¹ Aa sɛɛ cee ka ne ɲrika kwo miin nun na, wuw ka pan fɛ, a ka ɲin cɛɛ ma n'ama mŋan moso ra ban. ² Wo byɛ n'ata, yaako yashɔya kaa kɛ, cɛw byɛ ken-ken naa moso fru, mosow byɛ ken-ken naa kɛ a cɛ fɛ. ³ Mosoo ka kan nin min ye, cɛɛ r'a wo kɛ a ye. cɛɛ byɛ ka kan nin miin ye, mosoo r'a wo kɛ a ye. ⁴ Mosoo ti a yɛɛkun piisgoo kuntgi ye, a cɛ wee m'a kun na. Wo tgoo ra, cɛɛ shi ti a yɛɛkun piisgoo kuntgi ye, a moso wee m'a kun na. ⁵ Aa k'aa ban nŋɔn na, fwɔ ni aa flaa ka bɛn a ra ka waati dɔɔnin bla Yaa masa daaree kanma. wo kwɔ, aa seki nŋɔ ma, yaako shitaannin kaa na aa kɔɔ bɔ aa ka yɛɛmlanbiiyaa kanma. ⁶ nee ɲin fwɔɔ aa fɛɛ ka aa laji re wo ti ce fw ɔnin ye. ⁷ Ne m'afɛ cɛw byɛ raa kɛ konnŋo ne. wo byɛ na ta, Yaa masa mŋɔɔ byɛ ka ɲinfɛɛn j'aama re. Jɔ ta min tgoo jɔ ra, jɔ kpɛɛman t'a min tgo kpɛɛman na. ⁸ Miin nun ma feu kɛ anin moso cɛ saninw, ne ra fwɔ wuw fɛ ko a ka ɲin wuw ma ka to konnŋo ne. ⁹ Nŋa nin aa ti she k'aa yɛɛ, aa r'a fruu kɛ katgu ka pisa nin nge tɔɔrɔ wee. ¹⁰ Dananbga miin nun frunin mun, ne ra fwɔ wuw fɛ ka gbrɛya, ne kan tɛ Mtgi kan no, ko: Moso kaa faa a cɛɛ ra. ¹¹ N'aka faa a cɛɛ ra, a frubii raa to waamaa a r'i kwɔseki a cɛɛ ma. Cɛɛ shi k'a mosoo bla. ¹² Nee miin fwɔ dananbga shɔw fɛ, wo min de, ne kan no, Mtgi kan tɛ, ko: Nin mso dananbii min bareman jɔ fɛ, nin wo ka sɔn k'i to a fɛ, a kaa wo bla. ¹³ Wo too ra, nin moso dananbgaa jɔ min cɛ dananbii fɛ, nin wo ka sɔn a r'i to a fɛ, a k'a faa wo ra. ¹⁴ Cɛ dananbii wee saniya a moso dananbgaa kanma. Moso dananbii wee saniya a cɛ dananbgaa kanma. Nin wo tɛ, aa dinw tin na kɛ nŋɔnninw ye, nŋa shɛn na, aa ka senu. ¹⁵ Nŋa wo byɛ n'ata, nin dananbii mafɛ k'i paa ka bɔ dananbgaa ra, a raa wo kɛ. Nin wo ka kɛ, baremancɛ waamaa bareman mosoo srinin tɛ. Yaa masa r'an kri, ka sgi hɛrɛ ra. ¹⁶ Moso dananbga, yala e r'a dɔn n'i na e cɛɛ krishi wa? Cɛ dananbga, e r'a dɔn n'i na e mosoo krishi wa? ¹⁷ Wo byɛ n'ata, Matgi ɲinja min jii byɛ ken-ken ma, Yaa masa l'aa ru krii kun k'aa to tgomiin na, aa r'aa tgɔnma ka kanɲan nin wee. Nee wo cee fwɔ eglisiw byɛ ra. ¹⁸ Nin mŋɔɔjɔ ka kri ka sɔɔ a bookwonin mun, a r'i to wo tgoo ra. Nin jɔ ka kri ka sɔɔ abookwobii ra, woshi boo k'a kwo. Bookwoo nin ¹⁹ bookwo biiyaa shi ti fwoyi yeYaa masa ka ce fwɔnin kɛnin we ree yate ²⁰ Yaa masa mŋɔɔ byɛ ken-ken krii k'a ru to tin miin shi, aa r'a to tin. ²¹ Yaa masa r'i krii k'ito yɔnya ra wa? E k'a anmi wo ra. Wo byɛ n'ata, n'ii she ka hɔnrɔnya, ya wo kɛ ²² katgu yɔn miin krira Matgi ra, wo min Matgi ka hɔnrɔn nee. Wo tgoora