¹ Hanyuma Samwele gusambile Isilaeliyose; Lingaminywe, nihuliche madi menyu u biya byose byine byamusambile, nene namta busu oolo yulu yenyu. ² Bino, Lingaminywe, oolo lyigyata hambele henyu; na nene nisili mmulu, nina mbwii, iyaka luulwe, baana banyi bali hamwechi nenyu; na nene nigyatile hambele henyu utula buwalubaga bwanyi ndaa na lino. ⁴ Nabo baganine, ushitusapile, na ushitumonene, na ushigaile ibya yo yose uhuma mnda uboo wa mtu ge gese. ⁵ Gubasambile, Mlume noo mangisiyiyulu yenyu, na mshinyiwa mauta gwage noo mangisiyi lino, bululi mushimonine ibya yo yose nda uboo wanyi. Nabo baganine, Gee noo mangisiyi. ⁶ Samwele gusambile batu, M gee Mlume noo gubabiile ba Musa na Haluni, m gee noo gubahuminye bamasenyu uhuma sii gya Misili. ⁷ Mndi bino gimanywe, namme mmano u mbele wa Mlume, wa ulumbula bigilanywa byose bya kiine bya Mlume, byeligilile benywe na bamasenyu. ⁸ Yakobo helibele mgingichu Misili, na bamasenyu habamlilile Mlume, haho Mlumegubahilile Musa na Haluni, nabo babahuminye bamasenyu Misili, nabo nuumshamya ha ino ihana. ⁹ Alakini bamgibilile Mlume, Abetcha abo, nagu gubagudiche na ubabiya mnda maboo ma Sisela, ilume pambwa ya basolokoto ba Hazoli, na mnda maboo ma Bafilisti, namnda maboo ma oolo lya Moabu, nabo balwile nabo bita. ¹⁰ Nabo bamlilile Mlume, baganine, Twagila buubi, yulu twamleya Mlume, na ugilila Mabaali migilo na Mashtolethi; alakini bino utuhogonone na maboo ma tumangu twetu, na beswe twiugilila gogwe. ¹¹ Mlume gutumine Yelubaali, na Balaka, na Yefta, na Samwele, gummogonone benywe na maboo ma tumangu twenyu ngubi chose, na benywe mushamine kolongecho. ¹² Hamumonine Nahasha, oolo lya baana ba Amoni, gulihuchwa ulwa nenyu, musambile, Bishi byo, alakini oolo gwituhyilila; inangwa Mlume, Abetcha enyu, noo oolo lyenyu. ¹³ Bino hano, mlolwe oolo lyamusobole na umsimba; loolwe, Mlume gubiile oolo hegulu henyu. ¹⁴ Nambo m'bemnyemya Mlume na umgilile migilo, na ulihulicha liidi lyage, mushibenge alago a Mlume, iyaka nambo benywe, na oolo lyine lili humyilila, m'bemlama Mlume, Abetcha enyu, bisoga! ¹⁵ Bino nambo mushihulicha liidi lya Mlume, haho uboo wa Mlume ubi hegulu henyu, nahi byaubele hegulu ha bamasenyu. ¹⁶ Na bino gimanywe, mwaimone ikoko ino ya yata, Mlume yeliita u mbele wa meeso menyu. ¹⁷ Lino wii! lushi lusugu lwa usola ngano? Nimsaba Mlume, uganagahile mmukulo na mbula; benye mwimana na umona ugana usona wenyu m wingi abisa, wamwitileu mbele wa Mlume, wa ulitagila oolo. ¹⁸ Haho Samwele gumsabile Mlume, nage Mlume guhilile myukulo na mbula luya lusugu; nabo batu bose bammonine Mlume booba abisa, hamwechi na Samwele. ¹⁹ Batu bose bamsambile Samwele, Utusabile beswe bagichi bobe wa Mlume, Abetcha obe, tushichwe uuwa; yulu twalibiya buubi bwetu bose wa uno usona, yulu ya ulitagila oolo. ²⁰ Samwele gubsambile, Mushimone booba; m winene mwaita usona uno ose; alakini mushigaluwe na uleya umlama Mlume, bino mgililwe Mlume migilo wa mitima gyenyu gyose, ²¹ Na mushigaluwe lunge luubi, yulu ya ulama bitundu bya bunene. ²² byine bishinaosha uwatilicha mtu na uhogonona, bululi bishi na mgilo. Yulu Mlume gushibaleya batu bage wayulu ya china lyage lya lyata; bululi Mlume gwabenja ummita benywe uba batu bage gee mine. ²³ Alakini nene, pande! nashimmite Mlume buubi wa uleya umsabila benywe; alakini nimgigyandila gya gisoga, na gya gigolobu. ²⁴ Mnyemiwe Mlume ka, mwamgilile migilo wa chigilwe wa mitimagyenyugyose; bululi, engelechiwe biya byelimgilile bikoko bya byata. ²⁵ Alakini nambo m'begililileugila bisone mwichima, benywe na oolo lyenyu nalyo.