bahumine mnda mluba, bagile na umsambila Daudi; bamsambile Daudi, Chuwa, udabuwe mano maadi abilo; yulu noo bihahehe Ahithofeli lango yulu yenyu. ²² Bibyo Daudi nabatu base bene babele hamwechi nage, bachuwile, badabwile Yolodani; na habuyele hashishigele ata gumwe gwabo mine gushidabuwile Yolodani. ²³ Nage Ahithofeli helimonine ugana lango lyage lishilaminywe, gugandile punda gyage, guchuwile gugiile u ndu gyage, m mbuga gyage, gugilongiche ndu gyage, gulisundiye; guwile, guchiilwe mnda abuli a ndu gya sage. ²⁴ Bibyo Daudi guhiile Mahanaimu. Nage Absalomu gudabwile Yolodani gee na batu bose ba Isilaeli hamwechi nage. ²⁵ Nage Absalomu gum'biile Amasa gabe hegulu ha basolokoto ha ihana ya Yoabu. Bibyo gugo Amasa gubele mwaana gwa mtu, china lyage Yetheli. Mmishimaeli, mine gugingile wa Abigali, msiha gwa Nahashi, mshiwabo na Seluya, mnage na Yoabu. ²⁶ Isilaeli na Absalomu bagimiile bushamo uya mnda sii gya Gilgali. ²⁷ Bibele, Daudi halihiile Mahanaimu, Shobi, mwaana gwa Nahashi gwa Laba, gwa baana baAmoni. na Makili, mwaana gwa Amieli gwa Lo-debali, na Balzilai, Mgileadi gwa Logelimu, ²⁸ Balushishe byaata, na bilego, na ngeso, na mipunga, na mtama na buusu, na isaa ya iange, na aunde-unde, na biboga, ²⁹ na bui, na mabele ma maganju, na myoo, na mauta manyama muuhila, yulu baaye Daudi na bato belibele nabo hamwechi nage; bululi baganine, Bano batu balihumona ndala, iyaka bali baimu, nabo bali na yuuma ya mgala mwabachwa