kun, hɔnrɔn minkrira wo min krist ka yɔn nee. ²³ Yaa masa raa saan sgɔn re raa. Aa k'a kɛ mŋɔw ka yɔnw ye. ²⁴ Baremanw byɛ ken-ken krira k'a to tgo miin na, aa r'a to tin Yaa masa ɲan kɔɔ ²⁵ Miin nun ma fru, ne ma ce sɔɔ Matgi fɛ wuw kwo ra nŋa Matgi makari ra ne ra, ka ne kɛ dananmŋɔ ye, wee kanma nee nin ka myiiriyaw yra. ²⁶ Waati gbrɛn ɲin kanma, miin ka ɲin ne ɲan na, wo min de, ko a ka ɲiin mŋɔ ma k'i to e tgoo ra. ²⁷ Moso m'i fɛ wa? Ayiwa e kaa fru sa tgo yaara. E ma fru kɛ ban ayiwa e kaa moso fru. ²⁸ Wo byɛ n'ata, nin ka fru kɛ, e ma jrumun kɛ. nin sunŋru ka ta fru ra a ma jrumun kɛ. Nŋa a kɛbgaw na tɔɔrɔ sɔɔ aapiisgoo ra aa ka ɲranmanyaa kɔɔn na. Ne m'afɛ k'a tgan wo ma. ²⁹ Ayiwa Baremanw, nee ɲin nee fwɔ ko: Waati srunɲan na. Ka bɔ fwɔ sisa, moso min miin nu fɛ, wuuw r'akɛ n'afwɔ moso t'aru fɛ. ³⁰ Miin nun min kishi ra, wuw r'a kɛ n'afwɔ aa ti kishi ra. Miin nun yrirakaji, wuw r'a kɛ n'afwɔ aa yrirajanin tɛ. Miin nun min sanniin kɛra, wuw r'a kɛ n'afwɔ fɛn t'aru fɛ. ³¹ Miin nun n'aa makwoɲan nin diɲan ɲin fɛnw ye, wuw r'akɛ n'afwɔ aa t'aa sɛbɛ dun na wo ra, beri diɲan ɲin tgoo na tɛnmɛn. ³² Ne t'afɛ aa akrii r'a nŋanmi. min ma fru kɛ, wo r'i yrito Matgi ka kwow ra, yaako a kwo r'a ja Matgi ye. ³³ Miin min ka fru kɛ, wo r'i yrito diyan kwmw ra yaako a kwo r'a ja a moso wee. ³⁴ Ee sanma wo paflakwow sako kɛɛ nɔnkan. Wo tgoo ra kun, moso miin ti cɛ fɛ, waamaa min ma fru ban, wo ri yrito Mtgi ka kwow ra. Yaako a r'a sanniya a piikoo nin a ɲiin na. Nŋa miin frunin mun, wo r'i yri to diyan kwow r', yaako a kwo r'a ja a cɛ wee. ³⁵ Nee wo fwɔ aaye yɛɛkun nafa wee kanma. Ne ti wo fwɔ ka fɛnjɔ wajibiya aa ma. Ne ma, aa tgɔnma tgo bɛnniin na, yaako aa ɲɔrɔni naato Matgi ka baara ra, fwoyi kaa aa hakri nŋanmi. ³⁶ Nin cɛɛ jɔ k'a myiri ko a dimosoo sunŋruraman tɛnmɛn na fru waatii kan ko wo ma bɛn, ko waajibi ro a r'a fru, a r'a a sakoo kɛ, wo ti jrumun ye a r'aa ji fruu ra. ³⁷ Nŋa mŋɔ min hakrii sginin mun, nin kwo kpɛɛman t'a waajibiya wo ra, Nin she m'aye k'a yɛɛ sako kɛ, nin a ka latgɛ a yɛɛ kɔɔn na k'a ti naa a dinmosoo sunŋrulaman ji fru ra, wo tgii kwo ɲunman kɛ. ³⁸ Wee ra, miin na dinmosoo sunŋruraman ji fruu ra, wee kwo ɲunman kɛ, nŋa miin m'a taa ji, wo ta wee ka pisa. ³⁹ Moso miin frunin mun, wo srinin m'a cɛɛ ra k'a cɛɛ ɲranman to, nŋa nin a cɛɛ ka sa, a hɔrɔnya ra. Cɛ miin k'a ja a yee ee she ka fru wo ma, nŋa wo r'akɛ dananbgaw shɛma drɔun. ⁴⁰ Wo byɛ n'ata, ne ɲan na, n'a k'i to tan, wee ka pisa a ma fru wee. Ne danin m'ara fran ko Yaa ɲin min ne fɛ.