¹ kuhukuna Mlume mine kulu .Bibyo, bashiwetu wa yulu tuna alako haho na tule hahache mitema kyetu wa ndoka hose wa mpelee na mitema, tuweleleche buhaha hawingi ho uwasha Abetcha. ² Mutuhe ihana hu mitima kyenyu , tushibasape ntu yoyose , wala nduu kya ntu , wala umambela ntu . ³ Nishi hudogoma iyo inywa yulu nammonone benywe huba na abachi, bululi nabangwa nakanina benywe muli u mikongo kyetuhata uuwa hamwechi na ushama hamwechi. ⁴ Nina uoma uwingi wenyu ; nomana ubenda waata yulu yenyu .nakiluchiwa utolelechwa yulu yaasusu enyu hose nina saso uheta uhima byose. ⁵ Bululi ha tuhile Makedonia mibele kyetu kishi kilehochi ; tutolelechiwe hose; hambuka habele na bita nda booba. ⁶ Abetcha kemine kutolelecha ba ulisacha, kututoleleche wa uehwa wake Tito. ⁷ Wala hushi uchwa wake tu, wa uya hulolechwa wehelelechwe weto, kutosambele mwano kwa hamu lyenyu na ulela wenyu na ukelelela wenu wa yulu yanyi , haho ikelele huba na saso. ⁸ Wa yulu nene nechikeleche wa okolo kuya, nishi huchikelelwa; hata nambo nichiklelwe ;namona ukana kolo kuya kwichikeleche , enangwa we ihindi hicho. Bino nina saso, hishi yulu ya benywe huchikelelwa bululi mule bachekelelwa na ulibecha . Bululi muli bachikelechwe yulu ya Abetcha. Yulu mushiciminye inywa ya ituu yoyosel. ¹⁰ Bululi uchikelelwa huli yulu ya Abetcha , uhwita ulisacha wa uhona . Hushi wa uchikelelwa; bululi sungu cha mkala chi uhuita luubu. ¹¹ Bino mulole uchikelelwa hubo hele wa yuluya Abetcha, kulehukelela nahe ehee nda mwenyu, bibyo na holedogomena bibyo, na uchikelelwa na iduba na ebanja habisa , bibyo na ulikimanina, bibyona ulitolelecha ' wakela ndela mwalimonyesha benywe bene huba mwe bahaha wa eyoo. ¹² Hata nambo namkolela , nasa kolela yulu yakuya kule utuhana hishi yulu yake koya mine kwatuhiwa. Ukelelelwa wenyu yeto upatwe wenyu humbele wa Abetcha. ¹³ Wa bibyo twa tolelechwa . Eyaka wa uyo utolelechwa wetutwaselela uheta ulechebela wa bululi lya saso lya Tito; ¹⁴ Bululi mtema kwake kuna saso na benywe bose. Wa bibyo ninahe nilihulitona humbele wakee wa eya enywa yose yulu yenyu, nasobangecha, nahe bya twesambele bikelanywa byose bya uwinene bibyo bibyo na ulitona wee Tito hubele winene. ¹⁵ Na ubenja wake wenyu husele wingi uheta ulechebela uhengeleche ehule yenyu benywe bose,nahe bya mmele alebo weduba nudanda. ¹⁶ Nele nasasowa yulu ya eya enywa nena mtema kwata yulu yenyu.