¹ Mengo masibele Samwele mmulu gubaitile baana bage uba tululiya twa Isilaeli. ² Na china lya mwanage gwa bubele gugitilwe Yoeli; na chinalya mwanage gwa bubili Abiya; bbele tululiya uya Beel-sheba. ³ Alakini baana bage bashigyatile mnda madila mage, bibyo bamaleile, yulu baengile alambwe; bagaile bugeda milomo, na uhugulula uonona. ⁴ Bibyo miumgu gyose gya Isilaeli gisumbile hamwechi, bagileuli Samweleuya Lama; ⁵ Bamsambile, Lingamina, gogwe usili mmosu; na baana bobe bashihugyata mnda madila mobe; bino, utuitile oolo lyatululiye, oolo lya mioga gyose. ⁶ Alakini iyo inywa ibele isone m matu ma Samwele, habadogomine, Tuhe oolo litululiye, Nage Smawele gumsabile Mlume. ⁷ Mlume gumsambile Samwele, Uhuliche madi ma babo batu mnda binywa byose byine byabiusambila; bululi busuhanya gogwe, bapanya nene, yulu nashibe oolo hegulu habo. ⁸ Wa lulingo lwa bigilanywa byose byabangilile luya lusugu handibahuminye mnda sii gya Misili ndaa na lino, wa uushiga nene, na wa ugilila tunge tubetcha migilo, noo byabuitila na gogwe. ⁹ Bino hano, uhuliche madi mabo; alakini ubalangulule abisa, na ubamonya mishaminyi gya oolo lyine lyibahyilila. ¹⁰ Nage Samwele gubasambile baya batu bene basimbile oolo binywa byose bya Mlume. ¹¹ Guganine, Oolo lyine lyimyilila benywe libi na gino mishaminyi; lyiguha baana benyu naubabya wage, wa tubilibili twage, na uba bachinyi ba falasi chage; nabo bihinga abilo u mbele wa tubilibili twage. ¹² Nage gwibabiya wage uba mmata gwa basolokoto hegulu ha uki, na baata hegulu ha maumi matano; nabange gwibwbiyabaabe balimi ba lubala lwage, na usola bisolaganywa byage, na ulongya tulume gela twage twa bita, na bibya bya tubilibili twage. ¹³ Na bawamisiha benyu gwibaguha ubabatu ba ulongya malashi, na bahii, na bachechiba mikati. ¹⁴ Gwiguha bibenga byenyu na mabala menyu ma mizabibu, na ma mizeituni maya mene mali masoga abisa, yulu gabahe bagichi bage. ¹⁵ Nage gwimsaba mbuli cha biguma byenyu bya mizabibu gyenyu, gaabahe baata ba basolokoto bage, na bagichi bage. ¹⁶ Gwimsapa bagichi benyu na bagichi benyu ba baachana, na ng'ombe chenyu cha chinagu abisa, napunda chenyu, nage gwim'biya mnda migilo gyage. ¹⁷ Gwimlipisha imwechi ya umi ya bisuganywa byenyu; na benywe mubi bacha bage. ¹⁸ Benywe mwilila yulu ya oolo lyenyu lyine lyamusobole benywe bene, Mlume gushimmulicha luya lusugu. ¹⁹ Alakini babo batu bahaninye uhulicha liidi lya Samwele, Bishi bibyo, alakini tulihusimba uba na oolo lyetu ka; ²⁰ yulu na beswe tuhwanane na ginge mioga gyose; iyaka gabehugya hambele hetu na ulwa bita byetu. ²¹ Samwele guhuliche binywa byose bya batu, gubidogomine u matu ma Mlume. ²² Mlume gumsambile Samwele, Uhuliche madi mabo, ubaitile oolo. Hanyuma Samwele gubasambile batu ba Isilaeli, Giwe mtu ge gese u mbuga gyage.