¹ Hanyuma gumsambile Daudi, ugana, Lingamina, Bafilisti balihulwa bita uya Keila na ugiba biliwa u luguba lwa uhulila. ² Haho Daudi gum'budiche Mlume, ugana, Wi wii!Nagye ulwa na babo Bafilisti? Nage Mlume gumsambile Daudi, Ugye, ubalwa Bafilisti, na uhogonona Keila. ³ Alakini batu ba Dudi bamsambile, Loola, beswe tulihumona booba mno m Bayuda; Wi wii! Ati m nyendo chingi tusugya Keila ulwa na basolokoto ba Bafilisti? ⁴ Haho Daudi gum'budiche Mlume iyaka, Nage Mlume gumgaile, guganine, Gimana, uundumuwe Keila; bululi nibabiya babo Bafilisti mnda maboo mobe. ⁵ Bibyo bagile Keila; Daudina batu bage, balwile na baya Bafilisti, bawatilekole cha ng'ombe chabo, na ubahaga wa uchimya wa wata. Bibyo Daudi gubahogonone btu ba Keila. ⁶ Haho Abiathali, mwaana gwa Ahimeleki, helimgilile Daudi uya Keila. gusalile na ichibalo ya ahwaba u yaali (efoto) mmuboo wage. ⁷ Hanyuma Sauli gusambile ugana Dauli gwahiya Keila. Sauli guganine, Abetcha am'biya mnda uboo wanyi; yulu gwahambwa mnda, wabiya gwagingila mnda mbuga gyina michango na bikwa. ⁸ Bibyo Sauli gubagitile batu bose bagye u bita, yulu gagisalile Keila, na umcugnuluwa Dudi na batu bage. ⁹ Nage Daudi gumanine ugana Sauli gwamlangila bisone; gumsambile Abiathali, ibuli, lusha hano iyo ichibabo ya ahwaba u yaali (efoto). ¹⁰ Haho Daudi guganine, Ee Mlume, Abetcha a Isilaeli, nene mchwa gobe nahulicha wa chigilwe ugana Sauli gulihusimba uchwauno Keila, yulu ya ugugicha mbuga yulu yanyi. ¹¹ Wi wii! Batu ba Keila bipana, naabiwe m muboo wage? Wi wii! Sauli gwicha nahi mcha gobe byagahulicha? Ee Mlume, Abetcha a Isilaeli, nihuutendelela, umsmbile mcha gobe. Nage Mlume gumgaile, gwichwa. ¹² Bibyo Daudi guganine, Wi wii! Btu ba Keila bimbiya nene na batu banyi m muboo wa Sauli? Mlume guganine, biubiya. ¹³ Haho Daudi na batu bage, babele nahi smbi mtuba, bachuwile na uhuma Keila, bagile ho hose hene habaoshiche ugya. Hanyuma Sauli gusambilwe ugana Daudi gwahusina uhuma Keila, guleile utobowa m mbuga. ¹⁴ Bibyo Daudi gubele hushama mgala u mmao, gushamine mnda sii gya tubandagulu mnda mgala gwa Zifu. Nage Sauli gubele hummenga masugu mose, alakini Abetcha gushim'biile mnda maboo mage. ¹⁵ Daudi gumonine ugana Sauli gwatobowa hambuga ha mbuga yulu ya uenga luhuda lwage; nage Daudi gwilibele ho mnda mgala gwa Zifu, uya Holeshi. ¹⁶ Bibyo Yonathani, mwaanagwa Sauli, gugile umsambila Daudi uya Holeshi, guubiile uoma uboo wage yulu ya Abetcha. ¹⁷ Gumsambile ushimonyi booba, yulu uboo wa Sauli, tata, ushiuwata; na gogwe ubi oolo hegulu ha Isileli; na nene nibi gwa bubili gobe; noo bigidi ata na tata Sauli. ¹⁸ Na babo bopi babiile malagano u mbele wa Mlume; Daudi nage gushamine uya Holeshi, na Yonathani gugile u ndu gyage. ¹⁹ Haho baya Bazifi habagile wa Sauli uya Gibea, baganine, Wi wii! Guya Daudi gusalibisa watulu uya u mmao gwa Holeshi, u loono lwa Hakila luubi lwa uboo wa ulume wa Yeshimoni? ²⁰ Bino hano, Ee oolo, undumuwa, nahi bilihusimba ichuli-chuli yobe ya mwego uundumuwa; na mgilo gwetu gubi um'biya mnda uboo wa oolo. ²¹ Nage Sauli guganine, benywe muhalilwe mihaa na Mlume; wa ibalo mulihumbwena keene. ²² M'begya, nihumtendelela, mugililile umana wa chigilwe, mwamane na umone ihana yage yelihulibisa, iyaka mnanyi mine gwammona uya; bululi nasmbilwa uagana guli hugila wa buhulihuliabisa. ²³ Cheelechiwe abisa, mwamane wihango yage yose yine yelihulibisa; hanyuma mwachwe wandi, iyaka mushihulwe, nanene nigya hamwechi nenyu; iyaka bibi, gwahuba nda ino ibaloo, nene nimmenge-enge mnda mauki mose na Yuda. ²⁴ nabo bagimanine, bagile Zifu, hambele ha Sauli; alakini DAudi na batu bage babele mnda mgala gwa Maoni, uya Alaba luubi lwa uboo wa ulume wa lunaganywa. ²⁵ Bibyo Sauli na batu bage bagile nammenga. Batu bamsambila Daudi; wa bibyo guundumuwe ndaa na u mahuo, gushamine mgala uya Maoni, Nage Sauli helihuliche mwano, gubele hummiba Daudi mnda mgala gwa Maoni. ²⁶ Sauli gugile lulu luubi lwa loono, na Daudi nabatu bage bagile lulu luubilwa loono; nage Daudi gutile abilo abisa ugya lwage yulu ya iduba ya Sauli; wa ibalo ya Sauli na batu bage bamchunguluwe Dauli na batu bage yulu yubawata. ²⁷ Alakini guchwile mtu uhuma wa Sauli, ugana, Chuno abilo, yulu Bafilisti basumbilila sii. ²⁸ Bibyo Sauli gugiwile uhuma u buhibi ummiba Daudi, gugilepinda piswa gya Bafilisti wa bibyo bahagitili ha iya ihana Selahamalekothi. ²⁹ Nage Daudigugile uhuma uya, gushamine u mmao gwa Engedi.