¹ Bibyo Daudi gugile Nobu wa Ahimeleki, ibuli. Ahimeleki gugile umgaa Daudi, gulihudanda, gumambile, Yulu yai gogweuba buchima boobe, nahashi mtu guli hamwechi nobe? ² Daudi gumsambile Ahimeleki, ibuli, oolo gutumine u mgilo, gusambile, Mtu ge gese gashimane mwanogwa guno mgilo gwandutuma waguli, na ata inywa ino yandusambile; nene nabalaga bawalubaga bagye imwe ihana iya. ³ Hali ii bino, mnda uboo obe? Upe m muboo wanyi mikati gitano, ao yo yoseyine yoli nayo hano. ⁴ Guya ibuli gumgaile Daudi, guganine, Hashi mikati gya masugu mose mnda uboo wanyi, nambo mikati gya gihaha; nambo baba bawalubaga bali balibagule n baachana. ⁵ Nage Daudi gumgaile guyaibuli, gumsambile, Winene tuli balibagule na baachana masugu mose mano matatu; haya handihumina, bitundu bya bano bawalubaga bibele bihaha, inangwa lubele lendo lwa masugu mose; bino lino wi wii! Bitundu byetu bishibi bihaha uhima? ⁶ Haho ibuli gummele giya mikati gya gihaha; bululi hashibele na mikati gya Umonya, luya lusugu, nagyo gisibele gihumiwe u mbele wa Mlume, yulu gibiwe mikati gyaaha luya lusugu lwagihunyiwe. ⁷ Bibyo luya lusugu habele gumwe mtu mgichi gwa Sauli, mchibilwe u mbele wa Mlume china lyage Doegi, Mmedomi mmata gwa baushi ba Sauli. ⁸ Iyaka Daudi gumsambile Ahimeleki, Na haho mnda uboo obe, wi wii! Mushi sumo ao ahilu? Bululi nishachwa na ahilu, na ata tulume gela twanyi, wa ibalo mgilo gwa oolo gulihubenja gugilwe abilo. ⁹ Guya ibuli guganine, ahilu a Goliati, guya Mfilisti, golihagile wibetabeta ya Ela, loola, ali hano, ahambwe mnda ichwalaganywa ya uchwala u yaali (efoto); wahubenja uaguha, m bisoga, Uaguhe, bululi hano nashi ange namabo aya ka. Daudi guganine, Hashi ange nahi aya; Pedage o ka. ¹⁰ Haho Daudi gugimanine, gusinine luya lusugu, yulu ya umsina Sauli, gugile uli Akishi, oolo lya Gathi,. ¹¹ Nabo bagichi ba Akishi bamsambile, Wi wii! Gugu gushi guya Daudi, oolo lya sii? Wi wii! Bashisambilanine mwano gwage mnda magoma mabo, ugana, Sauli guhagile uki lyage, Na Daudi uki maumi mage. ¹² Nage Daudi gubiile biya binywa mnd mtima gwage, gummonine Akishi booba abisa,oolo lya Gathi. ¹³ Gugalule migyatichi gyage u mbele wabo, guliitile gwina miishi m mnda maboo mabo, uligaga-gaga u bihanda byiibi, na uleya lulenda lwage uhuda walembe age. ¹⁴ Haho guya Akishi gubasambile bagichi bage, Lingaminywe, mulihumona guno mtu guli na miishi; yulu yai umchwisha wandi? ¹⁵ Wi wii! Niluhusimba uba na batu ba miishi, na mwamlusha, guno yulu gammonye miishi gyage u meeso manyi? Wi wii! Guno gwigingila mnda ndu gyanyi?