¹ Nbaremanw, ne tafɛ aato an bemaw ka kwow dɔn bii ye. wuw by,e tiin tŋɔnma san kabaa kɔɔ. A byɛ tŋɔnma na ka kɔkɔ je wlee shɛtgɛ. ² Abyɛ batiise ra Musa ye san kabaa nin kɔkɔ jee ra. ³ Yaa masa yɛɛku wee dufɛn miin jii, a byɛɛ wo jɔ duun. ⁴ Yaa masa yɛɛ kun wee myinnin fɛn minin jii, a byɛ wo jɔ myiin, katgu paakru miin n'i gbaan aa nɔn kaan Yaa masa ka shebgayaa fɛ, aa jee myiin ka bɔ wo ra. Wo paakruu tin min krista ree. ⁵ Nŋa aa shaanman kwotunman ji Yaa masa ye, weeratoo a ree sa konnŋokon kɔɔn na. Wuuw tin ka nin aa shɔ toninw ye. ⁶ Wo kwow kɛra k'a ɲan yra an na, yaako an kaa an ɲan bɔ fɛn dguw fɛ n'afwɔ wuw ɲan b,ora fɛ dguw fɛ tin miin shi. ⁷ wo tgoo ra, ka aa to an Matgi Yesu ka yrari makɔɔnrii ra, Yaa masa ka ɲinfen fwoshi ti dɛsɛ aa ra. ⁸ A yee na aa sabati kun fwɔ a labaan na yaa ko aa yaaki bii ra sɔɔ an Matgi Yesu Krista ka duun na ⁹ Yaa masa min kantgi ye a yee raa krii ka kɛ a dincɛ Yesu Krista jɛnnŋɔnw ye. ¹⁰ Nbareman, ne raa daare an Matgi Yesu Krista kannma: Aa kan kɛ ken ye. Paa k'a kɛ aa shɛma. Aa kɔɔn kɛ ken ye, wo kɔɔ o ŋanninɲan ken naa kɛ aa ra, a nin myiiriya ken. ¹¹ Ne baremanw, a fwɔra ne fɛ Kloe ka sho mŋɔw jɔɔ fɛ ko sɔsɔriw min nin nŋɔnshɛ. ¹² Ne ma fɛ ka miin fwɔ, wo min de : Aa ye jɔɔ ra fwɔ ko:Ne min Poli ta ye. Jɔɔ ren ko ne min Apolɔsi ta ye. Jɔɔ byɛ ren ko: Ne min Piɛri ta ye. Jɔɔ kpɛɛman neen ko: Ne min ¹³ Krista ta ye. Krista Tran Tran nin no wa? Pol kpenŋmera yrii ra aa kanma wa? Aa batsera Pol tgɔra wa? ¹⁴ Ne baaka da Yaa masa ye, katgu ne ma aa ye shi batise Krisipus nin Gayusi tɛ, ¹⁵ yaako mŋɔshi kaanan fwɔ kaa batisera ne tgɔ ra. ¹⁶ Shɛnro, nee Sitɛfanasi ka skokɔɔna mŋɔw byɛ batisee. Nin ne min ka mŋɔ kpɛɛman batise wuw kwɔ, ne ha kri ti wo ra. ¹⁷ Krista ma ne ce ka batiserii kɛ, ee ne cee ka kibaro ninmŋɔw ka akritgiya komaa tɛ, yaako Krista ka kpeŋmeyrii komaa kaana kɛ fwʋu ye. ¹⁸ Krista ka kpennŋmeyrii wanjurii min nalomanya ree harakibgashɔw ɲan na, nŋa aanne miin nu krishi, aanne ɲan na, Yaa masa ka shebgaya ro. ¹⁹ A sebenin mun ko: ne na akritgiw ka akritgiyaa shɛn, ka kwodɔnnaw ka dɔnninyaa kɛ fwuu ye ²⁰ Wo ra sa, akri tgii min miin? Sariya kaamŋɔ min miin? Waati ɲin sɔsɔrikɛra min miin? Yaa masa maa yra ko diɲa ɲin ka akritgiya min nalomanya ree? ²¹ Yaa masa ka akritgiya min n'i yraa dinɲa na, din nin a ka akritgiyaa ma she ka Yaa masa dɔn wo fɛ. Wee kanma Yaa masa re yaa latgɛ ka dananbgaw krishi kpeŋmeyrii wanjurii nalomanyaa fɛ. ²² Yahutuw tŋɛnmashɛ kabakwomanw ɲinnin. grɛkiw akritgiya wee ɲinnin. ²³ An kpin Krista kpeŋme kwoo wanjurii kɛ. wo wanjurii min kunnashɛnri ree Yahutuw ɲan nan. shiya kpɛɛmanw ɲan nan, nlomanya ro. ²⁴ Nŋa Yaa masa miinnuw krii, yahutuw nin shiya kpɛɛw kpin,wuw ɲan nan, Krista min Yaa masa shebgayaa nin Yaa ²⁵ Katgu akritgiyaa min Yaa masa ka naromanyaa ra ka tɛnmɛn mŋɔw ka akritgiyaa kan. Baaka min Yaa masa ka baakatanyaa ra ka tɛnmɛn mŋɔw ka baakaa kan. ²⁶ Baremanw Yaa masa r'aye miin krii; aa myiri aa yɛɛkun kwo ra. Miin nuun yate akritgiw ye dinyan ɲin na, wuw man sha aa shɛma. Fgantgiw man sha aa ra. Mŋɔ tgɔbaw man sha. ²⁷ Nŋa dinyan ɲin fɛn miin nun yate naromanw ye,Yaa masa wuw ɲannatɔnmɔɔn yaako ka akritgiw muun. Dinyan fɛn miin nun yate baakatanw ye,Yaamasa wuw ɲannatɔnmɔɔn yaako ka baakamanw muun. ²⁸ Dinyan fɛn miin nun yate fɛn gbaansan nun, ee dgi fɛn miin nun na, hari fɛn miin nun ti fwoyi ye, Yaa masa wuw ɲannatɔnmɔn, yaako fɛn miin nun yate, wuw r'akɛ fwuu ye, ²⁹ yaako adamaadin shi k'a yɛɛ boɲan Yaa masa ɲan kɔɔ. ³⁰ nŋaa Yaa masa ree baaka ra aa min krista Yesu ra. Yaa masa Yesu kɛɛ an ka akritgiyaa n'an ka teenniya wee. An sanniyarii nin kumabɔrii byɛ sɔɔ a yee ra, ^{31 32 33} Yaako min na yɛɛ boɲa, wo r'a yɛɛ boɲa Matgi ra, nafwɔ a sɛbɛ nin min kitaabu ra tin miinshi