¹ Haho Sauli heligiwile hanyuma ha ubalaminine Bafilisti, gusambilwe ugana Daudi guli mnda mgala gwa Engedi. ² Bibyo Sauli guguhile batu uki bene basobolwe mnda Isilaeli yose, gugile ummenga Daudi na batu bage hegulu ha mahuo ma sunyu. ³ Guhiile hene hali liha lya miyoo mibamba mwa ndila, na uya ubele na mmao; Sauli gugingile mnda yulu ya uwila magulu. Na Daudi na batu bage babele hushama m'ya mnda mmao abisa. ⁴ Nabo batu ba Daudi bamsambile, Loola, luno noo lusugu luya lweliusambila Mlume, Lingamina, nim'biya amangu obe mnda maboo mobe, gogwe wiita yo yose yolimona uba isoga. Bino Daudi guginyuwe, gugedile pindo gya ichwalaganywa ya Sauli wa bubisa. ⁵ Alakini hanyuma, mtima gwa Daudi gulilile, wa yulu gwageda pindo gya ichwalaganywa yage Sauli. ⁶ Gubasambile batu bage, Pande! Nishimgilila mlumyanyi, mshinyiwamauta gwa Mlume, iyo inywa, uugolola uboo wanyi hegulu hage, bululi gee m mshinyiwa mauta gwa Mlume. ⁷ Bibyo Daudi gubabudiche batu bage na bibyo binywa, gashibaleya umlwa SAuli. Hanyuma Sauli guhumine mnda mmao, na ugya lwage. ⁸ DAudi nage guginyuwe hanyuma gutobowile mnda mmao, gumgitile Sauli, guganine, Mlumyanyi, oolo, Na Sauli heliebuwile unyuma, Daudi guginamine yenyi hage hasi gumnyeminye. ⁹ daudi gumsambile Sauli, Yulu yai ulihuhulicha binywa bya batu byabali hugana, Loola, Daudi gulihusimba uuhaga? ¹⁰ Loola, lino hano meeso mobe mamona biya byine Mlume byagubiya mnda maboo manyi ha guya mmao, na bange batu basambila nuuhage; alakini nuuleya; niganine, Nishihubenja ugolola uboo wanyi hegulu ha mlumyanyi yulu gee m mshinyiwa mauta gwa Mlume. ¹¹ Iyaka, m tata, loola, ibumbu ino, loola, pindo gya ichwalaganywa yobe ilimo mnda uboo wanyi; bululinambo nageda pindo gya ichwalaganywa yobe, yulu yai nisuhaga, umane, na umona ugana, mnda uboo wanyi mushi usona na ulubi, na nishiulubile inywa; inangwa gogwe ulihuhiba luhuda lwanyi na umbwata. ¹² Mlume gatululiye, nene na gogwe, na Mlume gangiwidiche buubi bwanyi oli; alakini uboo wanyi ushigolowa hegulu hobe. ¹³ nahi bya bidogomine batu baala mnda mihingu gyabo; Mnda mwa basone musuhuma bisone; ata bibyo uboo wanyi ushigolowa hegulu hobe. ¹⁴ Na oolo lya Isilaeli lyachuwa yulu yabugya nammenga nanyi? Na uhiba awa a aube, ao mtolo. ¹⁵ Bino Mlume gatululiye, gatuonone nene ne gogwe, gaamone, gadogomene inywa yanyi, gapogonone na uboo obe. ¹⁶ Bibyo, Daudi helihwile umsambila Sauli bibyo binywa haho Sauli guganine, Lino noo liidi lyobe, mwananyi Daudi? Nage Sauli gugabile wa liidi lyage lyata, nuulila. ¹⁷ Gumsambile Daudi, Gogwe wina kiine upima nene; bululi gogwe wangilila bya misa, nene nugilila bya bigugichu. ¹⁸ Gogwe wamonya lino byolingilile nene bya misa, yulu Mlume gwabammbiye mnda maboo mobe, usapaga. ¹⁹ Bululi mtu gabemona amangu age, wi wii! Gwialeya agye kolongecho? Bino Mlume na gugiwidiche misa wa bibyo byine byawangitila lino. ²⁰ Na bino, lingamina, nigidi ugana ubi oolo lya Isilaeli wiiswa ugimanyu mnda uboo obe. ²¹ Bino hano, undahile pa wa Mlume, ugana ushibachinga koo ibushi ya ilongo yanyi yine yichwa hanyuma hanyi, na uigugicha china lyanyi mnda ibushi ya bamatata. ²² Nage Daudi gumlahile pa Sauli. Hanyuma Sauli gugile lwage wabo; alakini Daudi na batu bage baselile ugya u myaao.