¹ Baremaw Ne kibaro juman min fwɔ aa fɛ, aa sɔn min ma nin aa ka sabati wora fran, ne r'aa akri dgi wee ra. ² Aa krishira wee baaka ra, nin a ka sɔɔ n'aa to wo n'afwɔ ne r'a fw'afɛɛ tin miinshi. Nin wo tɛ, aa ka dananyaa na kɛ fuu ye. ³ Nee kran min sɔɔ ka lashe aa ma, wo kwoba garee fɛɛ ɲin ya ko: Krista sara an ka jrununw kanma, ka kanɲa ni kitaabu wee. ⁴ A shuu dun na, a kunnun na atee sabanan duun na ka kanɲa nin kitaabu wee. ⁵ A r'i yɛɛ yraa Piɛrɛ ra. Wo kwɔ, ee y'i yra cedin tan nin fla ra. ⁶ Wo kwɔ, ee yi yra baremanw jɔɔ ra waati ken na, wuw ka sha nin mŋɔ kɛnmɛn juuru ye. Aa shaanman min ɲin ari biin, nŋa aa jɔɔ sara. ⁷ wo kwɔ, ee y'i yra Yakuba ra. wo kwɔ, ee y'i yra cedinw byɛ ra. ⁸ Wo byɛ kwɔ, ee y'i yea ne byɛ ra, a min nafwɔ a jera din kɔɔn shebii fɛ, ⁹ Katgu ne min cedinw byɛra kpɛɛnni wee ye, ne man kan ka kri ko cedin yɛɛ, ktgu ne nin gbanYaa masa ka eglisi wee raa ka tɔɔrɔ. ¹⁰ Nŋaa nee min jee, ne kɛra wee Yaa masa ka nɛɛnman baaka ra. Ee nɛɛnman min yaa ne ra, wo ma kɛ fwuu, katgu nee baaraakɛɛ ka tɛnmɛn shɔw byɛ kan. Wo byɛ na ta, ne yɛɛkun ma wo kɛ nŋa Yaa masa ka nɛɛnman miin min ne ra, we ree baaraa kɛɛ ne fɛ. ¹¹ Wee kanma, a kɛra ne boora wo a kɛra wuw boora wo an min wanjuri kɛ, anin aaye dara min na,wo kwo ro. ¹² Ayiwa, an wanjuri kɛ ko Krista kunnun na ka bɔ shuw shɛma. Wo sgaan na, aaye jɔɔ she ka fwɔ dii ko shuw ti kunnun? ¹³ Nin shuw tikunnun, Krista shi ma kunnun. ¹⁴ Nin Krista ma kunnun ka bɔ shuw shɛma, an ka wanjuri kɛra fwuu aa ka dananyaa byɛ min fwuu ye. ¹⁵ Ka tɛnmɛn wo kan, an sɔɔ shɛrɛ finɲafwɔw ree ye Yaa masa kwora, katgu an shɛrɛya kɛɛ a kwora k'i Krista kunnuun ka bɔ shuw shɛma. Nin shuw ti kunnun, Yaa masa m'a kunnun. ¹⁶ Katgu nin shuw ti kunnun, Krista shi ma kunnun fyew. ¹⁷ Nin Krista ma kunnun, aa ka dananyaa kɛra fwuu, aa m'aka jrumunw na biin. ¹⁸ Miin nu sara Krista ra, wuw byɛ haraki ra. ¹⁹ N'an dgi min Krista kan ka an to diyan sho ɲin dɛnmɛɛn kɔɔn na, an min ɲaanibgashɔw ye ka tɛnmɛn mŋɔw byɛ kan. ²⁰ Nŋaa shɛn na, Krista kunnun na ka bɔ shuw shɛma. Miin nu sara, a ye min wura kunnunni gare wee ye. ²¹ Sayaa dun na diyan na mŋɔ ken sababuu ra tin miinshi, wo tgora kun, shu kunnunin naa mŋɔ ken sababuu ra. ²² Mŋɔw byɛ sa Adama ra tin miinshi, wo tgo ra kun, mŋɔw byɛ na ɲranmanya Krista ra, ²³ nŋaa byɛ n'aka waati ro Krista min gare ye, wo kwɔ, miin nu min Krista taw ye a na sgaan na. ²⁴ Wo tɛnmɛnni kwɔ,laban na she. Krista na kuntgiya nin shebgayaa nin fgantgiyaa byɛ ban, wo kwɔ, ka masayaa dun fa Yaa masa boo ra. ²⁵ Katgu waajibi ro Krista r'i sgi masayaa kun na fwɔ Yaa masa adguw byɛ koo a ye. ²⁶ An dgu miin na ban fɛn byɛ kwɔ, wo min saya wee ye. ²⁷ Wee kanma kitaabu ko: Yaa masa fɛn byɛ koo a ye. Nŋaa n'aka fwɔ ko fɛn byɛ koora a ye, a piɛnino ko Yaa masa miin fɛn byɛ koo a ye, wo sin t'ara. ²⁸ Nin Yaa masa ka fɛn byɛ koo Krista ye sgan miin na, wo kwɔ, Yaa masa, wo miin fɛn byɛ koo a dincɛ wee, a dincɛ na koo a ye, yaako Yaa masa r'a kɛ fɛn byɛ ye, byɛ kɔɔn na. ²⁹ Nin wo tɛ, miin nun batise mŋɔ saninw kanma, wuw taa ti na kɛ dii? Nin a ka sɔɔ shɛn na ko shuw ti kunnun, mɔɔn