¹ Wa bibyo, tubeba na mkilo wa kiine kya Abetcha Pungu, tushi lebela. ² Nambo twahanya lubisakolo na bombuchu, tushihukya nntela kya ubikiwa, wala tushihukya mibamba mwa Nnando kwa Abetcha Pungu, twalemonya uba nawenene, wa malanga ma bato male hutubangeseya umbele wa Abetcha. ³ Haho, nambo mwano kwa mweko kwetu kwa biswa, wababo babachimine , ⁴ Yulu yabo ndaa mwabo abetcha a ebalo eno, kwabeya ntoo ubene bashibalama binywa bya Klisto mine kuna yenyi ya Abetcha. ⁵ Yulu ya bibyo, tushihulesamba beswe bene ila Klisto Yesu no Mlume kwetu na beswe twe bagelwa benyu yulu ya Yesu. ⁶ Haho Abetcha gweganine lwenge lwemonya humaa ntoo, nogee kwemoneya ndaa mitema kyetu , katuhe lwenge lwa luengu lwa buhaha bwa Abetcha ndaa mwa yenyi ya Yesu Klisto. ⁷ Na wabibyo, tuena akiba ao ndaa mwa byomboo bya bitete, yulu ya umonya mamulaka ma uhuma wa Abetcha Mpungu bila uhuma watule. ⁸ Uheyeelelwa ngube chose natushi bahinywe, tuhumona malanga maboba na tushi na ubenja wa ubula abisa. ⁹ Twasusua na twasashigwa buchima, twatelwa hasii na twasashigwa. ¹⁰ Tuihuguha nnda mwa mpili kwetu uwa wa Yesu mengo mose yulu ya mwego kwa Yesu gushame humonea nda mwa mibili kyetu. ¹¹ Bululi beswe Bali na mwego, mwego kwetu guli nnda adali alubu mengo mose yulu ya Yesu na mwego kwage guoshe humonea nndaa mibilii kyietu kya kiube. ¹² Wa bibyo, lubu lwehutulonda mengo mose na mwego kulihugela mkilo nndaa mwetu. ¹³ Mikoolo gyihudogoma, niwashiche wabibyo ni hudogoma. ¹⁴ Bululii twigidee ugana kwipwilile Mlume Yesu kwitubwila na beswe hamwechi na Yesu. Naa utuhiyicha na benywe mbele gyage. ¹⁵ Bino byose iiyulu yenyuu, na wauhitela kene cha Abetcha mwichiba hiila batu bengi abisa, Bose bagane buswachi bwa kuhaha lwa Abetcha Pungu. ¹⁶ Wabibyo, tushihunya kudagelo ata mibiili kyetu kya hunyunyuma buntu bwetu bwa nndaa buhuiswa buhya sugu chose. ¹⁷ Bululi bwa ususua wetu, uhuhu wene wa mengo maswihu ,uhutuletela buhaha bwa milumbu buli hubulaa uhita ususua uya. ¹⁸ Yulu tushihulala, bitundu byene byatuhuma na wa bitundu byene byatuhuma humona; Yulu ya bitundu biene byie humonea, ibya mengo mose , na bitundu biene bishi humonea ibya milumbu.