¹ Na baya batu ba Kiliath-yealimu bachwile, baliguhile lindo lya Mlume, balihyiche mndu gya Abinadabu uya u loono, nabo bambagule Eleazali, mwanage, yulu galiuse lindo. ² Bibele, utula luya lusugu lwine lindo halishamine uya Kiliath-yealimu hahitile mengo mengi abisa; yulu mebelemengo ma myaa maumi mabili; na ndu gyose gya Isilaeli gimlilile Mlume. ³ Haho Samwele gubasambile ndu gyose gya Isiaeli, guganine, Nambo mwamgiwilila Mlume wa mitimagyenyu gyose, bino, tutelwe koo tunge tubetcha, namo Maashtolethi mahume wenyu, mumlongeche Mlume mitima gyenyu, mumgilile migilo gee buchima; nage gwimmogonona na maboo ma Bafilisti. ⁴ Haho baaba ba Isilaeli bahuminye Mabaali na Maashtolethi, bamgilile Mlume migilo gee buchima. ⁵ Samwele guganine, Basumbichiwe Baisilaeli bose uya Mispa, nene nimsabila wa Mlume. ⁶ Basumbile uya Mispa, batahile maadi na umahongolola u mbele wa Mlume; bahambile luya lusugu, baganine uya, Tuitile buubi wa Mlume. Samwele gubalulile batu ba Isilaeli uya Mispa. ⁷ Mengo Bafilisti habahuliche ugana baana ba Isilaeli basumbila uya Mispa, mashehe ma Bafilisti baselile yulu ya ulwa bita n baana ba Isilaeli. Nabo baana ba Isilaeli habahuliche babamonine booba Bafilisti. ⁸ Baana ba Isilaeli bamsambile Samwele, Ushileyeumlilila Mlume, Abetcha etu, yulu yetu, ugana gatuhogonone na maboo ma Bafilisti ⁹ Haho Samwele guguhile mmoo gwa mwaana gwa mchibe, gumtangile Mlume lutangi lwa uchigya gose gugima; Samwele gumlilile Mlume wa yulu ya Isilaeli; Mlume gumgitabiche Samwele. ¹⁰ Haya Samwele helibele hutngila lutangi lwa uchigya, Bafilisti bashenine yulu ya ulwa bita na Isilaeli; Alakini Mlume gutele mmukulo, lwindo lwata abisa, hegulu ha Bafilisti luyalusugu, gubadidibule; nabo bachimiwe u mbele wa Isilaeli. ¹¹ Nabo batu ba Isilaeli bahumine Mispa, babalamine Bafilisti, babahulile, ndaa nabyabahiile hasi ha Beth-kali. ¹² Bibyo Samwele guguhile liwe, na uligimiya hwingi ha Mispa na Sheni, guligitile china lyalyo Eben-ezeli, guganine, Ata na bino Mlume gwatuwatilicha. ¹³ Bibyo Bifilisti baisilwe, basioshiche iyaka ugingila u ng'umba cha Isilaeli; na uboo wa Mlume ubele hegulu ha Bafilisti masugu mose na Samwele. ¹⁴ Namo maya mabuga ma Bafilisti mene mabele basape Baisilaeli magiwichiwe iyaka wa Isilaeli, utula Ekloni ndaa na Gathi; na Baisilaeli bahogonone lugumba lwage m maboo ma Bafilisti. Iyaka bahele na talala hawingi ha Isilaeli na Baamoli. ¹⁵ Nage uya Samwele gubaluliye Isilaeli masugu mose ma mwego gwage. ¹⁶ Nage gubele hugya mwaa wa mwaa uchugnuluwa ndaa na Betheli, na Gilgali, na Mispa; gubalulilye Isilaeli bihana bibyo byose. ¹⁷ Na ugiwila wage ubele ndaa na Lama; yulu noo ubele ndu gyage; nao noo webele hubaluliila Baisilaeli; na uya gumgimyile Mlume Mutambikolo.