¹ Bululi twamona hukana lino lema lya tohoshama tule mmebalo yene yeoloka tule na ndu uhumawa Abetcha , nduu kya milumbu hekulu, kishi kikubawe wa maboo ma bato. ² Mano mengo twasomwa tule hubenja uchiwa ushama wetu wa hekulu. ³ Namboo twahuchiwa tushimoneye eyaka tule buchi. ⁴ Tule hushama mhema leno tule husumwa na mhelelwa ,tushi hubenja ushama ata na esanjwa bibyo tuhubenjwa uchiwa mashamo metu ma hekulu yulu ya eya ya owaa iminywe na mweko. ⁵ Abetcha no mine kwetubongya wa yulu ya he , nake kwetuha mtema kwake mzamana , utubangeseya ubikokobyechwa hanyuma. ⁶ Wa bibyotule na uhoma wata. Tuhumana mengo tule wampele kuno wamengo tule na uhoma , tuhumana mengoma kule wampele kuno,tulikona nduu kyaMlume. ⁷ Tuhushama uwasha nauhushumona. ⁸ Nakana tule na bumona bisiba bibenju uleya bya mpele kuno tushame nduu mwa Mlume. ⁹ Kwa eyo namboo tule ndookwa mpele kuno ao twekoo nakoo utaka wetu yu mpenja Mlume. ¹⁰ Bululi beswe bose byuhubenja tukimane humbele wa iyoma ya asusu wa Klisto. Na gegese gumwe huhewa ubenda ao bibe nahe bikelanywa byake hebele ha mpele. ¹¹ Wabibyo tubemana bwa wenene wa uwasha Mlume ahutonda hubula bato. Tubabululwe humbele wa Abetcha na nene nelehudakela huba twabakulwa u malanga metu biya. ¹² Tushi hulitonda waulibenja wetu eyaka,wabibyo tuhubenja umima ehana mushi litone yulu yetu yulu muoshe ubakaa babo bene balihuletona u bikoko biya byumoneya hamuna ha byene bele mtema. ¹³ Bululi namboolweni lwetu ulukulubu, wa yulu ya Abetcha ; Namboo tule na lwenyi lwetu lwa lululibu iyulu yenyu. ¹⁴ Bululi ubenja waKlisto utulonga tuwashe ukana ku mwechi kuwile wa yulu ya bose bawile bose. ¹⁵ Nake kuwile yulu ya bose bibyo bose bene hushama bashishame eyaka yulu yabobo bene, namboo wa yulu yake koya kuhwile na uchwa yulu yabo. ¹⁶ Bululi tushi hulola ntu gegese wa impele, enangwa haya ha mwanjo tumlolile Klisto wa impele tushi humlola eyaka. ¹⁷ Wa bibyo kabeba ndaa mwa Klisto kusele mpaswe mmyaa ya alaa yaheta ubelola biya byuhiya. Bino byose byahuma wa Abetcha mine wa ohima lya Yesu Klisto kwele utusumbya ke ine, na utuha mkilo kwa husabana. ¹⁹ Nndaa mwa KlistoAbetcha kulungiche hebalo na kemine kushihubabala bato bube bwabo nake kwatuha enywaenoo yahulichana. ²⁰ Wa bibyo beswebatumwa ba Klisto Abetcha kwatuhilila beswe, ubabembeleche benywe na beswe tuhumpembelecha benywe wa yulu ya Klisto Muhwiliche na Abetcha. ²¹ Abetcha kummishile kee kushiishile bobe, kabena bobee wa yulu ya ndaa mwage tuhewe keene cha Abetcha.