¹ Bibele Daudi helihyile udogoma na Sauli, luhuda lwa Yonathani, luwatene hamwechi na luhuda lwa daudi, Yonathano gumuundile nahi luhuda lwage gee mine. ² Sauli gumguhile loka luya lusugu, na gushimlediche gagiwile iyaka u ndu gya sage. ³ Nabo Yonathani na Daudi balaganine, bululi gummundile nahi luhuda lwage gee mine. ⁴ Bibyo Yonathani guchulile ichibabo yine yelibele mchwale, nuuma yo Daudi, na bichwalaganywa byage, na ahilu ege nao, na buya bwage, na mchingo gwage nago. ⁵ Bibyo Daudi gugile bihana byose byine byelituminywe na Sauli, guitile wa lwenyi, Sauli gum'biile hegulu ha batu ba bita; iyo ikoko ibele isoga abisa u meeso mabatu bose, na u meeso ma bagichi ba Sauli nabo. ⁶ Ha bibele, balihugya, haya Daudi helihyile ummaga guya Mfilisti, baachana bachwile uhuma mabuga mose ma Isilaeli, yulu ya ugimba na uina, yulu ya umgaa oolo Sauli; bachwile na bigomba ganywa, na saso, na milimba-limba. ⁷ Nabo baya baachana bagitabichane bainine, baganine, Sauli guhagile ma uki mage, Na Daudi ma uki maumi mage. ⁸ Haho Sauli guchigililwe abisa, na biya binywa bimchigiliche; gugnine, Bamma Daudi ma uki maumi, na nene bapa uki limwechi ka; hali inge nai iyaka yeli nahewa, nambo bushi buoolo ka? ⁹ Sauli gummonene Daudi buwa utula lulo lusugu. ¹⁰ Halusibele lusugu lwa bubili lwage, luhuda luubi uhuma wa Abetcha lumchwilile Suli wa uoma, nage gubuwile mnda ndu. Haho Daudi gubele hugoba ligimbi, na uboo age nahi masugu mose; nage Sauli gubele na sumo nda uboo wage. ¹¹ Hoka haho Sauli gumtelele liya sumo; yulu guganine, nimta Daudi ndaa na wibambach. Daudi gudungile liya sumo; guhumine u mbele wage, nyendo chibili. ¹² Sauli gummonine Daudi booba, bululi Mlume gubele hamwechi nage, yulu gumleile Sauli. ¹³ Wa yulu ya bibyo Sauli gummunyinye wage, gummitile uba mmata hegulu ha basolokoto bage uki; nage Daudi guhumine na ugya u mbele wa batu. ¹⁴ Nage Daudi gugyatile wa bwenge mnda madila mage mose nage Mlume gubele hamwechi nage Dauli. ¹⁵ Sauli halimonine ugana gugyatile wa bwenge abisa, gee gummonine booba, ¹⁶ lakini Isieli yose na Yuda bammundile Daudi; yulu gubele humana ugingila na utobowa u mbele byabo. ¹⁷ Hamyuma Sauli gumsambile Daudi,Loola, msiha gwanyi gwa tutangi, Melabu, gugu niuha ge yulu umgonde; alakini na gogwe wabe na uoma u bita, na ulwa bita bya Mlume. Bululi Sauli gudogomine mnda mtima gwage, Uboo wanyi na ushibe heguu hage, alakini uboo wa Bafilisti wabe hegulu hage. ¹⁸ Nage Daudi gumsambie Sauli, Nene nili nanyi, na ilongo yanyi m ya ba nanyi, ao mlongo gwa tata, mnda Isilaeli, ndaa na nene nabe buo bwa oolo? ¹⁹ Alakini nambo, maya mengo, maganinywe Daudi gahewe Melabu, msiha gwa Sauli, gugondilwe na Adlieli, Mmeholathi. ²⁰ Alakini Mikali, msiha gwa Sauli, gummundile Daudi; batu bamsambile Sauli, na iyo inywa guibenjiche Sauli. ²¹ Nage Sauli godogomone mnda mtima, Nene nimgonja gugu yulu gabe gochi weli, iyaka yugana uboo wa Bafilisti wabehegulu hage. Bibyo Sauli gumsambile Daudi lwendo lwa bubili, Lino ubi mmwo gwanyi. ²² Nage Sauli gubalagile bagichi bage, Gombolwe na Daudi wa bubisa, na ugana Lingamina, oolo guhyanya, na bagichi bage bose balihuunda; mndi bino, Naube mmwo gwa oolo. ²³ Nabe bagichi ba Suli badogomine bibyo binywa mmatu ma Daudi. Daudi guganine, Wi wii! Benywe mwamona m mwando nene uba mmwo gwa oolo, nene nili mbuchu, iyaka nishi na abega? ²⁴ Na babo bagichi ba Sauli bammele mwano, baganine, Noo bibyo byadogoma Dauli. ²⁵ Nage Sauli guganine, Msambilwe Daudi bino, Oolo gushihubenja bumona bwa udonda bo bose, alakini gulihubenja bibambi ya bulumyana sambi bya Bafilisti, yulu galigiwidiche buubi wa buubi tumangu twa oolo. Bibyo Sauli gulangile ummagya Daudi na uboo wa Bafilisti. ²⁶ Na bagichi ba Saulu habamsambile Daudi; bibyo binywa, Daudi gubibanjiche abisa yulu yuba mmwo gwa oolo. Na masugu mashibele nahwa; ²⁷ Bibyo Daudi gugimanine, gugile gee na batu bage, guhagile hawingi ha Bafilisti batu sambi chibili; na Daudi gulushishe biya bibambi bya u bulumyana byabo, gummele oolo lubalo lwa luwilile.yulu gabe mmwo gwa oolo. Nage Sauli gumgonjiche Mikali, msiha gwage. ²⁸ Sauli gumonine na umana ugana Mlume gubele hamwechi na Daudi; na guya Mikali, msiha gwa Sauli, gummundile Daudi. ²⁹ Nage Sauli gugililile ummona Daudi booba; Sauli nuuba amangu a Daudi masugu mose. ³⁰ Mamo mengo baulu ba Bafilisti bagile; hanyuma bibele, nyendo cho chose habagile, Daudi guitile wa bwenge abisauhima bagichi bose ba Sauli bibyo china lyage libele napunda chata abisa.