¹ Bibyo habele na gumwe mtu gwa Benyamini, china lyage gugitilwe Kishi, mwaana gwa Abieli, mwaana gwa Seloli, mwaana gwa Bekolathi, mwaana Afia, mwaana gwa M'benyamini, mtu ilume pambwa, gwa uoma wingi. ² Nage gubele na mwaana, china lyage Sauli, mmwalubaga, iyaka hungwe; na ata hawingi ha baana ba Isilaeli hashibele mtu hungwe ummita ge; utulamaombe mage ugya hegulu gubele mlahu uhima batu bose. ³ Napunda cha Kishi, sage na Sauli, cibele chichiminyu. Kishi gumsambile Sauli mwanage, Bino, hano, uguhe mgichi gumwechi hamwechi nobe, uchuwe, ugye naenge chiya punda. ⁴ Nage gugile na uhita hawingi ha sii gya tubandagulu twa Eflaimu, guhitile na hawingi ha sili gya Shalisha, alakini bashichiminine; hanyumabahitilehawingi ha sii gya Shaalimu, ata na uya bashichimonine; bahitile hawibgi ha sii gya Babenyamini, alakini bashibapashile. ⁵ Ndaa na byabahiile sii gya Sufu, Sauli gumsambile guya mgichi gweligile nage, Bino tubegiwila, tata gashichwe uleya ulanga mwano gwa punda na utula utulanga beswe. ⁶ Nage mgichi gumsambile, Loola, mnda gino mbuga muli mtu gwa Abetcha, nage m mtu gusunyemiwa abisa; byose byesugana bisuwilila winene; bino tugye uya; hange gee gwiosha utusambila mwano gwa lwendo lwatuli hugila. ⁷ Bibyo Sauli gumsambile guya mgichi gwage, Alakini lingamina, nambo tubegya, twimsalila guya mtu ibya nai? Bululi biliwa byahuhwa m'bibiilo byetu, na hashi mmaso gwa umswalila mtu gwa Abetcha; beswe tuli nai? ⁸ Guya mgichi gumgaile Sauli, guganine, Loola, mmboo wanyi nili na ichechi ya tubatu ya shekeli gya lusuu; nimma guya mtu gwa Abetcha luno lusuu, gatusambile ndila gyatwigila. ⁹ Haya haala mnda Isilaeli, mtu helibele hugya ubucha inywa wa Abetcha, gubele hugana bino, Bino, tugye wa mmonyi; bululi mtu mine gulihugiswa bino Mbuwa haya haala gugitilwe Mmonyi. ¹⁰ Haho Sauli gumsambile, mgichi gwage, Wadogoma bisoga; bino, Tubagya. Bagige u giya mbuga gibelemo mtu gwa Abetcha. ¹¹ Biya habagimene ugya mmbuga, basambanine na bawamisiha balihuhuma utaha maadi; bababudiche, Wi wii! Mmonyi guli ho? ¹² Nabo babagaile, baganine, Guli ho; loolwe, guli uya umbele obe; iswe abilo abisa, bululi binolino gwachwa mmbuga; bululi batu bali na nyama cha lutangi lino wihana ya hegulu; ¹³ hamwigingila mmbuga ka, haho mwimmona, hambele gushinagya wihana ya hegulu ugyuyailiwa; yulu, batu bashiya ndaa nage gyelichwa; bululi gee noo gwitangila lutangi lwa nyama; hanyuma babo batu bene bagitilwe noo habiya. Bino, giiwe abilo; yulu mano noo mengo mamwimmona. ¹⁴ Nabo baselile ugya mmbuga; nabo bilibele hugungila mmbuga, loola, Samwele gubatobwele, gulihugya wihana ya hegulu. ¹⁵ Haho Mlume gusibele gwahummununila Samwele, lusugu lumwechi hambele ha Sauli gushinamgila, guganine, ¹⁶ Mmeshi gwage, mengo naho mano, niulushisha mtu uhuma sii gya Benyamini, gogwe ushinye mauta yulu gabe mmata hegulu ha batu banyi Isilaeli, nage gwibahogonona batu banyi na maboo ma Bafilisti; bululi nibalingamina batu banyi, wa ibalo lilo lyabo lyapyiila. ¹⁷ Haya Samwele helimmonine Sauli, Mlume gumsambile, Gugu noo gwandusambila mwano gwge; Gugu noo gwibahyilila batu banyi. ¹⁸ Bibyo Sauli gumshenene Samwele u limbwa, guganine, Ibumbu ino, usambile, ndu gya mmonyi gili uhi? ¹⁹ Samwele gumgaile Sauli, guganine, Nene noo mmonyi; ubangwe hambele hanyi wasele haihana ya hegulu, bululi mwiya hamwechi nanyi lino; hanyuma, halwelo niuleya waligile lobe, nene niusambila byose byine byoli nabyo mnda mtima gobe. ²⁰ Na chiya punda chobe chine chichimine ha manomasugu matatu, ushilidegye yulu yacho; bululi chahuhwa umoneya. Na byose byine bisimbilwe mnda Isilaeli byabiilwa nanyi? Gushi gogwe, na ndu gyose gya sobe? ²¹ Haho Sauli gugaile, guganine, Wi wii! Nene nili M'benyamini, mtu gwa ibushi ya icho icho uhima bibushi byose bya Isilaeli? Na ilongo yanyi nayo noo icho icho uhima bilongo byose bya ibushi ya Benyamini? Yulu yai usambila bibyo? ²² Nage Samwele gumguhile Sauli na mgichi gwage, gubahyiche balacha, gubashaminye ihana ya bunyemu hawingi ha batu bene bagitilwe, nabo lubalo lwabo babele nahi batu maumi matatu. ²³ Samwele gumsambile mmiyi, Lusha iya ihindi yanduha, iya yandusambila, uibiye pembe. ²⁴ Haho mmiyi gughile ilimbago, na nyama gyine gibele hegulu hayo, guibiile u mbele wa Sauli, Samwele guganine, Yine ibiilwe pembe noo iyo! Ibiye u mbele ube ubaiya, wa ibao wabiilwa bibyo gogwe ndaa namengo mene maganinywe, yulu nignine, Nibagitile batu. Haho Sauli gulile hamwechi na Samwele lulo lusugu. ²⁵ Haya habahwile uhuma iya ihana ya hegulu na uhiya mmbuga, gugombole na Sauli u bitato. ²⁶ Nabo babyuwila halwelo pee; hanyuma habele, habuyele, Samwele gumgitile Sauli uya ubitato, guganine, Gimana, nuuhile wenyu. Haho Sauli gugimanine, nabo batobowile bose babili, gee na Samwele. ²⁷ Haya hebabele husala wisula ya mbuga, Samwele gumsambile Sauli, Msambile mgichi gobe gabangwe, (nage gubangilwe), bino gogwe gimana hano, yulu nuusambile inywa ya Abetcha.