¹ Bibele maha masugu babo Bafilisti basumbiche basolokoto babo bagye u bita, yulu ya ulwa na Isilaeli. Nage Akishi gumsambile Saudi, Umane chigilwe ugana gogwe wigya hamwechi nanyi u bita, gogwe na batu bobe. ² Nage Daudi gumsambile Akishi, Bisoga, bino wimana byiita mgichi gobe. Akishi gumsambile Daudi, Mndi bino! Nene niuita gogwe ube gwa uusa mswe gwanyi masugu mose. ³ Haho Samwele gusibele gwahuhwa uuwa, nabo ba Isilaeli bose babiile malilo yulu yage, na umchiya uya Lama, mnda mbuga gyage. Iyaka Sauli gubele gwahubachinga koo bene bali na punga na ba lugangaganga mnd sii. ⁴ Nabo Bafilisti basumbile, bagile ugimiya bitula uya Shunemu; Nage Sauli gusumbiche Baisilaeli bose, nabo bagimiye bitula uya Gilboa. ⁵ Haho hababamoninebabo basolokoto ba Bafilisti, gugo Sauli gumonine booba, na mtima gwage gudandile abisa. ⁶ Alakini Sauli helibudiche wa Mlume, Mlume gushimgaile, ata wa malo, ata wa Ulimu, ata wa bambuwa. ⁷ Bibyo Sauli gusambile bagichi bage, kengelwe mmachana mine gwina mnaga gwa bumana, yulu nagye weli na um'bucha. Bagichi bage bamsambile, Loola, guliho mmachana mine gwina mnaga gwa bumana uya Endoli. ⁸ Bibyo Suli guligalule, na uchwala binge bichwalaganywa, hanyuma gugile, gee na batu bage babili hamwechi nage, bammyile guya mmachana m'busugu; guganine Ibumbu ino umbuwile wabumana, usedeche guya mine gwandilumbula oli, ⁹ Guya mmachana gumsambile, Lingamina, ugidi byeliitila Sauli, nahi byelibachingile koo bene bali na mnaga wa bumana na ba lugangaganga mnda sii; yulu yai wategela gochi mwego gwanyi, yulu yupaga? ¹⁰ Nage Sauli gumlahilepa wa Mlume, guganine, Bili Mlume na mwego, ushiononywa yulu ya ino ihisho. ¹¹ Haho guya mmachana helidogomine, Wi wii! M nanyi mine gwandiusedecha? Nage Sauli guganine, Usedeche Samwele. ¹² Bibyo guya mmachana helimmonine Samwele gililile wa liidi lyata; na guya mmachana gumsambile Sauli, guganine, Yulu yai wambicha? bululi gogwe noo Sauli. ¹³ Oolo gumsambile ushimone booba; wamona ii? Guyammachana gumsambile, Saili Namona abetcha achuwa uhuma mnda bitete. ¹⁴ Nage Sauli gum'budiche, Mlingilisho gwa nanyi? Gumgaile, M mmungu noo gwatobowa; nage guli m'bwilwe ichwalaganywa. Haho Sauli gumanine ugana noo gee Samwele, guginamine yenyi yage hasi na umnyemya. ¹⁵ Bibyo Samwele gumsambile Sauli, Yulu yai uususula nene, ndaa na uuseche hegulu? Sauli gugaile, Nene nasusuwa abisa; bululi babo Bafilisti bali hunangila bita, naga Abetcha gwandeelela; gushihungaa iyaka, ata wa ba mbuwa, ata wa malo; yulu ya bibyo nuugita gogwe, yulu gogwe usambile naite wii. ¹⁶ Samwele guganine, Yulu yai umbucha nene, uba Mlume guulecha, nagegusili amangu obe? ¹⁷ Gee Mlume gugilile nahi byelidogomine waanywa anyi; Mlume guusapa buolo mnda uboo obe, na umma m'binji nobe, noo Daudi. ¹⁸ Bululi gogwe ushunyeminye liidi lya Mlume, na ushim'bwilidiche uchigililwa wage yulu ya Ameleki; bino wa ino ibalo Mlume gwugila ino lino. ¹⁹ Iyaka yulu yobe gogwe Mlume gwibabiya Isileli mnda maboo ma Bafilisti; ata na mmeshi gogwe na baaba bobe mubi ho hamwechi nanyi; na iyaka Mlume gwibabiya basolokoto ba Isiaeli mnda maboo ma Bafilisti. ²⁰ Hoka haho Sauli gugwile hasi m'bandamu, gugingilwe na iduba yaatayulu ya binywa bibyo bya Samwele, na gushibele na uoma o ose; yulu gushile iliwa na bigingile busugu, na ata biyele busugu. ²¹ Bibyo guya mmachana gugile uli Sauli, gummonine ugana gee gwasusuwa abisa, gumsambile, Lingamina, mgichi gobegwahulicha liidi lyobe, na nene nabiya mwego gwanyi mnda uboo wanyi, nene nihuliche binywa byobe byolisambile. ²² Bino hano, ibumbu ino, gogwe uhuliche liidi lya mgichi gobe, nagyulongecha ata mkati gucho; waye, na wamone uoma, heneholigya lobe. ²³ Alakini Sauli guhaninye, guganine, Nene nishihubenja uuya. Alakini bagichi bage, hamwechi naguya mmachana, bamsambile godogodo; nage guhuliche madi mabo. Haho gubanduwe haya hasi, gushamine wiingo. ²⁴ Nage guya mmachana gubele na mchibe gwa ng'ombe gwa mnunyu mnda ndu gyage; gugile abilo ugushinja; guguhile na buusu, gulongoche mkati gwa buusu bwa isaa; ²⁵ hanyuma gummiile Sauli na bagichi bage; boo nuuya. Bibyo bachuwile, bagile lwabo m buya busugu. Akishi gumgiwicha Daudi Siklagi