¹ Haho Bafilisti balwile na Isilaeli; nabo batu ba Isilaeli basinine u mbele wa Bafilisti, bagwile bahagilwe u loono lwa Gilboa. ² Bafilisti bamlamine abisa Sauli na mwanage, Bafilisti babahagile Yonathani, na Abinadabu, na Malkishua, baana ba Sauli. ³ Iyaka bita bibele bigumu abisa yulu ya Sauli, na bashi ba maata bam'bangile; na gudidibuwe abisa yulu ya bashi ba maata. ⁴ Bibyo Sauli gumsambile guya guswala tulimegela twage, Hulula ahilu obe, unjube nao; bashichwe baba batu bene bashibagibe kumbi nunjuba, na ungilucha. Alakini gugo mswachi gwa tulule gela twage guhaninye; yulu bumonine anyemu engi abisa. Haho Sauli guguhile ahile age, guagwilile. ⁵ Na mswachi gwa tulume gele twage helimonine ugana Sauli gwahuwa, gee nage gugwilile ahilu age, guwile hamwechi nage. ⁶ Bibyo Sauli nuuwa, na baana bage batatu, na mswachi gwa tulumegela twage, na batu bage bose hamwechi loka lulo lusugu. ⁷ Hanyuma batu ba Isilaeli bene babele luubi lwa bubili lwa iya ihongelela, m'bwala mwa Yolodani, habamonine ugana batu ba Isilaeli balihusina, na wa ugana Sauli na baana bage bawa, bashigile mabuga mabo, basinine nabo, nabo Bafilistibagile balalile uya. ⁸ Na halusibele lusugu lwa bubili lwage, Bafilisti habagile ubawata kole bene bahagilwe, bammonine SAuli na baana bage batatu bali bagube hegulu h loono lwa Gilboa. ⁹ Bamgedile mswe, bamchulile tulume gela twage, bahilile batu mnda sii gya Bafilisti ngubi chose, yulu ya udagalacha mwano mmadu ma miishi gyabo, nuu batu. ¹⁰ Batubiile tulume gela twage mnda madu ma Maashtolethi; basundiye itimbigili yage hegulu ha ibambacha ya Beth-shani. ¹¹ Na bashami ba Yebesh-Gileadi habahuliche mwano gwage, nahi biya babo Bafilisti byabamgilile Sauli, ¹² bagimanine bilume pambwa byose, bagile busugu bose, baguhile m'bili gwage Sauli, na mibili gya baanabage, na uguhunya wibambachaya Betha-shani nabo bahiile Yabeshi, na ugichigya uya. ¹³ Hanyuma baguhile mauda mabo, na ugichiya msi mwa butobe uya Yabeshi, nabo bahambile masugu njwii.