¹ Hanyuma Daudi guhumine Nayothi uya Lama, gisinine, gugile, wa Yonathani, gudogomone u mbele wage, Niitile ii? Usowa wanyi m yii? Bubii bwanyi u mbele wa sobe m yii, na gulihusimba luhuda lwanyi? ² Nage gumsambile, Pande! Ushiwa; lingamine, tata gushiita inywa yata na ata icho namgu uumanya nene, na tata guli na ibalo nai ya uumbisa nene iyo ihisho? Bishi byolihugana. ³ Daudi gulahile pa, guganine, Sobe gugidi abisa ugana nili mgitabichiwe u meeso mobe, nage gusugana, Yonathani gashimane ino inywa, gashichwe uchigiliwa; alakini m chigilwe, bili Mlume na mwego, na bili luhuda lube na mwego, hali ikoko imwechi kahawingi hanyi nene na luubu. ⁴ Bibyo Yonathani gumsambile Daudi, Lulingo lwine lwiunda luhuda lobe, nene niugilila. ⁵ Nage Daudi gumsambile Yonathani, Loola, mmeshi m yabalu a mwechi, nene bishilingye uhulwa uya hamwechi na oolo; alakinindeye nabisame mmihongelela ndaa nalusugu lwa utatu na igolo. ⁶ Sobe gabemona ugana nishiho gusugana, Daudi gubele husimba namme luhusa, gagye abilo Bethlehemu, mbuga gyage, bululi gili uya nyama gya lutangi yulu ya ilongo yage yose. ⁷ Nambo, gabegana m bisoga, nene mgichi gobe nibi na talala; nambo gabe chigililwa, umane ugana gwalanga uhisha ihisho ibii. ⁸ Bino ungilile bisoga nene mgichi gobe; wa ibali wambiya nene mgichi gobe mnda malagano ma Mlume hamwechi nobe, alakini nambo wahuba usona mnd mtima gwanyi, upage gogwe mine; yulu yai unjwisha uli sobe? ⁹ Yonathani guganine, Bibyo na byabe koo nobe, bululi nambo nabamana ugana tata gulihubenja uita inywa ya igugichu, yulu yai nisaba usambile? ¹⁰ Bibyo Daudi gumsambile Yonathani, M nanyi mine gwisambila, uba sobe gwugaa binywa bya buhuchi? ¹¹ Yonathani gumsambie Daudi, Tugye lwetu u mabala. Bagimanine bose babili bagile u mabala. ¹² Nage Yonathanigumsambile Daudi, Mlume, Abetcha a Isileli, na gabe mangisiyo; handihwa um'bucha tata, mengo nahi mano mmeshi, ao lusugu lwa matatu, lingamina, nambo habi inywa isoga ya umteyamanya Daudi, wi wii! Nishiuhilila mwano na uununila iya inywa? ¹³ Mlume gangilile nene, Yonathani, bibyo na uhima, yahuba tata uitila bigugichu, nisahuununila bibyo, na uulecha uligilile lobe na talala; na Mlume gabe hamwechi nobe, nahi byelibele hamwechi na tata. ¹⁴ Gogwe wimonya yano ya Mlume, yulu nashiwe, mashi mano mengo ka, mabe mgengo mose mandibi na mwego; ¹⁵ alakini hamwechi na bibyo, na ata na ilongo yanyi nayo ushibahuminya abisa yano yobe; nangu, ndaa na mengo maya mene Mlume helibi gwahuhwa ubahunyaabisa tumangu twa Daudi tose hegulu ha gino sii. ¹⁶ Haho Yonathani guitile malagano na ilongo yose ya Daudi, guganine, Mlume nage gwisimba m muboo wa tumangu twage Daudi. ¹⁷ Nage Yonathani gumahiche pa Dudi lwendo lwa bubili, wayulu ya luundo lwine lwelibele nalo weli; bululi gummundile nahi byeliliundile luhuda lwage gee mine, ¹⁸ Hanyuma Yonathani gumsambile, Mmeshi m yabalu a mwechi, gogwe wihulwa, wa ibalo isuba yobe ishibi na mtu. ¹⁹ Gogwe ubehwa uhemba masugu matatu, wasale abilo wahiye oka uya uli bisamine, lusugu lwa iya ikoko; gogwe washame hoka na iya yulugulu uya. ²⁰ Nene niita migwii gitatu mibamba mwato, nahi ugana nata itoto. ²¹ Hanyuma, lingamina, nituma mwaana na uusambila, Ugye uenga migwii. Haya handimsambila guya mwaana, Loola, migwii gili lulu