¹ Haho Samwele gughile mdibi gwa mauta, guhongolole mswe mwage, gummumbatile, guganine, Wi wii! Mlume gusubiya mauta [ube mmata hegulu ha batu bage Isilaeli? Gogwe wihyilila batu ba Mlume, naubahogonona na maboo ma tumangu twabo; hanyuma ha bino bibi bisaga oli wugana Mlume gushinya mauta]ube mmata hegulu ha buhyana bwage. ² Holihuma wanyi lino, wisambana na malumyana babili hoka na linda lya Laeli, u lugumba lwa Benyamini uya Selsa; nabo biusambila, chiya punda choligile naenga chimoneye; na loola, sobe guleile uengelecha mwano gwa punda, gusili huengelecha mwano gwenyu, gulihugana, Naite wi yulu ya mwananyi? ³ Hanyuma nigya u mbele uhuma haho, nauhiya wa mmonyi gwa Taboli, nahaya batu batatu bisambana nobe, balihusela na ugya uli Abetcha uya Betheli, gumwe guli mswale baana ba mabuchi batatu, na gunge guli mswale ibila ya ibugu; ⁴ nabo byutanya na uuha mikati gibili; gogwe gigigaa uhuma mmaboo mabo. ⁵ Hanyuma ha bibyo, wihiya Gibea gya Abetcha, haya hene hali bitundu byabo bya bita bya Bafilisti; hanyuma bibi, holihwa uhiya mmbuga, wisambana na ihichi ya bambuwa balihusalauhuma wihamaya hegulu, bali na milimbalimba, na ligimbi, na bihonde na shingo u mbele wabo, nano babi hubuwa; ⁶ na luhuda lwa Mlume lwiuchwila wa uoma, gogwe wibuwa hamwechi nabo. gogwe wigalulwa ube gunge mtu mshi-mshi. ⁷ Bibyo, haho bibyo bisaga habyuchila, waite nahi byolimona uba bisoga; bululi Abetcha ali hamwechi nobe. ⁸ Gogwe widanda u mbele wanyi ndaa na Gilgali; nene lingamina, niusalila uya, yulu ya utangila lutangi lwa uchigya, na ushinja lutangi lwa talala; wihemba masugu njwii, ndaa na byandiuchwila, na uumonya byulingye uita. ⁹ Haya, heligalwile ushigana na Samwele, Abetcha amgalule mtima; nabyo biya bisaga biwilile loka luya lusugu. ¹⁰ Bibyo, habahiile Gibea, loola, ihichi ya bambuwa basambanine nage; hanyuma luhuda lwa Abetcha lumchwilile wa uoma, nage gubuwile hamwechi nabo. ¹¹ Bibyo, bobe bene babele bammane hya haala habamonine iya ikoko, ugana, loola, gugu gulihubuwa hamwechi na bambuwa, haho batu badogomyenye, M'yii ino yam'bwata mbwana gwa Kishi? Wi wii! Sauli nage guli mmanga gwa bambuwa? ¹² Nage gugaile gumwe mtu gwa iyo ihana, guganine, Na sabo m nanyi? Wa bibyo gusibele mmingu, Wi wii! Sauli nage guli mmanga gwa bambuwa? ¹³ Nage helihwile ubuwa, guhahyile haya ha ihana yage ya hegulu. ¹⁴ Haho sage mnuna gum'budiche Sauli naguya mgichi gwage, Wi wii! Mugile uhi? Nage gugaile, Tugile yulu yuenga chiya punda; na hatumonine ugana chisamoneya, tugile uli Samwele. ¹⁵ Sage mnuna na Sauli guganine,Ibumbu ino, usambile, gugo Samwele gumsambile ii? ¹⁶ Alakini Sauli gumgaile sage mnuna, Gutusambile wa hululu ugama chiya punda chahuhwa umoneya, Alakini mwano gwa buolo, gwine gumsambila Samwele, gushilumbule gugo mwano. ¹⁷ Bibyo Samwele gusumbiche batu u mbele wa Mlume uya Mispa. ¹⁸ gubasambile baana ba Isilaeli, Mlume, Abetcha a Isilaeli, gwagana bino, Nimmuminye Isilaeli uhuma Misili, nenenimmogonone benywe na maboo ma Bamisili, na ma maoolo mose mene mammonene. ¹⁹ alakini lino mwam'benga Abetcha enyu, nage noo gusummonya mnda tuhunago twenyu tose na tususu twenyu; benywe mwamsambila, Ehe, alakini ubiye oolo lyabe hegulu hetu. Bino, hano, gimanywe u mbele wa Mlume, bibushi byenyu na ma uki menyu. ²⁰ Haho Samwele gulushishe bibushi byose bya Isilaeli hoka; na ibushi ya Benyamini iguhilwe. ²¹ Hanyuma gulushishe ibushi ya Benyamini hoka, ulamana na bilongo byabo; ilongo ya Bamatli iguhilwe. Gulushishe ilongo ya Bamatli hoka, mtu wa mtu; hanyuma Sauli, mwaana gwa Kishi, guguhilwe; alakini habammengile gushimoneye. ²² Bibyo bagililile um'bucha Mlume, Hali hashigachu mtu mine gushinachwa ka? Nage Mlume gubagaile, Loolwe, gwalibisa hawingi ha michigo. ²³ Bibyo bagile abilo bamlushishe uhuma uya; nage heligimanine hawingi ha batu, gubele mlahu uhima bato bose, utula maombe mage ugya hegulu. ²⁴ Samwele gubasambile batu bose, Mulihummona guno mtu mine gusobolwe na Mlume, yulu hashi mtu gulingilishiwa nage hawingi ha bato bose. Haho batu bose batele bigelegele, baganine, Oolo na gahame! ²⁵ Hanyuma Samwele gubasambile batu mishaminyi gya oolo, gugigolile mnda itabo, guibiileu mbelewa Mlume. Samwele gubasambile batu bose, bagye mtu ge gese u ndu gyage. ²⁶ Sauli nage gugile u ndu gyage uya Gibea; nahamwechi nage bagile ihichi ya batu, bene babele baudilwe mitima gyabo na Abetcha. ²⁷ Alakini bange bahugi baganine, Gugu wi wii! Gwituhogonona? Nabo bamnenune; bashimmele mmaso go gose.