na to mŋɔw reen batise wuw kanma? ³⁰ An yɛɛkunw no? Mɔɔn na to an niin dun faashii ra sgaan byɛ? ³¹ Baremanw, ne min sayaa bafɛ dun o dun. Sabaabu miin na to ne ren wo fwɔ, wo min de, ko aa min ne ka boɲa sababu ye an Matgi Yesu Krista ra. ³² N'aka sɔɔ nin nee waraw kɛɛ Efɛse ka kanɲan nin admaadinw tgoo drɔnw, ne na mɔn nafa sɔɔ wo ra sa? ni shuw ti kunnun, an dunniin kɛ ka myinniin kɛ katgu sinnin an na sa. ³³ Aa kaa aa yɛɛ lafri. jɛnnŋɔn dgu wee sɔn ɲuman shɛn. ³⁴ Ee akri sɔɔ ka kwo bɛnniiw kɛ ka drumun dabla, katgu aa ra mŋɔw jɔɔ min Yaa masa dɔn bii ye. nee wo fwɔ ka aa muun ne. ³⁵ Mŋɔw jɔɔ na ɲrikarii kɛ ko: Shuw kunnun dii? piisgo shi jɔɔn na kɛ wuw ra? ³⁶ Akrin tanw! Ee shi min dan, wo ti n'a fiin nin a ma sa. ³⁷ Ee shi min dan, wo min kɛsɛ gbaansan drɔnw nee, ee kɛ ɲɔn kɛsɛ waamaa kɛsɛ shi kpɛɛ, nŋaa a na fiin ka kɛ shun miin ye wo nin wo kɛsɛɛ ti tgo ken na. ³⁸ Yaa masa m'afɛ ka wo kɛsɛ kɛ fɛn min ye, ee n'akɛ wo ye. fɛn min bɛn kɛsɛɛ byɛ ken-ken ma, en wo kɛ wuw ra. ³⁹ Fɛn ɲranmanw piisgow byɛ ti ken ye. Mŋɔɔ min shiyaa jɔ ye, biɛkanw taa min shiya kpɛɛman ye, kɔɔnw ta min shiya jɔ ye, ygɛw taa min shiya kpɛɛ ye. ⁴⁰ Sanfɛ fɛnw nin dgumafɛnw byɛ min ɲin, nŋaa sanfɛ fɛnw nɔɔrɔ min jɔ ye dgunma fɛnw nɔɔrɔ min jɔ ye. ⁴¹ Tee nɔɔrɔ min jɔ ye, karo nɔɔrɔ min jɔ kpɛɛ ye, dooninw nɔɔrɔ min jɔ ye. Ari nin dooniw byɛ nɔɔrɔ ti ken ye. ⁴² Shuw kunnun kwo byɛ min tin. Piisgo tii ta wee dun atii bii wee kunnun. ⁴³ A cɛdgu wee dun, a nɔɔrɔman wen kunnun. a baaka tan wee dun, a baakaman wen kunnun. ⁴⁴ a piisgoman wee dun, a ɲinlaman wen kunnun. nin piisgoman min ɲin, a piɛnin no ko ɲinlaman byɛ min ɲin. ⁴⁵ Wee kan man a sɛbɛnin mun ko: mŋɔ gare Adama kɛra mŋɔ ɲranman ye. Adama kpasana kɛra ɲin ye min min ɲranmanyaa ji. ⁴⁶ wo byɛ na ta, gare ti ɲinman ye, fwɔ piisgoman. ɲinman we ree na kɔfɛ ⁴⁷ mŋɔ garee bɔra dgunmakoo bri ra, dgukooraman no. Mŋɔ flanan wee bɔ wee bɔ sakoo ra. ⁴⁸ wo mŋɔ dgukooraman min tgo miin na, dukooramanw byɛ min tin ne . wo sankoo mŋɔw min tin miin shi, sakoora taw byɛ min tin ne. ⁴⁹ Wo mŋɔ dgukooramanw yaa min an na tin miin shi, wo sakoora mŋɔw byɛ yaa na kɛ an na tin ne. ⁵⁰ Baremanw, nee ɲin fwɔ ko: Piisgoo nin yuu ti she ka Yaa masa ka masayaa sɔɔ fwew. fɛn tii ta shi ti she tiibiya sɔɔ. ⁵¹ A fɛ, ne bunde fwɔ aa fɛ ko an byɛ ti n'a sa, nŋaa an byɛ na yɛɛma. ⁵² Janin ken, ɲan kanmi kwo ken na, bwuru kapsa fyɛn sgaan na. Bwuru na fyɛn, shuw na kunnun ka kɛ tii biiw ye, an na yɛɛma. ⁵³ Waajibi ro nin piisgo tii taa ka tiibiiyaa dun a kan na, nin piisgoo sabii ka sabiiyaa dun a kan na, ⁵⁴ Nin piisgo sa tii taa ka tiibiiyaa dun a kan na, nin sa ta ka sabiiyaa dun a kan na, wo sgaan na kitaabu koma sɛbɛnin dapa ko: shee sɔɔ ra syaa kan k' tunnn k'a ban. ⁵⁵ Ee, saya e ka she min miin? Ee, saya, ebgaa min miin? ⁵⁶ Sayaa bgaa min jrumun wee ye. Jrumun ka shebgaya wee bɔ Yaa masa ka sariya wee ra. ⁵⁷ Nŋaa baaka Yaa masa ye ee shee ji an ma anMtgi Yesu baaka wee ra! ⁵⁸ Wee kanma ne bareman kanunniw, aa sɛbɛdun ka kɛ shika-shika biiw ye. Aa ta ɲan Matgi ka baara ra sgaan byɛ ka dɔn k'aa ka baara ti n'a kɛ fwuu ye Matgi ra.