¹ Na wa bibyo, ueta ikolo wa hamwechi, tuhumpembelecha benywe mushipokele keene cha Abetcha bunene. ² Yulu kuhukana, "mengo malimla kitabichiwe nibale meeso hululu wenyu. Na maya masuku muhona,nibasaeleche." Impelola mmane mmasuku mamweko. ³ Tushihubiya liwe lyu uchibila hambele ha mtu kekese, tushihutakila ikilo kwetu kushibe na punda kibe. ⁴ Hanyuma hake, byelingye benywebe ene wa bikilanywa byenyu byose, wa bibyo twibakichi ba Abetcha. Twe bakiichi bake wingi waustahimilwa asusu, ukumu wa mweko. ⁵ Uhulwa, bihambo, itodo, waita ikilo wa uomenyenya. Yulu ya uhula tulo impusuku wandala. ⁶ Wa buhaha, waluengu, ulitoleha, ubenda, yulu ya itima kwa kuhaha. waluundo lwa lwinene. ⁷ Tubakichi bake inda ilandu kwa keene wa uoma wa Abetcha. Tuna m'kwikya kiiene wa yulu ya uboo wa ulume na wa uwachi. ⁸ Tuhueta ikilowa anyemu na waumenunwa, udokomenywa bibe na udokome binywa bibenju, nabe bene balihubicha na mengo tulibakiiene. ⁹ Tuhueta ikilo nahe tushibamanyie na bibyo tulibamanyiwe bibenju, tuhueta ikilo nahe benebawelena. Ulala! Bibyo twele na mweko, tuhueta ikilo nahe tulihuhula yulu ya bikilanywa buetu ishi yulu tuononywe na uwa. ¹⁰ Luhueta, kilo nahetuna sungu. Bibyo masuku mose ihyaka saso tuhueta ikilo nahe bashikana, beswe tuhubaha bumona bengi. tulihueta ikilo nahe tushihupata itu bibyo tulihuhyilela byose. ¹¹ Tulihuhana keene kyose wenyu. Bakolintu, na mtima kyenu kihubukulwa wa uhonga. ¹² Mitima kyenyu kishihuchibilwa na beswe, bibyo muhuchibilwa na utaka wenyu benywe beene. ¹³ Yulu yu ukalaliana wa kiine nihulisamba nahe wa baana. Mubukule mitima kyenyu wa ihana. ¹⁴ Mushihambwe hamwechi na bashihuwasha, yulu haliuhulicha nae hawingiha kiene na uhanya? Hali uhulichana nae wa bwingi halwenge na ito? ¹⁵ Yu uhulichana nae klisto kahulina na beliari? ao kwa pwashe kuli na ebanae nakuya kushii pwashe? ¹⁶ Uliuhulichana nae byene byi habwingi ha ihwelo ya Abetcha na lwa mushi bululi beswe twe lubunga lwa Abetcha mmine kule na mweko, nahebiya Abetcha byeliikane: "Nishama hawingi habo na ukyata hawengi habo, niba Abetcha abo nabo biba batu banyi." ¹⁷ Wa bibyo, Humwake hawingi habo, mushilungwe nabo, kwa kana ilumietu." mushiude itu ya iyo, niima alibu benywe. ¹⁸ Niiba senyu, na benywe mwiba baana banyi babalumiana na baba achana, kwa kana ilumientu dambe kwa injukilili.