¹ Nin kiti kwo jɔ min aa jɔ nin a bareman shɛ, wee sɔn ka ta wo ɲannabɔ teen biiw fɛ tgo dii? Yala a t'a ɲannabɔ dananbgaw fɛ wa? ² aaye m'adɔn ko dananbgaw na kitiitgɛ diyan kan wa? nin aa na kitiitgɛ diyan kan, aaye man kan nin wo kwomɛnsɛnw ɲannabɔri ye wa? ³ aaye m'adɔn ko an na kitiitgɛ mɛɛkɛw kan ne kɛ? saanŋo diyan ɲin kwow? ⁴ Ayiwa nin diyan ɲin kiti kwoow jɔɔ min aa nin nŋɔn shɛ, eglisi ti mŋɔ miin nun yate, yala aa wuw kɛ wo kwow kititgɛbgaw ye wa ⁵ Nee wo fwɔ ka aa lasɔnmi. Mŋɔ hakriman shi ti aaye shɛma nin wee she ka kitikwo ɲannabɔ a baremanw nin nŋɔn shɛ? ⁶ Nŋa bareman jɔɔ jɔ kri kitii ra dananbiiw yɛɛkun fɛ wa? ⁷ Shɛn na, kiti kwo r'a sɔɔ aa nin nŋɔn shɛ, wo min aa yaaki ree. Mɔɔn na to aa ti wo teenbiiya kwoo munɲun? Mɔɔn na to aa ti tɔnɲɔnrii munɲun? ⁸ nŋa miin nun teebiya kwow kɛ, ka aa tɔnɲɔn, wo min aaye yɛɛkun wee ye. Aa wo kɛ, aa baremannŋɔnw ra! ⁹ Aa m'adɔn ko kwodgukɛraw ti n'a yaa ka masayaa kɛ? Aa k'a aa yɛɛ lafri. kakaraw wo, josɔnnaw wo, yashɔw wo, cɛ nŋɔn ɲinninaw wo, ¹⁰ soɲannin kɛraw wo, wasabiiw wo, dɔɔshɔw wo, nɛnninkɛraw wo, byikaninkɛraw wo, wuw shi ti naa Yaa ka Masayaa sɔɔ. ¹¹ Aaye jɔɔ tin min tin dɛ, nŋa aa ye kwora, aaye blara aa danan ka kɛ Yaa masa ka senunmanw ye, aaye yatera teeninw Matgi Yesu Krista tŋɔ ra anin an ka Yaa masa ɲiin baaka ra. ¹² Fɛn byɛ dganin min nee, nŋa nafa ti fɛn byɛ ra. Fɛn byɛ dganin min nee, nŋa ne ti n'a sɔn k'an yɛɛ kɛ fɛn shi ka yɔn ye. ¹³ Dunfɛnw min kɔɔnbaa ta ye. Kɔɔnbaa min dunfɛnw ta ye, wo min shɛn ye. Wo byɛ n'ata, Yaa masa na aa flaabyɛ ban. Nŋa mŋɔ piikoo ma kɛ yashɔyaa kanma. Piikoo min Matgi ta ree, Matgi n'i janto piikoo ra. ¹⁴ Yaa masa r'an Matgi kunnuun ka bɔ shuw shɛma. Ayee na anne fran kunnun ka bɔ shuw shɛma, a ka shebgayaa baaka ra. ¹⁵ Aaye m'adɔn ko aa piikoow min Krista piikoo jaw jɔɔ ree ye wa? Ayiwa ne na Krista piikoo jaw jɔɔ ta ka wuw kɛ yashɔ mosoo piikoo jaw jɔɔ re ye wa? Wayi dɛ! ¹⁶ Aaye m'adɔn ko cɛ miin nin yashɔmoso wee jɛn, aa kɛ piisgo ken ye re kɛ? Katgu kitaabu ko: Aa flaa na kɛ piisg ken ye. ¹⁷ Nŋa, miin nin Matgi wee jɛn, wo nin wo min ɲin ken ye ¹⁸ Aa bii Yashɔyaa ɲan. Mŋɔɔ kwodguu shi o shi kpɛɛman kɛ, wo min piikoo kɛnnŋɛnya kwo re, nŋa miin yashɔyaa kɛ, wo r'a yɛɛ piikoo hakɛɛ ta. ¹⁹ Aaye piikoo min Nin Senu ka Yaa masa ka bato sho wee ye wo sginin m'aye kɔɔn na, aaye wo sɔɔ Yaa masa fɛ. Aaya ti aa yɛɛkun ta ye dɛ. Aye ma wo dɔn kɛ? ²⁰ Aaye san na sgɔnba ree ra Yaa masa fɛ. Wee ra to, aa Yaa masa bonɲan m'aa piikoow ye.