luubi lobe, giguhe; haho wachwe, noo ugana hali talala oli, noo ugana hashi ahunago, bili Mlume na mego. ²² Bino, nambo nabemsambila guya mwaana, Loola, migwii gili uya u mbele obe, bibyo ugye lobe, yulu Mlume hwagana ugye lobe. ²³ Na wa yulu ya inywa iya yatwagana, gogwe na nene, lingamina, Mlume guli hawingi hagogwe na nene milumbu. ²⁴ Haho Daudi gubisamine mlubala; na mwechi hagubalile, oolo gushamine uya iliwa. ²⁵ Oolo gushamine wisuba yage nahi masugu mose, wisuba yine ibele hoka na lukuta; Yonathani gubele u mbele wage; Abneli nage gushamine hoka na Sauli; alakini ha ihananyage Daudi ishibele na mtu. ²⁶ Alakini Sauli gushidogomone inywa luya lusugu; yulu gumanine ugana Daudi gwawaswa na imwe inywa ka, gusahahala; hange gee gusahahala. ²⁷ Ndaa na lusugu lwa bubili hanyumaha abalu a mwechi, ha ihananyage hashibele na mtu; haho Sauli gumsambile Yonathani mwanage, Yulu yai mwaana gwa Yese gushimchube ula iliwa mnakeshi na lino? ²⁸ Nage Yonathanigumgaile Sauli, Daudi gwabahusimba abisa nene namme luhusa gagye Bethlehemu; ²⁹ gubanine, Ibumbu ino upe luhusa nagye; yulu ilongo yanyi bali na nyama gya lutangi mnda mbuga gyetu; na mshiwetu gwasa,bila nagye; bino hano, nambo nagitabichiwa u meeso mobe, nilihuusaba, nachuwe nagye ubalola bashiwetu. Noo ibalo gusachwa u mesa ma oolo. ³⁰ Haho sungu cha oolo chichwile yulu ya Yonathani, gumsambile, Gogwe, mwaanagwa mmachana gwa anene, gwa lubengo, wi wii! Nene nishigidi ugana nambo wamsobola gugo mwaana gwa Yese, wa mmee gobe gogwe mine, na wa mmee gw buchi bwa mnobe. ³¹ Bululi mwaana gwa Yese gwili na mwego m gino sii, gogwe ushiitilwa, ata na buoolo bobe. Bino, hano uhile, umlushe wandi, bululi chigilwe gyage gugo gwiiwa. ³² Yonathani gumgaile Sauli, sage, gumsambile, Gahagwa yulu ya ibalo nai? Gwaitai? ³³ Sauli gumtelele sumo lyage yulu gamte lyo; haho Yonathani gunanine ugana sabe gwamlangila uumaga Daudi. ³⁴ Bibyo Yonathani guchuwile haya ha mesa, mchigililwe abisa, nagushilile iliwa lusugulwa bubili lwa mwechi, wa ibalo guchigililwe abisa yulu ya Daudi, na wa ibalo ya sage gwamdambya abule. ³⁵ Na halwelo Yonathani guchuwilana ugya ulubala maya mengo mene melilaganine na Daudi, na mwaana alela gubele hamwechi nage, ³⁶ Gumsambile mwanage, Ubehinga abilo, ugienge migwii gyandita. Na guya mwaana helihingileabilo, gutele migwii, gihitilehegulu hage. ³⁷ Na guya mwaana helihiile hene hali guya mgwii gwelitele Yonathani, Yonathani gumtele mwaana mbila, guganine, Wi wii! mgwii gushi ubo u mbele obe? ³⁸ Yonathani gumtele mwaana mbila, Bino, Abilo, Ushisinge. Mwaana gwa Yonathani guongole migwii, gugilewa mlumyage. ³⁹ Alakini guya mwaana gushimanine yo yose. Yonathani na Daudi noo bamanine mwano go gwine. ⁴⁰ Nage Yonathani gummele guya mwaana tulumegela twage, gumsambile, Ugye utuhila u mbuga. ⁴¹ Bibyo haya helihwile ugya guya mwaana, Daudi gubisuwe ha iya ihana hoka na iya yulugulu, gugwile m machwi, guginamine nyendo chitatu; nabo baumbatilane, na ata Daudi guhimine. ⁴² Nage Yonathani gumsambile Daudi, Ugye na talala; bululi beswe bose babili twalahilana pa wa chinalya Mlume ugana, Mlume gubi hawingi hetu nene na gogwe, na hawingi ha ibushi yanyi na ibushi yobe milumbu. Daudi gugimanine na ugya lwage; Yonathani nage nuugya lwage u mbuga.