¹ Bibyo, Daudi na batu bage basibele bahuhiya Siklagi lusugu lwa butatu, babo Baameleki babele husumbilila Negebu, na Siklagi, nabo bahugilwa Siklagi na ugichigya na aahya. ² nabo babawatile baachana kole miungu na tulela; bashibahagile bo bowe alakini babaguhile, nuugya lwabo. ³ Bibyo Daudi na batu bage habagihyili mbuga, loola, gibele gyahuchigiwa na aahya; baachi babo na baana babo, balumyana na baachana, baguhulwe kole. ⁴ Haho Daudi na batu bene babele hamwechi nage bagabuwile na madi mabo na ulila, ndaa na byabahulilwe uoma wa ulila iyaka. ⁵ Na babo baachi babili ba Daudi babele bawaswe kole, Ahinoamu gwa Yezleeli, na Abigaili, gubele mmachi gwa Nabali, gwa Kalmeli. ⁶ Nage Daudi gunogeye mtima abisa; yulu ya ibalo batu babele hugana gatewe mawe, bululi bichuli-chuli by mwego bya babo batu bachigililwe, mtu ge gese yulu ya mmwalubaga gwage na msiha gwage; lakini Daudi guliomenenye wa Mlume, Abetcha age. ⁷ Hanyuma Daudi gumsmbile Abiathali, ibuli, mwaana gwa Ahimeleki, Ibumbu ino, ndushishe hano iyo ichibabo ya ahwaba u yaali (efoto). Nage Abiathali gumlushishe Daudi iya ichibabo ya ahwaba u yaali. ⁸ Daudi gubudiche wa Mlume, guganine, Wi wii! Nabebalama bano basolokoto, nibawata? Nage gumgaile, Balame; bululi chigilwe na gogwe wibawata, na gogwe hange wibahogonona bose. ⁹ Bibyo Daudi gugile, gee na batu sambi mtuba bene babele hamwechi nage, nabo bahiile luudi Besoli, hene baya bene bashigilwe mnyuma bashamine. ¹⁰ Alakini Daudi gugililile ulama, gee na baya batu sambi china; yulu batu sambi chibili bashamine mnyuma, babele hoka na uchiminya lwenyi na bashioche uludabuwa luya luudi Besoli. ¹¹ Nabo bambangile Mmisili mlubala, bamlushishe wa Daudi, na umma iliwa, nage gulile; nabo bammele maadi ma uunywa. ¹² hanyuma bammele ihindi ya mkati gwa mabele, na buluba bubili bwa nolo; nage helihwile uuya mtima gwage gumgiwilile; yulu gushibele naya iliwa na unywa maadi, masugu matatu busugu na chuba. ¹³ Haho Daudi gum'budiche, Gogwe uli mtu gwa nanyi; nangogwe wahuma uhii? Nage guganine, Nene nili mmwalubaga gwa Misili, mcha gwa gumwe Mmameleki; mlumyanyi gushigile, yulu ya utuma masugu mano matatu niwatilwe ma lubaba. ¹⁴ Beswe tusumbilile Negebu gya Bakelethi, na gya bushamo bwa Yuda, na Negebu gya Kalebu; na gigyo mbuga gya Siklagi tugichigiche na aahya. ¹⁵ Daudi gumsambile, Wi wii! Gogwe wingolwela hasi ndaa na bayndihyila babo basolokoto? Nage guganine, Undahile pa wa Abetcha, ugana ushipaga, na ata umbiya mnda maboo ma gugo mlumyanyi, nene niugolwela hasi ndaa na byolihyila babo basolokoto. ¹⁶ Haya helibele hubagolela hasi, loola, baya bene babele basaliye sii gyose, balihuya na unywa, balihuita biliwa bya saso, wa ibalo ya chicho chiingi chabawatilemnda sii gya Bafilisti, na mnda sii gya Yuda. ¹⁷ Nage Daudi gubalwile utula ha ishi hita ya igolo ndaa na igolo ya lusugu lwa bubili; hashi mine guhogonowe, nambo bawalubaga sambi china bene bachinine ngamia na usina. ¹⁸ Daudi gubahogonone bose bene babele bawaswekole na Baameleki; nage Daudi guhugonone na baacha bage babili. ¹⁹ Na bashichiminyiwe na ibya, alela na mmosobu, bawalubaga ata misiha, uba kole na yo yose yine yabaliguhilebabo, Daudi gubigiwiche byose. ²⁰ Nage Daudibguguhile migoma gyose gya myoona gya ng'ombe, gyine gyabalombwele hambele ha nyama chiya chinge nyama, baganine, chino noo kole cha Daudi. ²¹ Hanyuma Daudi guhiile uli baya batu sambi chibili, bene basibele huenga uchiminya malanga, yulu bashioshiche umlama Daudi, baya babashigile bashame hoka na iya ichiba ya Besoli; nabo batobowile hambuga ugya umgaa Daudi, na ubagaa baya batu bene babele hamwechi nage, nage Daudi helibahyile bebo batu, gubataninye. ²² Bibyo batu basone na baya bahugi, hawingi ha baya bene bagile na Daudi, baganine, Bululi bano batu bashigile hamwechi netu, tushibaha ata ibya yo yose u chicho kole chatwawata iyaka, alakini mtu ge gese gwihewa mmachage na baana bage, babaguhe na ugya lwabo. ²³ Haho Daudi guganine, Pande! bashiwetu, mushiite bibyo u chicho kole chine chatuha Mlume, gee noo mine gwatuusa, gwababiya basolokoto mnda maboo metu baya basolokoto bene bachwile pinda piswa gyetu. ²⁴ Iyaka m nanyi mine gwimmulicha benywe yulu ya iyo ikoko? Bululi nahi bili mtala gwage guya mine gugileu bita, noo bibi mtala gwage guya mine gushamine hoka na bitundu; bigabulilwa lulingo lumwechi. ²⁵ Haho bibele bibyo utulaluya lusugu na uligilila; gubiile aya alago na ulaga wa Isilaeli ndaa na lino. ²⁶ Bibyo Daudi helihiile Siklagi, guhilile baulu ba Yuda, magenda mage, lubalo lwa kole, guganine, Lingaminywe, mmaso gwenyu mnda kole cha tumangu twa Mlume. ²⁷ noo, u baya ba Betheli, na baya ba Lamoth-Negebu, na wa baya ba Yatili; ²⁸ na wa baya ba Aloeli, na wa baya ba Sfmothi, na wa baya ba Eshtemoa; ²⁹ na wa baya ba Lakali, na wa babo ba mabuga ma Bayelameeli,na wa babo ba mabuga ma Bakeni; ³⁰ na wa babo ba Holma, na wababo ba Kolashani, na wa bao ba Athaki; ³¹ na wa babo ba Hebloni, na wa babo ba bihana byose byeliolobele Daudi gii mine ugya na batu bage.