¹ hanyuma Sauli gudogomine namwanage Yonathani, iyaka na bagicha bage bose, uganabammage Daudi. ² Alakini gugo Yonathani, mwaana gwa Sauli, gubele humuunda Daudi abisa. Haho Yonathani gumsambile Daudi, guganine, Sauli, tata, gulihubenja uuhaga; bino, nihuutendelela, ulilongamanye abisa halwelo, washame ha ihana ya bubisa na wabisame; ³ na nene nitobowa hambuga na ugimana mibamba mwa tata uya ulubala wine olibi gogwe, nene nidogoma na tata mwano gobe; nene nabemona inywa yo yose niusambila, ⁴ Nage Yonathani gumtonie Daudi uli Sauli, sage gumsambile, Oolo gashilubi yulu ya Mgichi gwage, noo, yulu Daudi bululi gee gushilubile yulu yage. iyaka bigilanywa byage oli bibele bisoga abisa. ⁵ Bululi gubiile mwego gwage mnda uboo obe, na ummaga guya Mfilisti, nage Mlume gubagilile ba Isilaeli bose uhogonowa wata. Gogwe mine umonine iya ikoko, useelele; bino bululi bwai uluba hegulu ha maashi mene mashi na abachi, ummage guya Daudi bunene? ⁶ Sauli guhuliche liidi lya Yonathani; nage Sauli gulahilepa, Bili Mlume na mwego, gee gushihagwa. ⁷ Bibyo Yonathani gummele mwano gwa bibyo byose. Hanyuma Yonathani gummyiche Daudi wa Sauli, nage gubele hugimana u mbele wage, nahihaya hatangi. ⁸ hanyuma ha bibyo habele na bita iyaka; nage daudi gugile, nage gulwile na Bafilsti, nage gubahagile waubachimya abisa; nabo basinine u mbele wage. ⁹ Iyaka bibele, luhuda luubi uhuma wa Mlume lumchwilile Sauli, haya helibele mshame mnda ndu gyage,gubelena sumo mnda uboo wage; nage Daudi gubele hugomba ligimbi na uboo wage. ¹⁰ Sauli gutondile umtelela Daudi sumo lyage ligile uta wibambacha, alakini gee guhogonowile na uhuma u mbele wa Sauli, nalyolilyo sumo gulitelewibambacha; nage Daudi gusinine, guhogonowile bubo busugu. ¹¹ Hanyuma Sauli gutumine batu ndaa na u ndu gya Daudi, yulu bamgongele na uumaga halwelo; nage Mikali, mmachi gwa Daudi, gumsambile, guganine, Gogwe nambo usahulihogonona ichuli-chuli yobe ya mwego buno busugu, mmeshi wihagwa. ¹² Haho Mikali gumsachiche Dauli u dilisha; nage Daudi gugile, gusinine ,a uhogonowa. ¹³ Bibyo Mikali mmishi, na ugulacha wiingo, gubiile na msego gwa migochi gya mbuchi u mswe gwago, na uguhupa na ichwalaganywa. ¹⁴ Nage Sauli halitumine batu yulu yum'bwata Daudi, gee guganine, Guli husumwa. ¹⁵ Haho Sauli gutumine batu yulu bamlole Daudi, gugnine, Mlushiwe wandi guli hegulu ha ingo yage, yulu nammage. ¹⁶ Nabo baya batu bene batuminywe habagingile, mndi! Wiingo uli mmishi, namsego gwa migochi gya mbuchi u mswe gwago! ¹⁷ Sauli gumsambile Mikali, Yulu yai gogwe wambicha bibi, na umlecha amangu anyi ugya na bino gwapogonowa? Nage Mikali gumgaile Sauli, Gee gwasambile, Ndeye naligile lwanyi; Yulu yai nuuhage? ¹⁸ Haho Daudi nuusina, gulihogonone, gugile uli Samwele uya Lama, gumsambile biya byose byine bimmitile Sauli. Hanyuma gee na Samwele bagile ushama Nayothi. ¹⁹ Nage Sauli gusambilwe, ugana, Lingamine, guya Daudi guli Nayothi, uya Lama. ²⁰ Bibyo Sauli gutumine batu yulu ya um'bwata Daudi; nabo haho habaminine ihichi ya bambuwa balihubuwa na Samwele mgimanyu nahi mmata gwabo, luhuda lwa Abetcha lubachwilile bahilwa ba Sauli, boo nabo babuwile. ²¹ Nage Sauli helisambilwe, gutumine bange batu, babo nabo babuwile. Nage Suli gutumine bange batu lwendo lwa butatu, na babo nabo babuwile. ²² Hanyuma gee mine gugileLama, guhiile wiiya ishima yine ili uya Seku; gubudiche, guganine, Wi wii! Bali uhi ba Samwele na Daudi? Na gumwe mtu gumgaile, Loola, bali uya Nayothi, uya Lama. ²³ Bibyo gugile Nayothi uya Lama, na luhuda lwa Abetcha lumchwilile gee nege, gugililile hambele, uu guli hubuwa, ndaa na uhiya Nayothiuya Lama. ²⁴ Nage guchulile bichwalaganywa byage, gubuwile u mbele wa Samwele, gulalile buchi chuba lyose na busugu bose luya lusugu. Yulu ya bibyo batu basugana, Wi wii! Sauli nage guli mmanga gwa ba mbuwa?